Friday, January 9, 2009

我的2008

來個2008回顧,時間過得真快,尢其有個小朋友讓你睇住她漸漸長大。今年除了有妹妮外,自己又重投工作。其實去年抖了差不多半年(7月至12月)後,都好習慣躱在家偷閒的日子了,幸好返工又好快適應返。不過最大改變可能是這一年起都每天7時多便會自動起床了!是因為要餵人奶,好想每日早起可以埋身餵B。今年最大貢獻可能是堅持餵了半年,雖然後來3個月都只是pump出來,不過都等妹妮半歲才放棄咧。



08/1月 ﹣生產後同老公二人世界,撇低妹妮去東京旅行,好正呀!!!第一次離開妹妮5天之久,好掛住她,不時要攞出手機睇她的video解相思之苦。她亦在我們旅行時開始用potty去便便的。





 

08/2月 ﹣妹妮第一個農曆新年,今次終於有利是收喇!四個月大開始食糊仔。





 

08/3月 ﹣妹妮開始嘗試反身,掂自己腳仔,爸B買了新相機等我可以影多些妹妮靚相。

 






08/4月 ﹣半歲啦!妹妮會講ba-ba同拍手掌!爸B仲訂了新車呢。







08/5月 ﹣第一個母親節,沒有大事慶祝。妹妮可以坐穩了,仲識用手踭,膝頭及肚腩爬爬了!從此她不再被困在床上了!








08/6月 ﹣第一個父親節,妹妮出牙仔!第一次游水!學識扶住東西站立喇,及由站立而坐低。






08/7月 ﹣第一次遊船河,同BB朋友半年一聚,妹妮爬得好快,好似打游擊的爬,勁搞笑!妹妮因一次感冒,醫生說可以食粥仔了。







08/8月 ﹣食粥仔後餵口都穩定了,以前妹妮淨飲奶時經常個口仔一掂奶樽就喊,事後回憶我懷疑是奶太熱呢 今個月有新車揸咧。







08/9月 ﹣去影樓影証件相,過第一個中秋節,玩燈籠。








08/10月﹣生日月!爸B,Emily EE,yayaGigi 同貓貓大肥都是10月生日,妹妮&咪me更是同日生日,又是爸B咪me的結婚週年,吃過無數蛋糕,去過迪士尼,又著過Halloween Costume。最重要係妹妮在生日前3天可以自己行了,以後就自由了!(即係我們要更加睇住佢)。妹妮在生日後的首個星期一被迫戒奶咀,但叻女的她竟可在一天內戒掉!另外因為識行了,yayaGigi開始帶妹妮到樓下playroom玩,妹妮認識了首兩個自己的朋友仔,自始差不多每日都見面。









08/11月﹣月初妹妮第一次在無什準備的情況下去了幼兒園面試,當時仍很呆的,像一舊飯,所以未被取錄。不過這個月她進步很多,除了會講很多,會辨認東西,還很會扭計。








08/12月﹣妹妮第一次去散餐班playgroup 玩。已經是第二次聖誕節,反而今年無帶妹妮專程去影燈飾相,不過屋企就整返聖誕樹呢。








現在想起都有點後悔當時寫blog寫不夠,因為每一丁點的事對我同爸B都是刻骨銘心的!



前幾晚在電視看欣宜的節目=>我的2008,內容大概是回顧過往一年對她的轉變最大,因為親愛的媽媽離去...很感動,她回憶自己兩母女感情。想真點其實自己不太痴媽媽的,直到她離開便很後悔以前無嗲過她,無撒過嬌。希望這一點可以在跟妹妮的相處尋回呢。

浴照

今日爸B身在珠海,咪me偷懶躱在家。



近日天氣又漸趨寒冷,明天更會低至8度!所以妹妮沖涼要開暖風機,弊在客厠的拖蘇又壞了,所以要大陣象將沖涼用具...盤,沐浴液,衫,玩具,還有最重要的暖風機移師至咪me的主厠喇。



開水時妹妮已經跟出跟入,無蝕底。





登登登登,妹妮出場!剩穿片片好似個大BB。






嘩!!出浴照呀,平時唔覺,原來一個S形鋪士妹妮個肚腩仔都幾大噃。




洗頭時yayaGigi幫妹妮整個洋蔥頭。




妹妮每日最happy就係bath time同下午到playroom同兩個朋友仔玩嘞。




又有新拖鞋,話說之前有對可愛melody拖鞋,但鞋底有點厚,所以好易拗柴。於是yayaGigi星期日放假出街時又買一對新的比妹妮。




妹妮更加鍾意這一對,因為行得更舒服,她現在經常整天穿上拖鞋呀!!



Saturday, January 3, 2009

週未探親外遊記

禮拜六有節目, 今日首先去探初生表弟. 不過去到時表弟已覺覺豬, 妹妮就只有觀望.



好了, 由大姑媽(bb媽媽是二姑姐)抱抱bb比妹妮睇, 你睇妹妮個表情出現倒V咀好似在諗...'呢件咩黎?' 不得不提這頂粉藍色冷帽是大姑媽的愛心手作, 妹妮戴起好cute呢!



同表弟影相都好似好苦情的, 跟住仲扭計推開bb, 難道你不喜歡BB嚒? 平時你好鍾意屋企隻BB玩具, 仲成日推車仔噃. 不要擔心, 你永遠是爸b咪me心目中最可愛的bb, 無人可以代替你的!  抵死的是爸B也奸笑, 究竟大家在想什麼?



'好喇噃, 我警告你咪再影, 你邊間報館架?'



之後我們去了海怡工貿逛傢俬鋪同outlet, 以往見很多鬼佬爸媽都帶埋bb來shopping 的. 妹妮第一次來這裡. 不過她去邊都反應不大.


到我同爸b都鍾意的Tequila Kola, 喜歡這個style, 奈何他們的傢俬都偏大, 無法塞入我家.



在連卡佛warehouse的衫海覺豬豬.



晚上去公公家晚飯, 妹妮只間中埋枱吃小小便走開自得其樂的玩, 因為她主要食糧仍然是粥仔同奶奶嘛. 但餵食的她總愛試食大人食物, 每次埋枱都'吟'一聲帶滿一咀食物.


妹妮好鍾意波波, 無時無刻見到圓形物體都會大叫'波波...波波'. 今晚見有兩個波波, 就貪心的要攬晒兩個~!



自從3個月大就開始坐potty去'唔唔', 而家大隻些便買了個附加厠板等妹妮習慣一下坐坐厠.



Thursday, January 1, 2009

褸

仍然好有holiday mood呀, 都未回魂又卻要返工了, 慘~!


不如睇下妹妮新相吖, 這件晨褸其實是去年買的b用睡袋, 卻一直無用過. 今年摷出來才知可以拆成一件晨褸, 都好, 總算無嘥到. 妹妮著起後好似隻皇帝企鵝!



終於試下上次買的親子乾濕褸, 不過因懶人咪me未換衫仍然穿睡褲 加上可能天氣凍關係妹妮對換衫有點抗拒所以無合照. 不過這件3歲碼的大褸可能到妹妮3歲時已不合著了.



法國貴婦在香舍麗大道推著bb車慢步的情景.



著返皇帝企鵝裝仍然鍾意推住車仔...真正由朝推到黑