相聚一刻

最近部mac book去了維修, 搞到我無手提電腦用, 懶得上網. 維修中心整了兩個星期先話仲未得蘋果認證到我的extended warranty, 一直拖到今日先話訂到配件. 激死人!

上星期四又約行行來玩, 今次因為我又要先行告退所以索性來我們家玩. 雖然妹妮從電腦睇相都認得行行, 不過一見面又各有各玩.

Cathy EE話原來行行比較內儉架! 所以都係叫妹妮走埋去同行行玩

妹妮走埋去一陣就攤上梳化, 又腳牚牚, 行行有爸爸的遺傳做個攝影師幫妹妮影沙龍.

終於兩個坐埋一齊了, 不過都係離行離隙, 可能妹妮成個巨人一樣, 嚇怕行行, 因為上次去公園玩時妹妮衝埋去行行度, 嚇得行行退後呀!

玩完一輪決定轉戰playroom,  妹妮一落到去就好似放狗一樣周圍走. 行行都係比較文靜, 鐘意玩車多d, 波波都係心水玩具.

一齊玩吖!

妹妮騎住隻馬連人帶馬猛跳, 我先知原來隻馬仔係咁玩法!

連Cathy EE都玩埋一份!!

玩了個多鐘頭妹妮突然無電話要go home, 可能肚仔餓了, 無計啦, 又跳又叫有幾多精力都用完啦. 於是上樓食粥仔. 此時比較慢熱的行行終於warm up完開始走來走去了! 好搞笑呀, 玩了成個鐘本來都好靜無點走過, 妹妮離開後反而放鬆晒, 可能行行真係怕了妹妮呀! 哈哈!!!

血拼H&M X Jimmy Choo

十一月十四日, 又係好高騖遠貪靚鬼的大日子, 因為H&M 同JIMMY CHOO又出crossover喇! 其實有上次迫CdG的經驗, 都覺得今次未必有東西啱買的. 不過姑媽撩起去排隊, 最奇係爸B見有男裝又舉腳贊成! 於是星期六一早同妹妮食完早餐便一起排隊去. 9:50去到elements已經排到出的士站, 我估妹妮係成條隊中年紀最細的, 哈哈!

好彩有帶b車, 否則又係抱抱, 難為爸b雙臂了.

而家妹妮脾氣好大, 一唔likey就扭計要喊, 奇在喊親都會叫'mami tissue, clean eyes' 自己印下印下印乾眼淚.

未到10:30鋪頭開門, 爸b已經同妹妮上了樓上公園玩了. 我同姑媽一直等到11:30才入到鋪, 幸好有個伴傾下偈時間才過得快, 如果得我一人都未必有心機排去. 入到鋪時其實所有女裝都被搶得一空, 我們都是四周看看其他人有無剩餘物資, 卻又給我們拿到幾雙鞋子, 裙. 由其他客人'轉贈'的戰利品就係下面的星星clutch, 及灰色單膊裙

左邊這條黑色釘珠裙好靚架, 可惜太細所以姑媽要了. 幸好angelababy著住的黑色高踭鞋有我碼, 講真對鞋靚就靚, 不過勁高, 不是可以日日著, 但係$999可以接受呀. 另外姑媽仲要了右邊的藍色裙.

仲有下面對高踭鞋同每人一條skinny pants.

加埋爸B的西裝, 男鞋都有! 玩了3個鐘, 3個人駛了萬五蚊!

k1 面試 II

今日到K1面試第二擊, 今次這家是以學術聞名的, 亦較傳統...相信比較喜歡文靜一點的學生吧.  去之前只上網做過research大概知道要問的題目, 都係抱住平常心去考囉.

同上次一樣早15分鐘到, 不過今次去到就等得耐了, 加上爸b有約, drop低我們便走了. 我們早到便在門口排隊, 這學校面試好奇怪, 分開男仔女仔, 先叫男仔再叫女仔,妹妮就成日要抱, 搞到我手都軟.

終於到我們4:45了, 首先入到第一個班房過冷河等一陣, 這時妹妮又話要wee wee. 好彩班房內有好多壁布板, 於是便猛問她壁布板上的東西來分散注意. 大概5分鍾又轉入第二間房, 攞返自己份表格就輪住等去面試了.

ok到我們了, 便行出大廳的幾張枱, 同上次一樣, 不過今次每張枱有兩個老師 (從網上已經知會有兩個老師同一時間問家長同小朋友等家長不能分心幫小朋友), 於是我們兩個坐老師對面. 一輪hello teacher之後, 老師如常用中文問妹妮個名, 幾歲等.

之後就比妹妮玩不同玩具. 首先有一個可以切開4件的木麵包要妹妮用木刀切番開. 我估妹妮都未必識, 不過老師都會示範一次再叫妹妮做.

跟住就攞出一隻分為三件的牛型積木叫妹妮拼番埋, 又係示範完由妹妮做.

然後攞了一幅bb睡房的圖畫問妹妮入面的物件名稱, 又問圖入面個bb同媽媽在做什麼, 妹妮只講了baby in the bed, 無講得好淸楚. 因為圖中bb在bb床上, 媽媽在床側拖住bb同抱住熊仔. 以妹妮平時水平應該可以答到mami and bb holding bear bear.

跟住問耳仔在那裡

接住是顏色題, 3塊有不同型狀顏色的砌圖要妹妮把正確顏/圖型色放入木板內.

再叫妹妮唱首歌, 我便在旁亨twinkle twinkle little star, 點知妹妮又係要氹先肯唱, 不過唱到成首.

之後老師又比多一套積木妹妮玩, 這時另一位老師才開始問我問題, 如平時邊個揍妹妮, 每日有幾多相處時間, 戒了片未, 平時講英文定中文(可能見我會翻譯問題比妹妮) 及點解揀這學校等. 然後就道別, 今次記得要推番好張櫈, 妹妮仲好手尾到連我那張都推埋.

其實整個過程好快, 老師不斷換玩具, 而且真正同妹妮對話不多, 我們5:10已經出到大門了. 可能一早知這學校較傳統, 感覺老師都較木口木面, 嚴肅一些.

其實妹妮今日都勉強叫答晒所有問題又做到老師對玩具要求, 不過可能因為中文面試, 雖然妹妮識聽但反應就無咁直接. 我又忍唔住要翻譯英文, 所以老師最後都再問我平時有無同妹妮講廣東話. 總括今次表現好似無上次般好, 不過又係一句,聽天由命啦.

感情豐富的妹妮

繼早輪講過妹妮大個女, 好多舊衫都著不到了. 前幾日搵到舊年的鞋仔, 你睇舊年對涼鞋仔而家睇番好似玩具一樣! (涼鞋仔3號碼)

就算去年冬天時勁著的boot仔, 泊埋今年買的一對, 都細一截. 啡色是4-5號, 今年的紫色係9號(當預鬆了小小) 

古靈精怪, 表情多多

原來感情仲好豐富的!! 最近因為不想妹妮每日都淨係聽barney唱歌, 因為她已經聽到背得出了! 所以yayaGigi找來女童歌星Connie Talbots的CD來播. 成隻碟係童聲唱大人歌, 例如sound of music入面的歌, 又有Whitney Huston的,幾好聽, 妹妮聽了近一星期都開始識唱小小了. 就當yayaGigi想引導妹妮唱Whitney Huston那首好雄壯的i will always love you時, 我發覺妹妮突然雙眼通紅...跟住仲攬住yayaGigi大喊呀!! 我都不太相信妹妮會聽到首歌感動到喊, 不過yayaGigi話已經試過3次, 都係聽到這首歌先會喊. 睇片!

熄攝影機後首歌仍未播完, 本來爸b已經安撫了妹妮, 點知到副歌聽到好雄渾的 'woooooowaaaah...i'll always love you aaaaaahhhh, will always love you...." 妹妮個咀仔又咬住雙唇匾下匾下...又喊過!! 難道妹妮真係咁感情豐富? 妹妮真係明白d歌詞? 老實講我自己從來無留心歌詞, 就算識唱都無留意歌詞意思. 估不到妹妮比咪me更細心!!

sunday

星期日一早去了九龍城食早餐, 臨出街執袋時被妹妮眨眼間見到頂帽, 妹妮最鐘意戴帽. 這身做型加一雙豆豉眼令妹妮好有日本風味呀.

食完早餐去了九龍仔公園玩, 天氣好好玩到成頭濕晒. 第一樣要玩的當然是揸車啦.

跟住同爸b一齊sir滑梯

又追追逐逐

突然又問whats that sound? 齊齊望上天話aeroplan!

返屋企覺豬一輛, 黃昏去elements食壽司

今次無卡位坐bar枱, 估不到有booster seat比妹妮加高張櫈, 你睇妹妮坐得幾舒服!

而家可以食下, 參與下了. 次次妹妮都要食這裡的麻醬豆腐, 可以食成件! 不過爸b專為妹妮叫的厚燒玉子卻無掂過.

 見隔離枱有個細路仔都係食蟹肉三文魚壽司, 於是order一客. 妹妮見到三文魚子便叫它做bubbles, 食一粒後個樣有d古怪表情, 不過之後仲話要再食!! 一粒一粒食完! 不過卻食剩了飯同觸肉

之後Emily EE同姨丈來速遞他們上星期去日本買的戰利品. 自生日會後都無見面, 妹妮經過幾分鐘先諗起'Emily'

戰利品...全部都係妹妮的! 不過有一套係同咪me的親子裝.

剛剛入商場時妹妮已經見到這些帽一上一落的'跳舞', 食飽後就扯住我過來再睇, 都話妹妮好鐘意帽, 問她喜歡那一頂, 她頂頂都話鐘意.

去親這超市都想霸到架車型買餸車, 不過次次都無, 今次連bb用的都不放過比妹妮坐. 雖然妹妮大隻, 不過仲坐得落. 但就好怕'捱'低個背.

後來托住個頭仔讓她安然瞓低, 個傻豬就扮瞓著覺. -_-"

隻眼咪得咁實, 係人都知你扮啦!

k1面試

十一月九日

今日去今個年度第一間幼稚園(K1)面試呀! 幫妹妮扮得乖乖的.

今年暫時只報了3間幼稚園面試, 無好似其他人般漁翁撤網呀, 因為諗住想去的才報咋. 其實今日那間都算係比較心儀的, 不過卻係今年第一間in的, 之前無其他學校的面試熱下身練習下, 所以唯有當碰下運氣囉.

去之前擔心妹妮去到陌生環境見陌生人, 不過面試又無得練習, 都係隨遇而安啦. 上網做過research, 好多家長話這間學校好公平, 細B都會收, 有D家長更話自己個細B在面試時無反應都被取綠, 令我放心好多. 只係今朝早就同妹妮講一陣會去一間new school, 會見到好多teachers, 記住見到老師要講good morning呀. 希望佢可以ok不會一碌木怕醜封口.

由於只得一位家長可以陪同, 爸B就在學校門口drop低我同妹妮. 離遠已見好多人, 未落車已經見到有老師舉起我們面試時間8:45的紙牌, 即係可以入場了. 妹妮好乖無扭抱, 一直比我拖住行

沿途有好多老師同阿嬸, 妹妮都有揮手say hi 同good morning. 學校內用欄杆圍到好似去排機動遊戲隊一樣, 要沿住欄內行. 第一個stop位等了一陣, 本來妹妮又來'mami wee wee', 佢緊張就會叫'wee wee', 其實並不急的. 好彩又到我們被叫入房攞番申請表, 妹妮又忘了要wee wee嘞. 

去了另一間房, 有幾枱lego任玩, 4人一枱, 當小朋友settle好家長就坐埋一邊, 我揀個好近妹妮的位坐所以她一點都無驚, 仲show比我睇她砌的, 又同隔離小朋友講野, 當然人地無理佢. 此時在旁觀察的老師在比分, mark在他們的表格上. 妹妮見到比分老師行過仲叫了聲teacher. 之後我們一枱4個便去另一間房了.

 因為選了英文面試, 今次呢間房分別有兩個外籍老師同2 set枱櫈, 我們行得快可以即刻坐低在其中一枱.

老師好友善的問妹妮whats your name, how old are you 妹妮都識答.

 老師話自己叫jenny, 妹妮就叫了一聲jenny.

 跟住取出一張印有好多食物的卡問妹妮各食物名稱, 呢d都難不到妹妮, 無問的她都答埋. 老師見妹妮答得好的都同她hi-5.

如是者再問顏色, 取出3個色的lego要求擺返去同色的卡紙上, 妹妮當lego了來玩又砌又拆, 好彩老師問妹妮收回時妹妮又乖乖的交出無反抗. 

之後就取出毛巾,牙刷, 匙問她那一件是用來抺嘴, 因為妹妮極鐘意唱一首刷牙歌所以即時拎起牙刷扮刷牙, 老師再問牙刷用來刷牙, 咁抺嘴呢? 此時妹妮搶走毛巾在咀前印下印下(BINGO!!!) 老師問what is it? 妹妮居然識答towel. 我都無諗過妹妮會識, 因為呢d比效生活化, 所以無真係教過.

跟住問下鼻子, 咀仔喺邊, 尾巴呢? 妹妮都指得出.

最後玩個好似key chain的玩具, 將不同形狀圈圈在厄位間扣埋一齊, 妹妮做了一個便不肯再扣, 反而拆返開. 不過老師同妹妮講you did awesome today!

 再問我點解揀呢間學校同平時weekend會點過之後就結束.  臨尾送貼紙比妹妮時妹妮都有講thank you同飛吻講bye bye. 我們掛住bye bye都忘了推返好張櫈.

一個轉身就有位正在等見老師的家長指住妹妮同自己個女講'your classmate', 於是我便妹妮埋去打招呼, 原來是暑假時返二,四班的同學仔, 不過當我們打招呼後個同學仔突然喊, 為免影響她情緒我便急急腳拖妹妮走了.

整個過程由入學校到出門都係25分鐘, 但妹妮今日表現好好, 一d都無扭計, 又好合作好乖, 簡直係出孚意料之外! 經過今次信心又大返喇. 不過我諗好多小朋友都可以答到問題, 至於學校點收生都控制不了. 不過今次同上年in nursery時一d 反應都唔識真係差好遠, 雖然舊年都只in了兩間, 不過幼稚園interview就見證住妹妮的成長了. 而家等消息, 今個月仲有兩間要in 呢! 妹妮加油, 咪me爸b支持你!

妹妮講外語

都話女仔語言天份高d, 最近妹妮突然依依吖吖都唔明佢講咩. 問下yayaGigi原來佢數緊1-10, 用spanish數...唔怪得聽唔明啦! 其實上星期朋友Crystal EE上來探妹妮, 提及過她4歲大囡囡Alison因在美國長大會說西班牙話, 而咁繞她的yaya都會講spanish所以Alison返到香港都可以練習. 不過我就無同yayaGigi提過要學西班牙話. 細問下原來好多菲藉人氏都識識地西班牙話架, 因為以前被西班牙管治過, 我諗好似香港人識英文咁呱, 真係講唔知...我對菲國歷史認識真係有限. 不過妹妮學多樣野都唔錯. 最衰以前在美國讀書時又懶無去學下spanish啦, 否則都可以同妹妮一齊講. 而家反而因妹妮學識一兩句令我想去學潻.

http://www.youtube.com/v/_W_QL5EJzao&hl=en&fs=1&">< a> name="allowFullScreen" value="true">http://www.youtube.com/v/_W_QL5EJzao&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344">

除左啱啱先識的西班牙語, 妹妮每隔天返學都有15分鐘普通話學架, 不過因班中有幾個男同學講野能力有限, 所以老師教來教去都係眼耳口鼻. 上星期我教妹妮手, 腳, 頭, 等佢學多幾個生字.

日常妹妮主要講英文, 因為同yayaGigi講野多嘛. 最近除了鐘意聽到車及飛機經過的'轟隆'聲就問 whats that sound? 然後自答'cars', 'helicopter'或'aeroplan" 之外, 最鐘意就係問佢野佢會攤開雙手好似好不在孚的講'i don know'. 仲有成日講because...好似對襪仔箍到隻腳有痕跡就會指住腳仔話because the socks, 仲要我鍚返隻豬腳!

其實妹妮對答咁叻, 聽日去幼稚園interview應該唔驚, 不過呢個神經刀可能突然因為陌生人同環境唔出聲, 十問九唔應. 都係隨緣吧, 始終妹妮係細女, 同07年整年出世的小朋友一齊爭位, 大仔一定著數d. 所以都無咩寄望, 當去攞個經驗囉.