送舊迎新

星期五有新梳化到, 其實一直仍然好鍾意原有那張梳化...包括款式, 顏色, 用舊了有一點點感情吧...可惜舊了, 開始變形. 其實都無必要更換,不過爸b久不久就嚷住要換梳化, 於是就買了新的.

其實它不失為一個幾好的佈景，妹妮每日都有好多相在此梳化影的。

妹妮見有呔盤就成日以為呢個係一架車，其實只係個朋友送的厠板。好彩妹妮一早已用開potty，而家已坐慣普通厠板wee wee，否則用呢個厠板掛住揸車又點會專心去wee wee 呢？

近來妹妮鍾意無啦啦將cushion般落地然後要你跟她一齊lie down

一早妹妮就如常坐在梳化上玩, 因為要騰空位置, 將梳化移開, 更方便了妹妮扲上窗台.

趁新梳化未到為呢張舊的留點情影吧，呢個姿勢叫 'Zoe dance' 因為芝麻街入面有個Zoe做遞起隻腳跳芭蕾舞, 妹妮抄足。不過似黃狗射尿多Ｄ！

坐了都有八年的梳化, 你功成身退了.

工人送到新梳化, 妹妮乖乖上坐, 望住哥哥裝磡, 又要睇又要遮住雙眼, 是怕醜嚒?

唔知點解又要揞眼又要睇？

妹妮見舊梳化被搬出門口, 都有跟它道別 : 'bye bye sofa'

新梳化到了, 好似好大張, 比想像中大好多, 好似成個廳都被張梳化塞滿了呀. 希望會睇得慣啦.

好快妹妮d玩具又霸佔了新梳化的一角了.

上午帶妹妮去公園陪跑, 親子'影'

一年一度石澳游

距離上年成棚人去石澳游水不經不覺原來已有一年了！！今年再來就帶埋妹妮一齊去。新屎坑咪me在Harvey Nichols warehouse sale時買價值＄２ＸＸ的吹氣沙灘袋可以出籠了！個沙灘袋抵在連埋個揼，慳返唔小氣！

妹妮：麻me，成點半喇，仲等咩呀？快Ｄ帶我go 街街啦！

晏晝集合飲茶先。

妹妮個沙灘裝好得意呀！

死唔肯除頂帽，因為靚吖嘛。今餐都有食菠蘿炒飯，仲認得桂花糕，一見到就想成碟霸晒！

飲茶有３個姐姐，以往只叫妹妮嗌‘姐姐’，今日人齊就教妹妮每個姐姐個名，而妹妮好快就記得邊個打邊個

去埋超市買水就出發！舊年我地咪咪麼麼搞到成５點先入到石澳，今年要突破舊年紀錄要早Ｄ去到。

點知又成四點幾先起行，不過今次早一Ｄ４：４５泊好車落到沙灘！姐姐們即時下水。

我地去幾個鐘好似去成個星期一樣，帶齊玩具，水泡，妹妮食物。有堆沙玩具又有架水泡車，妹妮見自己有水泡都話要揸下車。

我都即刻帶妹妮落水，本來妹妮都無驚沙或水，肯自己跑落灘。一落到水坐住水泡扭扭𧘹盤都好開心，就算有兩個巨浪打埋黎妹妮都未算好驚。不過第三個打埋黎我們成頭濕晒就開始驚，於是帶她上岸，之後就死唔肯再落地，要yayaGigi抱住。

姐姐們唯有又tum又引佢玩沙，將豬腿埋在沙堆中，妹妮開始放下戒心了。

再接再厲再落水

今次由咪me抱住。

最騎呢係妹妮咁細個居然可以識到男仔呀！見到相中個綠色水泡嗎？妹妮一見到離遠已經指住猛叫 sea turtle，幾個廿歲多的哥哥仲有一個姐姐見被妹妮指住又走埋黎。仲比妹妮坐上去個烏龜水泡，玩了一陣因一個大浪我就抱走妹妮。bye bye時妹妮又放送飛吻，連哥哥們都驚訝原來去沙灘真係識到女仔架！

好大浪呀！連妹妮都丫晒口。

通常爸Ｂ都唔會幫我同妹妮影相，好彩有Irene幫手。

終於有Ｄ親子照了

無幾耐因為要wee wee又喊，因為唔想痾在沙上

於是用流動厠所，原來妹妮真係幾乾淨噃。

玩多陣６點準時要沖涼因為７點要去到海運晚飯呀，真係幾趕，不過好彩yayaGigi有黎幫手，否則更lei hea了。

而家暫未可緣豎起兩指，一係就３隻豎起晒。所以yayaGigi問邊隻係無名指妹妮就試豎起它

今晚去Vikki成日提議的B.L.T.食扒，同姐姐影相

銀雪魚

U.S. ribeye

一行十一人，張枱咁長都坐滿，好熱鬧呀！

到９點半妹妮都開始眼瞓話要go home，比平時慣性8:30上床，已經遲了成個鐘。加上出了足足十個鐘頭街，又游完水，唔攰就怪！kiss 完姐姐我們先行返歸，妹妮居然無在車上瞓著，捱到返屋企梳洗埋先瞓，好叻呀！