去Playtown

今個星期終於有Ｄ節目了，尋日返工照舊同妹妮食早餐。一早起身妹妮已經整裝待發，又揹晒袋咁，見扮得咁得意咪me又拿起相機影返幾張相先。

妹妮好鐘意睇住咪me化𤕸，所以比了一枝無用的掃妹妮玩，不過她好抗拒用掃掃她臉珠。

尋晚妹妮算瞓得好，只係４點鐘開始碌來碌去碌醒要飲奶，之後都再瞓到７：３０。都瞓到差不多十一個鐘了！今朝去飲茶要係要抱抱唔肯行，你睇成隻馬騮一樣雙腳繞實爸Ｂ完全唔肯落地。

呢間茶樓真好，就算星期日任何時間都會有位唔駛等，我同爸b都擔心它生意淡簿呢，希望它可以繼續經營，否則星期日又小一個去處。

下晝等妹妮午睡完就去playtown搵一早約好的sharon姐姐. 無見一排大家都高大左. 姐姐好乖又好照顧妹妮, 雖然妹妮年紀細一截又未識自己玩, 不過姐姐對妹妮好有耐性.

 

妹妮最鍾意玩滑梯, 姐姐同yaya就陪妹妮玩個夠.

 

爸b都陪玩, 好快大家都玩到好熱

 

碌下碌下

 

danny叔叔同爸b兩對父女玩射波波, 不過妹妮淨係識將d波波掉出去個窿度.

 

snack time

 

突然成塊臉'ug'埋黎, 恨死爸b!

 

最愛sir滑梯, 玩到吖晒口

本來妹妮仲未識跳起, 成日隻腳仲掂住地, 不過呢個係個學跳的好機會. SHARON的YAYA叫妹妮hop hop hop, 因為妹妮平時睇barney TV入面的babybop 就係hop hop hop咁跳，所以聽到就識跳!

 

臨走同姐姐hug hug, 本來妹妮都有攬姐姐, 不過唔夠姐姐肉緊.

得把口

今個星期又開學了，呢個學期改為返一，三，五，等妹妮多Ｄ勢藝，好過成日留在家玩嘛。

其實而家妹妮已經好似個兩歲多小朋友了，主要因為她把口叻。識走識玩仲識講好多話，仲識幻想潻。呢3個anpanman公仔妹妮居然幫他們改晒名...麵包超人叫anpanman daddi, 女仔就係mami, 灰色嗰個叫Aerin cry...因為個咀好似喊緊咁. 而家每沖親涼'我地'一家都有份落水 -___-"

仲可以識形容大部份生活發生的小事...如mami...eating...rice，哥哥姐姐swimming，daddy wear eyeglass等。叫做有人物，有動詞，有名字，係句句子了。

而家對答全無問題，就算我講廣東話或英文都明白。不過因日日對住yayaGigi為多所以多數講英文。最好笑係當你指住隻貓話係狗時，妹妮會話‘no，its cat！’然後指番正確答案話‘that is dog！’

今日問佢‘are you naughty’？佢會答‘yes, sometimes...ok’　咁即係sometimes naughty 定　sometimes ok 呢？

妹妮睡衣多數係衫褲套裝，得意係條條褲都咁貼身，著起好似李小龍套黃色戰衣！

 

good sitting

 

 

肚仔漲卜卜，腳仔又窄窄

 

妹妮最鐘意呢條鬼怪圖案，一見到就‘wow，i like it’ ^_______^" 果然另類品味

有時百厭會爸Ｂ會拿出間尺赫妹妮要打手板，唔知點解未打過妹妮都好似知會痛的一見間尺即時收埋手仔。因此有時妹妮自言自語時會用廣東話講：無咑收扮呀（無打手板呀）。

因為睇Barney睇得多, 而家成日學足Barney語氣, 突然指住某d東西話 'look! thats XXXX'

 

有show睇

爸Ｂ同同事拍擋William都成日話我最叻係飲食瞓同買野，總之係吃喝玩樂啦。所以今晚又發揮所長去飲飲食食同睇show喇。其實不經不覺都欣賞了５年ＭＪshow了，多謝Henly成日都預留位比我。

不過因過去幾季都不太出色，都無幫襯一排了。今季又好似‘返番黎’，可買性又高番Ｄ。呢次show在Landmark的Atrium擺，其實任何行過的人都可以睇到

不過入場的有野飲又finger food小食，仲有紀念品，不過今次係無咩用的catalogue連記事簿。好彩我們早到霸到靚位，否則遲來要企同甲乙丙路人一樣。

因為整個噴水池位改成runway，再吊條樓梯裝飾，models都要兜圈行catwalk，不過個setting都幾特別。

奇怪models由邊度出場？原來由電梯出來！

明嫂樂基兒，最衰係去到拿出相機先發現舊電留在家仍然叉緊，真激氣！唯有用Iphone影啦，質素係一般Ｄ喇。

因為今次個場較細所以只有兩行坐位，我們當然坐第二行啦，第一行係ＤVVIP坐嘛，不過已經好近。

呢幾套都係大Marc出品，只可遠觀

排隊謝幕

短短大約半個鐘的show好快完了，因為在商場關係，所以不似以前在餐廳的可以逗留飲野。我地幾個鐵腳影番張相留念。

話時話妹妮勁鐘意我條裙的花花，今朝一見我由房出來她便定神望住Ｄ花，然後更攬埋黎潻！第時可以留比佢大個著，哈哈

其實個台設計都幾靚呀，希望下次再有機會參加啦。

開心果過週未

星期六咪me要返工不過放工約了兩個朋友仔比妹妮認識。一個係半歲大的Gwyneth康然，另一個係仍在媽咪肚入面未知性別的ＢＢ。今次妹妮第二次見Gwyneth，第一次係Gwyneth剛剛出世時探望時見過。

而家Gwyneth已經可以大隻好多了。

‘兩個’新朋友仔！好快就可以一齊玩了。

食完晚飯妹妮好眼瞓，一坐上車已經釣魚。不過夜晚好乖，一教瞓到第朝５點幾先嗌醒咪me要去wee wee。然後順便要飲milk milk，再瞓到７點。瞓醒時猛叫我同爸Ｂ，不過大家仍然好眼瞓於是比本Elmo書妹妮睇，我就繼續瞓。點知妹妮睇完書後就自動在我身旁瞓低休息至差不多９點！今日真係覺得妹妮好乖呀，無扭爸Ｂ咪me陪佢玩，知道我地攰比我地休息好生性呀。

本來一早想去游水，又遇上雷暴警告。我們轉陣去同大肥玩。

妹妮日日都會同貓貓say hi，不過好小有得摸，所以每次都好熱情想去捉住大肥。小肥因為比效內斂就好小會走出來玩。

雷暴警告落波，又可以去游水了！！換衫時見妹妮呢個尿片look好得意影番幾張相。因為妹妮已經戒片，好小有尿片look了。而家只係夜晚瞓覺先會著尿片，不過妹妮最近已經會半夜扎醒叫去wee wee，都好小會在尿片上疴shhh shhh了。

大腳八，妹妮隻腳已經成５寸半長了！我記得我二年班時隻腳先得７寸咋。

下晝去飲茶，妹妮見到有魚缸說興𡚒到猛叫fish fish!! 

呢個開心果成日笑，好開心架！

勉強可以豎起２了！！

表弟今日做大喊十，見到任何人都喊。妹妮好唔鐘意爸Ｂ抱表弟，不過自己又卻好熱情去掂去摸表弟噃。見表弟喊仲去鍚鍚潻。

又hug hug。

再鍚。。。

再攬，真係好sweet架，好有大姐姐風範呢。

比爸Ｂ揹住笑到見牙唔見眼

飲完茶突然hyper，不斷跳。其實妹妮仍未識跳，每次‘跳’起都係只係上身跳起，雙腳卻又掂住地面。

jump!

反到屋企又摷副超出來戴，仲不斷表演貓步。

最近妹妮說話能力又高了！每個星期六朝我們都帶妹妮出街食早餐，今次yayaGigi問妹妮朝早同咪me食左咩？妹妮竟然答到：mami....gim u...ham and needle (mommy give me ham and noodle)!! 嘩！居然可以將一件事講番出黎呀。不過觀察妹妮平時見陌生人都比較慢熱，通常要１５分鐘warm up先肯開口，希望呢排可以比佢見多Ｄ人等遲Ｄ幼稚園面試唔會做鶉𪂹啦。

而家好鐘意去呢張新茶基‘洗手’，我估妹妮幻想呢個係水龍頭，因為成日擺手仔去銀色中心位邊唱‘squeezy squeezy washing, keep your hands washing’邊扮洗手。

仲話：sofa，i like it!! -___-"