倒數週記

又過一星期，剛剛的weekend又要開工，剩得爸Ｂ陪妹妮。

同妹妮一齊返公司食早餐，妹妮著起件外套仔幫她笠住頂帽仔，她以為係小紅帽，話little red ridding hood。其實妹妮鐘意綠色，所以我同yayaGigi教她little green ridding hood。不過她教極都講little ridding hood green -___-，可能她體內的system有自己一套說話模式呱？

古靈精怪樣

下晝爸Ｂ又挑戰体能帶妹妮搭小巴去佐敦，尖沙咀逛。有鷄蛋仔，妹妮好鐘意食架。

仲有甘筍汁

呢幅相早兩日影，妹妮突然話要瞓覺豬（好小河！）然後就擸左右兩隻熊仔瞓低，咪埋眼扮瞓。當然只咪幾秒，就坐返起身，然後又扮野拍下個枕頭（應該學yayaGigi平時拍下個枕頭叫佢瞓落去。如是者重覆幾次，最後當然只係得個扮字無瞓過啦！

星期五又的兩隻貓咪去沖涼剷毛，返到黎光脫脫，爽晒！

星期中，咪me同埋同事們北上揼骨，去足半日。好耐無去過，而家Ｄ‘骨場’已經好有規模，幾層樓高，有齊所有玩樂設施。不過因夜晚要慶祝公公生日，只鬆腿同揼骨就要先走了，同事都留後去食埋鐵板燒。晚飯我們屋企一行７人，叫了一圍（１２位）餸，食到要打包走。但相都在EE的相機，遲些再補。妹妮一貫的又表演唱歌來娛慶，叫她向公公講happy birthday，由於無事前教定，她已識講happy，但birthday就讀成birth肥。公公當然收貨啦！

發現呢張相，妹妮當時大概得７﹣８個月大仲無咩頭髪，好麻甩仔呀！

一日一小聚

今朝一早同妹妮玩緊puzzle，她突然自己講‘Aerin what are doing, I play puzzle’。。。無錯係漏了個you，不過我諗她成日聽到我們問她what are you doing，所以有樣學樣。換了玩lego後我再問她Aerin what are you doing，她可以答到 I play lego！叻叻！！

自從豬流感襲港，除了停課連樓下playroom都關埋，就算妹妮summer session有學返個playroom都未肯開！等到頸都長晒，上個星期終於開番。好了起碼下晝有地方去了，有冷氣歎又有得玩。

無黎咁耐，而家已經可以自己上同sir滑梯了。

朋友仔未到，不過有個ＢＢ女，諗起以前妹妮都好似呢個ＢＢ一樣無頭髪成個男仔頭咁。

Abby來了，幾個𡃁妹仔好耐無聚頭了。她算是妹妮第一個朋友仔，妹妮啱啱一歲時就開始落playroom玩。剛識Abby時成日提住Abby個名，而且每次見到面都會好熱情去hug hug，不過當時Abby對妹妮的熱情無反應但又無抗拒。

而家好似有Ｄ反應，起碼會一齊玩滑梯，然後一齊碌。有日仲叫妹妮不要再叫她Abby，改叫Abbygail。yayaGigi話離遠睇都唔知兩個細路點溝通，但妹妮同Abby玩完走過來說‘no Abby...Abbygail’。Abby的yaya就話而家大個女所以想人叫她全名喎。望落去她倆差不多size，不過Abby３歲大妹妮一倍呢。

Abby走後另一個friend Sophie都黎埋，一齊玩滑梯

又會輪住玩，好開心。如果大家都唔搬屋，可能他們就是妹妮青梅竹馬的朋友了。

開番個playroomＤ小朋友就有諚去了，唔駛再三十幾度都焗住去室外玩了。

沒有yaya的長週未

今個weekend因為Gemma放一年一度的三日長假，所以星期５又到我單挑湊Ｂ了。一早plan好搵定節目，否則我同妹妮兩條友仔會在家悶死。

首先一早車爸Ｂ去搭車返工，便去同公公飲茶，我們差不多隔兩星期先會探公公一次，都要睇咪me我有無時間先得。

妹妮去親呢間茶樓都食好多桂花糕，仲塞到個口滿滿的。

去到百貨公司例必周圍走。

記得舊年呢個時間的單挑湊Ｂ日我帶埋妹妮約了Sonia探她的新生Ｂ女同約了Cathy去行海港城食lunch兼行街街。今年就約了Eldora，Wendy同她的JJ bb來個小Ｂ聚，不過JJ早兩日開始有小小發燒未能出席，唯有我們４位‘靚女’食晏啦。

飯後在商場逛下，妹妮本來坐住ＢＢ車，但入到鋪頭就嚷住要walk walk。都知她walk walk即係四圍走，即係無得睇衫嘞，仲差Ｄ想關埋鋪頭門免她走了出去。

妹妮而家好多表情，對住塊鏡都可以自顧自的扮鬼扮馬。

之後去Nicolas & Bear睇下Ｄ大減價衫，點知妹妮一入到去見到個鞋櫃就二話不說攞住對青色鞋隊比我。然後邊叫住‘remove...remove’邊遞起自己隻腳 -__-"　想試著！不過青色真係難襯衫，所以都無比佢試。

原來除左青色其他色都照殺，之後姐姐話不准拍照所以無再影相。比妹妮試戴完一頂帽仔，她勁鐘意，在鏡前猛照。連姐姐攞去check code睇下有無新的，妹妮都以為人要搶去一樣指住姐姐嗌‘hat hat...hat hat’

見妹妮咁鐘意，又大減價就戴它返屋企啦！跟住接埋爸Ｂ返屋企，就這樣又過了第一天。

星期六

一早來個bubble bath，零舍醒神！

今日咪me要返工，爸Ｂ負責湊妹妮了。

我們三口又去食早餐，妹妮最近鐘意食ham同noodle，仲成日想搶我杯凍奶茶！

等我放工就同Evan & Kennis一齊食飯，是晚食泰國菜，妹妮只有望無得食。因為無見一排，妹妮可能一時未認得，因此一見他們上車就大喊，整晚都勁active的妹妮不知有無嚇怕Kennis，哈哈！

星期日朝早又出街食早餐，妹妮而家好黐爸Ｂ，每當爸Ｂ落車去買野留低我們在車等候，妹妮就會大叫大喊搵Daddy！同妹妮講Daddy去shopping，只可以緩和一陣，不過今日ＯＫ，因為

。

。

。

你睇妹妮做緊咩？

她要求攀前去師機位扮揸車，都有文有路架！好似真係識揸一樣，見制都㩒晒。但當我話daddy coming，知道爸Ｂ返緊黎就即刻撲返去後坐要我抱她返自己個car seat。妹妮真係開始古或了。

下晏爸Ｂ帶她去游水，之後去行傢俬鋪，比妹妮試下張梳化。

不過佢鐘意hamburger多Ｄ。

又偷偷搞人的裝飾，當我話哥哥鬧喇，她會即時縮手將手擺後面

爸Ｂ買鮮果汁，見道具生果又想拎

甘筍蘋果汁原來都鐘意飲，我發覺妹妮只係飲鮮搾果汁，紙包果汁只會啜兩啖就掉低。yayaGigi話佢剩係飲人手搾果汁係‘high class girl’喎...真係飽死荷蘭豆

就這樣過了３日沒有yayaGigi的日子，我諗過如果下次她要放大假回鄉的話，我們應該去下旅行，否則要放成個星期假留港湊Ｂ真係無咁多節目招呼妹妮呢。