8號風

嘩嘩今日８號放假一天，原本爸爸要開早會，而家都可以安坐家中睇吓電視，陪吓妹妮喇。其實趁咁‘好天’，我梗係想去睇戲啦！諗起以前仲同公公，EE住時，因為屋企樓下有商場，打風唔駛返工就一定同EE，舅父去睇戲，好開心架！就算唔睇戲都帶埋妹妮去可商場逛吓，可惜今日無車爸爸話８號風街上唔會有的士，所以最後都係留喺屋企，唯有休息吓，陪妹妮玩攞。

最近妹妮鍾意豎起隻食指...即係no.1咁解

已經出上面兩隻牙仔喇，好大隻又分得好開喎！

尋日公司‘頒獎’，from上個quarter其中一個penetration，總之有禮物啦! lets go shopping!

有街去喇

話說上星期孱弱爸爸病咗，搞到妹妮無街去。仲傳染到妹妮都病埋，前幾日先睇完醫生。等咗成個星期，終於到星期日喇！今日本來約好Canary EE同Clara B一齊去探Sonia EE同個零月大嘅小Ｂ女，但因Can EE都病咗，其實爸爸亦未好返晒，所以就改天先再去了。因此我哋就改變計劃約埋公公去探太婆喇，直頭係４代同堂呀！妹妮今個星期因為病病，所以好moody，成日張開雙手要抱抱，死啦，黎緊星期５，６，日yaya Gigi（yaya即nanny咁解喎，好多老師都叫d傭人做yaya架，GG就係Gemma話佢以前揍d細路叫佢Gigi會易叫d)會請假去d宗教活動，要由我頂上揍B，實玩到我謝！

星期三偷懶一個下午同Astor去hea, 我哋無shopping, 返而去咗跑馬地睇樓。仲去埋街市食翅，好耐無咁hea喇！下星期yaya 返黎我一定要hea 返日先！

每日必做動作，企喺我床頭玩‘爬山’

see!連覺豬都要壓住我，第時重d點算？

busy week

今個星期好多嘢做，呢兩日又要返工，好似無mud倍過妹妮咁，連weekend都無得去街街。本來爸爸今日帶佢去書展，然後仲同姑媽一大班人飲茶。但潺弱爸爸嘆完一晚泠氣後就病倒，所以今日所有節目都要取消。可憐妹妮等咗成個星期先有街街去，而家都要留喺屋企。唔知係咪因為知道爸爸病咗，今日佢好chi身，只要‘好似’要放低佢，就已經作狀想喊，成日想人抱抱。不過除咗扮喊，佢終於識自己揸住個奶樽餵自己飲奶！只要將佢訓低，遞個樽比佢，妹妮就會自動自覺將奶咀放入口。聽落好簡單，但以前將佢隻手擺埋個樽佢會縮開到而家自己揸住擺入口已經係好大進步了。小朋友進步得真係快呢！anyway,今日就呆在家中渡過，下星期希望有街街去啦！

睇吓,妹妮一見到爸爸企喺床邊就即刻跁過去想抱喇

SUNDAY gatheringS

今日有兩個任務: 晨早數碼港morning drive同我好祈待嘅b聚。首先7:30就入到去le maridien 食早餐及同MINI club去morning drive， 試最新嘅JCW跑車。 好彩咁遠去到，天氣好好，仲有豐富早餐食，雖然搗塔咁早起身，都算不枉此行。緊接住就係４pm嘅baby gathering，因為朱sir喺英國返咗嚟，又順便興祝朱sir B梓悅同baba david生日，所以就搞個攜b出席嘅 gathering嘞。我地5個美女b都係2007年產品，對上一次見面已經係一月一日了，當時大家仲一舊飯咁任你舞。無見咁耐個個都大隻好多了 除左妹妮同大佢兩日既汶慧b唔識行外，其他都可行黎行去lu。大個d嘅元元b仲識聽指示做動作， 我諗妹妮好快都會識喇!

其實bb gathering就好似去playgroup咁，大班細路都係各有各玩。 不過睇住佢地幾個玩，我地d大人又有得gather一下，好開心喎!

呢度得４條女，因為汶慧B去覺覺豬

壽星Ｂ梓悅，後面係大肚Aunite Esther & Auntie Astor，仲有元元Ｂ同妹妮。就嚟又多件dede加入喇

Kiss kiss呢Ｄ社交禮儀，BB都識啦！

玩攰了，你哋慢慢影，我就要覺豬豬了。

睇下更多Ｂ聚相here!

PS: 點解妹妹改咗名叫妹妮？其實爸爸咁叫佢好耐喇，不過我諗個妮字係喺媽咪個名抽出嚟呱？

母女情

媽咪離開我哋７年了。每年今日總有d唔開心，但又唔想提起令爸爸傷心，所以都無特地去拜祭。媽咪，而家我有了妹妹，我會好似你以往照顧我哋咁悉心照顧佢㗎喇，好似你以往痛鍚我哋咁鍚佢，好好真惜每日同佢相處嘅時間。今日影咗d相...for you...

九個月大喇!

今日係好日呀, 因為係妹妹嘅九個月生日及公公嘅生日. 可能就係因為係好日, 呢d日子一早就book滿function. 今晚要半工事的出席晩宴. 搞到無得同兩位壽星興祝, 所以尋晚我哋提早同公公興祝, 去布袋澳食海鮮. 不過可惜舅父德去咗英國工幹, 所以無份食.

今朝九個月大嘅大ＢＢ！

聽故仔，佢每聽到'once upon a time...'就算喺床尾都即刻跁返嚟聽故仔㗎！仲會做埋動作配合故事內容tim!

摘星

前兩日老公同我講，有日佢跑步時突然諗起陳百強首「摘星」嘅歌詞好似講緊佢喎．．．

　　　日出光滿天　路邊有一間旅店
　　　名後悔　店中只有漆黑
　　　找不到光輝明天
　　　但店主把我牽　并告知這間乃快樂店
　　　人步進永不想再搬遷
　　　怎知我挺起肩　抬頭道

  ＊我要踏上路途　我要為我自豪
   我要摘星不做俘虜
   不怕踏千山亦無介意
   面容滿是塵土

  ＃提步再去〔人疲倦也要〕踏上路途
   我要為我自豪
   我要摘星不做俘虜
   星遠望似高卻未算高
   我定能摘到

   日出耀長路　日光過山跨岭射到
   如像我　永不愿停下腳步
   一心與風闖　悠長路

   重唱　＊,＃

   我定能摘到

我問點解啦，佢話歌詞中嘅店主係佢嘅顧主，明明唔係好工，但又焗住要做。所以佢話要好似副歌咁「我要踏上路途　我要為我自豪　我要摘星不做俘虜」喎。我聽完後覺得：又好似幾貼切喎。不過原來首歌係形容道友㗎！真係得啖笑

大喊十觀禮記

今日Iris結婚，我哋一大班同事去烏溪沙觀禮。仲帶埋妹妹去，gemma專登比佢訓晒覺，食飽奶奶先，仲著到靚靚去觀禮，諗住觀禮之後就順道去探公公。啱啱落車時妹妹見到d朋友都OK，但人哋撩佢佢又驚。好彩婚禮過程好順利，佢無扭計。一齊見證住Iris結婚，乖乖抵鍚！完禮後跟住我哋出教堂外食小食飲嘢時，winny抱住嘅妹妹仲撩人玩，突然間，因為另一個無咁熟嘅同事抱一抱，妹妹就一發不可收拾咁喊，簡直係喊到唔停。搞到合照時佢係喊晒口咁影，激死我，但係話佢仲喊大聲d，好似真係識聽咁。最後大家都頂佢唔順要散水，我就帶佢去探公公，但去到公公屋企仍不停咁喊，究竟佢點解喊得咁勁呢？唔通係驚嗰位同事？？？真你𢱑頭！我哋都只喺公公屋企逗留咗十分鐘就返歸了。最後妹妹喺有冷氣又un-un吓嘅車箱入面訓著了，仲要訓緊時仍不忘間中扯吓蝦先抖返順條氣

睇吓，今日扮得靚靚，個黑超同件衫仔係襯埋㗎！

不過試戴眼鏡時就好扭計, 可能驚見到嘅嘢都黑晒呱. 呢張相好好笑.

觀完禮, 心情靚靚就同你玩吓啦~!

新馬仔

諗咗好耐，最後都係扑搥買啦。上次見到winny個朋友有隻馬仔，好得意呀，後尾喺Its imagicals 到見倒，原來係多用途㗎。可以由搖搖馬變身腳chant chant嘅車仔，又可以做bb手推車，用到36個月大，都幾抵ah! 雖然同事william覺得我好似買比自己多d, 但我真係覺得妹妹會鐘意玩㗎。

7.1.遊船河

今日我哋一家大細又出動喇，見咁好天就去遠d啦，去遊船河！今次係Emily EE邀請埋我哋，又係妹妹第一次坐船，之前聽人講BB可能會暈船浪，好彩又無事。11點喺TST鐘樓等，我哋10點幾就到喇！

去大家樂食個早餐先啦！

集合前影幾張相先，原來尖沙咀碼頭個景都幾靚喎。

咦，仲有其他小朋友同Pizza Hut外賣呀，原來Pizza Hut可以送到街邊嘅。

上船喇

咁大個‘露台’，就等baby四圍跁吓啦

我就有得玩香蕉船，犀咗落水後好難先上得返去

妹妹第一次去沙灘玩呀，初初都有d驚沙㗎，不過掂過之後就唔驚lu

臨走時個個都同妹妹講byebye