Girls night out

話說好耐無見Irene同Winny姐姐，於是趁大家可以就到黃昏就齊人就安排個短聚。因為妹妮８點半就瞓，所以都想早點回家，就５點半ＯＴ等！

今日咪me有事做所以遲了才回到家湊妹妮，抵家時妹妮已經換好衫心急地等咪me出發。而家只要妹妮知道有街去，換好衫後就好心急，如果再等都仲未出門就發𢛴憎喇。

去到ＯＴ同姐姐會合，兩位姐姐買了無印餅乾同麵飽比妹妮做手信。

Irene姐姐自從妹妮個多月大後都無見過面了，無見成年幾妹妮已經大隻好多！上次見面還是手抱咁大，仲要一比人抱就大喊的麻煩Ｂ。

有姐姐抱妹妮硬開心！她們為妹妮plan了個行程，我們先去冒險樂園‘參觀’，因為我同妹妮都大鄉里從未入過去玩的，今日姐姐提議便去逛逛。不過所有遊戲都兒童不宜，唯一的波波池妹妮又未夠高玩，所以淨係參觀算了。

跟住再逛Toysrus

妹妮推一陣車仔後又要Irene抱抱，Winny好彩揀推Ｂ車，幸免了廿幾磅抱抱，因為唔係跨張，Irene抱完妹妮一陣之後連手都震埋

自製合照，妹妮醒目的望鏡，間接望了鏡頭。

之後去Dan Ryan晚飯，有令妹妮可玩足一晚的氣球。妹妮一見波波就興𡚒，猛叫波波，對氣球又打又拍，真係玩足一晚！我們都有啖好食，哈哈！！

起程回家都差不多９點，已過了平時的上床時間，但妹妮仍然好精神，又不停比姐姐們飛吻道別，希望下次聚會唔會一年之後咁耐啦。如我所料，上車一陣就呼呼入睡了，要call爸Ｂ落停車場幫手攞袋。離奇的係妹妮瞓著了仍可以緊揸氣球，波波真係咁緊要？

play back 今晚出門口時爸爸剛返家，妹妮一見𨋢制就要拑，尋日開始可以自己掂到𨋢制了。

十七個月大喇！

下個月就歲半了，但妹妮無論身型同行為都好似人家兩歲一樣，經常被常做兩歲女。今日因公司有event未能帶妹妮出街慶祝，否則我們可以join埋Pauline姑姐一齊慶祝生日啊！

由於成日我都出了街，只有放工時影了數張妹妮相。今日uncle Michael同姑姐都來探妹妮，妹妮玩得開心時就kee kee kee的騷笑樣娛樂大家。

講返這個月，妹妮語言能力都進步了，就好似了哥一樣你一句，她一句。已經開始識組織簡單句子如：咪me work work（即係我做緊嘢），coming night night daddy（叫爸Ｂ跟她good night前抱抱），又會用廣東話同隻豬形公仔對話‘pig pig係咪呀？’等。今日仲跟yayaGigi簇隻字講‘Ｉ...Love...咪me’，冧屎人喇！！相信好快妹妮便會一輪咀的講話了！另外認字認圖最叻，就算我們畫得鬼五馬六，她都一眼講得出那個圖畫是什麼！！

最近更發覺她會像少女般的怕醜，有時見到我的男同事／就算姑丈都會怕醜呢埋我腳後，又扲眼，又拎轉身裝返出黎。據yayaGigi講，樓下的兩個朋友仔雖然大過妹妮，但都未有這種含羞的行為，妹妮係咪太早熟呢？？

有關big girl的晒士，上星期磅過是26.6磅，身高85cm，現在要穿兩歲衫，６號或14碼鞋了。

Creative play

早兩個星期因為要去interview所以skip了第一堂art play班。今日終於去上補堂，不過貪新鮮咩都想試於是加錢補上creative play，睇下有什麼分別先！

以為weekday 會多車Ｄ，因為付近有好多幼稚園嘛，所以一早出發去霸位泊車。點知一去到門口就有個車位，於是入學校等半個鐘先有堂上。我倆今日最早到，妹妮在課室門口動舞。

入到課室坐定定，咦，Ｄ工具好似同art play差不多，原來都是手工，畫畫。今日妹妮初頭仍然抗拒掂畫筆，因為今次係塗白膠䊢，Ｄ手指仔黐泣泣後就想喊。

好彩好快又到洗手時間，之後仲有小食吃！

其實這個班跟art play只多了大約１５分鐘故仔時間＋１５分鐘free play唱遊，不過今次雖然多半個鐘但就好似耐好多，妹妮攰到放學後一上車就瞓著。

＊＊＊＊＊＊＊

之前post了兩幅相話妹妮比去年６月高了半個頭，但我尋日見她企埋去電視櫃，原來而家好似高過個櫃成個頭有多！

今個星期開始用stage 4杯蓋，無飲管，其實妹妮間中都會用大人杯飲兩啖，不過而家轉杯蓋係比佢慢慢習慣無飲管飲水。

呢件睡衣好搞笑，連腳的，好似以前ＢＢ時著的夾乸衣一樣。妹妮當然唔慣兼唔記得以前日日都著這些連身衣，所以成日執住腳仔想脫掉那脫不掉的襪仔。呢個做型反而有Ｄ似馬戲班的空中飛人！

Rock your body

呢個傻豬唔知係鐘意音樂定鐘意跳舞呢? 每聽到音樂就扭身扭勢?! 唔參加跳舞班會唔會埋沒了她的天份呢?

瞓晏覺

ummm...妹妮覺豬豬時真係成個小天使一樣，好可愛呀！

記得初初未有湊Ｂ經驗時，接妹妮返屋企後她成日瞓，覺得原來湊ＢＢ好似養貓一樣，因為大家都一日瞓到黑！坐月時仲可以成日上網，以為好free。後來大約三個多月大開始妹妮變得好醒瞓，好多時飲奶瞓著無耐就自己伸懶腰伸醒。又或且瞓廿多分鐘就醒，好在一日都有３，４次午睡。當時擔心她瞓不夠，因為瞓覺對ＢＢ生長好緊要，所以成日計住她瞓夠不夠十二個鐘呀？

一日在醫院覆診時翻看ＢＢ雜誌，它例出一個ＢＢ在成長過程裏日常的生活模式表，幾時會食，瞓，玩等。發現好快妹妮就只會每日瞓２次，再過多幾個月就會縮小至每日瞓一次。當時看到這個表心入面有Ｄ擔心：‘妹妮成日唔瞓咪即係要成日湊住佢陪佢玩，咁咪好困身？’　其實都忘記當時怎會有這個騎呢想法了，我諗係妹妮當時幾難服待吧，定係怕妹妮會阻住我上網呢？不過當妹妮踏入半歲後，午睡同進食都有明顯好轉，已經無bother是否醒得太多了，每日定時兩個一個鐘覺豬時間我覺得好好了。而家已經縮至每日一次，不過由個半至兩個鐘，而且可以熟睡，定時由十二點至兩點，都好滿足了。其餘時間就在家裏走走吧！

覺得妹妮大隻了，影返張相對比，原來比去年六月（８個月大）只高了半個頭

返學仔喇

其實今次都未算返學的，只係去art play班玩，當上下playgroup啫。因為已經十六個月大了，係時候要去上上堂，見下世面呢！今次都有Ｄ戥妹妮緊張，因為上次試玩時她怕顏料污漕想喊想喊咁。今次睇怕都一樣無走雞了！

最近開始鐘意拑𨋢，成日見到𨋢就'press...press' 的叫要拑。

第一次返學，當然有兩大護法爸b同咪me一齊啦！

終於輪到我有得上鏡了！一於要望鏡頭，呵呵！

登記後上班房了，後面有好多小朋友呀！

上堂前著上咪me專誠買的圍裙仔，因為呢種有袖唔會整污漕Ｄ衫。

第一個入班房，搵返自己個位坐定定先。其實呢班上星期開課的，不過我們去了interview所以skip了，將會下星期補返。所以有d同學仔上星期已經上過堂喇。

只準一位家長陪同，爸b趁未被趕陪妹妮玩一陣。雖然有晒工具，不過妹妮堅持潔辟，好怕d水彩掂到手仔。

幾經嘗試都係由我代勞！但係不能這樣的，會嘥晒學費架！好彩十分鐘左右就有個break比小朋友洗手，然後就圍圈唱遊。妹妮除面試外未試過同咁多（約８個）小朋友一齊唱歌，起初有點抗拒，後來因為Ｄ歌都聽過先免強好一點。

跟住再畫過，今次將一張紙填滿顏色，好易啫！但妹妮連筆都唔願揸，直到老師比她一支好長的畫筆，妹妮覺得同顏料夠距離才肯揸筆！跟住我在紙上畫很多她平時會認的圖案，字母同她玩認字，大小姐終於肯畫了，好野！！之後又洗手食圍埋枱食小食，又再填顏色，然後再洗手落堂，妹妮最enjoy居然係洗手！不過相信試多一，兩堂妹妮會慢慢鐘意這班的，因為作為大人我都覺得幾好玩！

之後同等了成個鐘的爸Ｂ一起去shopping，妹妮見到馬仔就瘋狂地rock，up前up後，玩得起勁。本來有想買的衝動，但諗真隻馬仔已經係大size，好快又嫌細了，當然又係無買啦。

去傢俬鋪坐大班梳化，幾有型，當然都係無買。

shopping過後爸Ｂ更帶妹妮去同事婚禮，話去睇一陣都去了成個鐘，爸Ｂ話妹妮太受歡迎被人包圍，因為她特然識do，個個都比抱吖嘛！

返屋企後又有姐姐來探妹妮，呢個姐姐好鍚妹妮的，每次都有衫仔比妹妮架！不過妹妮大得快，姐姐四歲但較細小所以仍然著３歲衫。auntie都笑話遲Ｄ妹妮爬頭大隻過姐姐就要留返Ｄ衫比姐姐著！

姐姐送了個hello kitty學習厠板，不過妹妮已經用緊小厠板了，如果加呢個hello kitty我擔心妹妮反而會分心唔識痾噃！都係用來當車仔玩啦，妹妮卻以為係木馬又照樣前後up!

今日節目豐富，爸Ｂ咪me臨出門口去朋友晚飯時。妹妮突然跣腳成個跌落地，四腳朝天！仲‘嘭’了一聲，砍親頭仔，喊得好厲害。好在我見到她pat pat先著地再仰後，應該不會太嚴重吧，幾經安撫後又笑返，仲講故仔！ＯＫ返晒啦！！

妹妮講故

因為上星期拎了部mac book去整, 而家無腦用不可以常update甚至瀏覽網頁/blog, 真係苦! 就算在公司睇blog又login不到. 因為公司最近非人道的block了yahoo/gmail/hotmail等裝頁. 原來而家無電腦好辛苦. 不過我倒又不希望呢種'概念'傳染比妹妮.

決定要買新鞋仔比妹妮了, 因為夏天將至, 無理由再著boot, 而布鞋仔又就黎緊了. 於是見到這對janie & jack就立即買下. 不過係8號, 而家仍然大了點, 相信夏天便會啱著.

不經不覺買了5,6對鞋仔了,其實妹妮bb時我都無買那些超細的嬰兒鞋. 而家好後悔當初好似咩都唔識, 好多得意的bb用品都無買過. 所以手上最細一對都係2號(即6-9個月)的涼鞋仔, 因此打算真藏呢對鞋仔留比妹妮大個時睇返. 其實仲有好多對鞋仔出現過架, 有d朋友的二攤鞋, 有d朋友送但到唔啱著先發現佢存在過, 都送比朋友執三攤了 . 又有對細姑姐送的小波鞋, 不過已轉移到表弟手了. bb腳大得好快, 所以都只能每季買一, 兩對了. 

又到咪me公司食早餐, 是每隔一個週未的指定動作, 呢個鬆身hip hop look幾襯麻甩妹妮

貼身look一樣可愛

等我都著啡色襯返你先.

尋日同妹妮去飲茶, 之後想起要打水痘針了. 因為今個星期六開始妹妮會返art play班. 為免疫水痘, 都係打定好d. 於是帶她到十日前才打流感針的診所.  開初落車一刻都有一絲幻想妹妮會否去到診所門口就認得這家是打針的地方呢? 不過答案係唔認得. 入到診所有好多人, 又有小朋友, 又有see V (電視), 當然好relax. 但妹妮偶然見到有人出入醫生房都會裝下...終於嗌名到妹妮喇! 入到去醫生就問點解好似咁唔開心呀? 我望下妹妮, 已經開始大喊!!  針都未見, 櫈都未坐, 醫生都話慘喇, 變了仇人. 由於妹妮反應過激, 醫生反而無即時打針, 仲傾下偈, 慢慢來. 居然打一刻可能唔痛關係, 妹妮就停止無再喊. 奇怪!! 不過再過兩星期又要返去打第二支流感針, 到時妹妮會否見到診所就喊定先呢? 我無諗過bb的記憶原來都幾'長'.

今次由妹妮講 little red hen, 聽就聽了成年, 今次由她演繹.

註: 影片入面經常講的'夏哈貧'般發音的詞語應該是 what happen?