今日節目多籮籮

一早起身就比爸b‘的’咗去九龍仔公園哹吸新鮮空氣，爸b話要比妹妮行吓公園喎。其實係陪跑就真！晒到死，爸b跑步，我同妹妮唯有躲喺樹底，好彩都有d風，唔係就蒸乾妹妮了。

九龍仔公園影起相都幾靚喎，途中經過泳池，有Ｄ後悔點解唔游水呢。

食完早餐之後仲去探太婆潻，趁中秋節同太婆團圓吓嗎。太婆好鐘意妹妮嫁，雖然太婆唔係好認得，但一見妹妮即刻醒晒，掹話個ＢＢ好得意。

臨走前送太婆一個kiss kiss，妹妮暫時只識伸出個頭仔做kiss kiss，唔識嘟咀仔住嫁不過都lum死人喇！

去咗半日街都攰了，返到屋企一齊覺覺豬先，睇吓妹妮瞓喺爸Ｂ身上瞓到丫晒口

妹妮瞓著個樣同平時唔同嫁，我就覺得女仔Ｄ，不過瞓低咗塊面仔好似仲闊Ｄ。

覺豬完畢就出法去行叔叔新屋企house warming，妹妮去到新地方都好快熟絡，之後仲周圍爬，參觀吓間新屋。

跟住妹妮仲一齊到會所去打保碌齡，妹妮見到咁多大波波喺度碌，睇到目定口呆。

終於忍唔住要去摸吓Ｄ波波，嘻嘻，咁重嘅！咪睇佢企得咁穩呀，其實妹妮仲未識行嫁。

中秋賞月

今日買到燈籠喇，係魚魚燈籠，好cute嫁！妹妮都好鐘意咁喎

本來諗住買吹氣嗰Ｄ，發現呢Ｄ全統燈籠有迷你版就硬係買呢Ｄ啦！媽me不嬲都鐘意全統燈籠嫁，仲有個大楊桃留咗喺公公屋企潻。

今晚我哋喺屋企「做節」，叫pizza食。妹妮好想食埋一份，３６０度轉身想偷食。差Ｄ比佢攞到！

飯後就係全晚最精彩嘅節目...賞月嘞！爸Ｂ帶咗我哋去附近嘅公園，諗住唔玩都睇吓人㷛焟...點知人影都無，只有小貓三四隻，一Ｄ氣氛都無都唔似往年喺公公屋企食完飯去馬鞍山個海濱公園咁熱閙，成個公園都佈滿一家大細，坐滿草地賞月，玩燈籠。以前我同爸Ｂ都試過去嗰度賞月嫁...早知一早就揸車入去啦，不過妹妮要覺豬，唯有等出年先啦。

呢張相爸Ｂ話專登影埋個月亮喎，呢，我頭頂嗰一點咪係囉。

呢個已經喺係最旺場嘅corner喇

游蕩一陣後，都係打道回府，今晚行程報導完畢。妹妮第一個中秋就係咁渡過咗lu，出年我一定知‘訂’了！

家好月圓慶中秋飯局

妹妮今年第一次過中秋呀，上次中秋妹妮都仲喺媽me個肚入面，而yayaGigi就喺中秋節正日加入我哋嘅家庭，時間過得真快，轉眼就一年了。不過由於妹妮仲細，未識玩燈籠，所以今年都無咩特別慶祝...但媽me聽日都會買個電子燈籠比你，妹妮你放心啦，媽me應承買燈籠，絕對唔會甩底，唔會出年先有得玩嫁，嘻嘻！

　今個中秋相信都會喺平淡中渡過，始終妹妮每晚都９點就覺豬，好難有得賞月嗎。不過都有兩家團圓飯食，妹妮又點會無份呢。

尋晚同爸Ｂ屋企食飯，妹妮表現好乖，不過都唔係人人比抱，大小姐嗎！！

不過見到靚仔都會比面望多眼嘅，睇吓呢位隔離枱嘅靚仔！妹妮𥄫咗好耐嫁，似唔似嗰個大隻ＡＢＣ港男？３號嗰個呀？

今晚到公公屋企食飯，因為唔係成日見到公公，開頭都有Ｄ怕醜嫁，玩一輪熟絡返就成日望住人嘞。

靚盒

好耐無買過日本雜誌了，因為覺得貴呀。今晚經過７仔，見到呢個隨書付送嘅禮盒，就吸引咗我埋去。係ＴＣ嘅盒仔，睇落都幾靚丫！就買啦！原來係鐵筆盒，簡直就係讀書時代嘅恩物，雖然係鐵做，但有用拉錬開關，真係剛中帶柔！可能可以當化妝袋用喎。哈哈！

其實以前都儲落幾個ＴＣ嘅雜誌禮品，其中一個跟咗我幾年嘅ＰＶＣ袋仔...呢，細細個，剩係裝銀包同紙巾，比你lunch出街用嗰Ｄ呢。新年時居然喺奶奶屋企出現，仲係新年時用咗黎裝佢Ｄ利是...都唔知出唔出聲好。不過都過咗咁耐，都係無問佢攞返，袋呀袋，唯有希望你個‘新主人’會對你好Ｄ啦...

笑笑小電影

妹妮精力旺盛，簡直無時停，好似生蝦咁彈。而且經常處於興𡚒狀態，直至．．．

．．．

．．．

可憐小妹妮撞親仲比冷血媽me笑， 不過影咗佢笑咁多次，今次比大家睇吓妹妮嘅喊樣，同聽吓佢洪亮嘅喊聲！

第一次摸摸

今朝食完早餐後便去‘影樓’棟相，個攝影師幫妹妮影咗十幾張，但passport用我哋只需要一張。其實望落去張張都差唔多，因為今次係為passport而影，就算技術幾好始終都係影張証件相，所以無咩驚喜。不過原來Ｄ相係用１２０mm菲林影，感覺好似‘矜貴’Ｄ。　所以我哋加咗錢晒多咗４款做２Ｒ相...咁就駛多四舊水，不過ＢＢ樣變得快，當做為今次‘活動’留個紀念啦!

前幾日大，小肥洗完白白，見今日仲香噴噴就比佢哋同妹妮黎個第一次正面接觸。大，小肥因為妹妮嘅出現而要被分隔在露台外嘅工人房（慘!），雖然我間中都帶妹妮去睇貓貓，不過未掂過佢哋。今日爸Ｂ特赦比大，小肥放監同妹妮玩呀（好嘢！）好多書都話比小朋友養寵物可以培養責任感同愛心, 相信妹妮大個d都會學到嘅。

第一次咁近...妹妮有d驚嫁,不過大肥仲驚.彈開幾尺先!

得爸b細心引導,妹妮開始relax D, 仲熱情到伸埋去錫錫潻.

見大肥你咁乖, 等我小妹妮比個kiss kiss你啦

又摸吓小肥...並實係搣小肥耳仔就真!

仲追住大肥, 大肥驚到走為上著.

唔夠手攬晒3隻, 影住兩隻先. 無錯,妹妮都係一隻...豬仔黎嫁。

洗白白

雖然踏入９月但係天氣仍然好熱，屋企大，小二肥７月時嘅skin body已長出密密嘅皮草了。見佢哋好似好熱咁，所以今日叫Vincent黎車大，小肥去洗白白及剪毛毛。早車去晚車返，返到黎已煥然一新！仲香噴噴潻

米色嘅就係大肥，黑色就係小肥。個名係按身裁大小而改嘅。其實大，小肥係唔同種嫁，大肥係異國短毛，小肥係波斯貓黎嫁。

睇完大，小肥嘅（出）浴照，又點小得妹妮呢？

yayaGigi幫妹妮按摩，因為上次買馬仔時送一樽ＢＢ用按摩油同香水。聽講按摩可令ＢＢ瞓得好Ｄ，不過對妹妮無咩幫助，佢仍然係超級活躍兼瞓唔著！

哈囉！我最鐘意touch touch鏡頭

妹妮留倩影

今日爸Ｂ上午放假，因為一連３日要到廣州開會，所以媽Me都待在家中一齊hea。由於一直話要同妹妮整返個passport，不過都未影到啱心水嘅証件相，今日爸Ｂ提議去‘尖尖’影...吓‘尖尖’咩黎嫁？爸Ｂ話喺佐敦普慶附近，要上樓嘅舊式相鋪...尖尖相鋪。當時腦海入面即刻有黎明套「三更」嘅片段時閃過！當車駛到後，由於爸Ｂ要搵位泊車更吩咐我單拖抱妹妮上樓先。見到條舊樓樓梯，貼滿舊式照片，真係好..............retro。不過尖尖已.改.名.做善美影室，現實去到其實一Ｄ都唔恐怖。

自己就從未試過去呢Ｄ舊式相鋪影相，點知上到去都有小朋友黎影學生相喎。

睇吓幾懷舊，掛滿不同嘅經典...全家幅嫁，依家都仲有學生哥去影嫁。今日妹妮著咗Auntie Angie買喺新裙仔，成個女仔返晒

拍攝花絮，比妹妮坐高小小，一坐落去就想喊，可能怕高啩。不過一陣就無事，我同爸Ｂ想盡辦法都引唔到妹妮笑，只係比到一個好似好好奇嘅Ｏ形咀咋。

後來我要喺攝影師身後‘點蟲蟲’妹妮先吱出小小笑容，都唔係平時呢Ｄ見牙唔見眼嘅

今次攝影師幫妹妮影咗十幾張菲林，聽日有相睇。好心急，唔知較果係點，話晒唔係digital，無得執相嗎。不過都係等埋爸Ｂ喺廣州返黎先一齊揀相。爸Ｂ仲話如果影得好以後每年都帶妹妮去影一次潻。

影完相去附近嘅太平館食晏，當然係例牌嘅swiss chicken wings同swiss sauce 牛河啦　話時話，而家諗返先發現今日去的地方都好懷舊喎

個傻妹不斷咁dance dance，呢隻叫‘un un'舞...不斷un吓un吓咁。搞到幅相都睇唔到佢個樣。