遲來的2009回顧

最近有d懶,遲遲都未整番篇2009大事回顧. 連電視的我的2009都做完了. 因此趁今日送牛迎虎日，都係快快寫左佢先.

回到2009

同妹妮相處了兩年多, 覺得佢都算幾乖, 可以話好小扭計. 不過好性急，好易𤷪憎. 學野好快, 記憶力超強. 13個月時己經認得晒A-Z了. 2009年係妹妮步向兩歲的一年，之前一年仲係個ＢＢ，好多野都未有機會試過，今年識行識走，就開始有好多個第一次了

＊＊＊1月＊＊＊

一早就已經過年了, 過年前叫了裝修工人黎小執屋企, 妹妮幾日都被困high chair,不過樂天既佢仲好好笑容。

一月就過年了, 上年仲可以企上枱面, 相信今年太大舊了, 等我聽日試試先.

Ｂ聚

＊＊＊二月＊＊＊

妹妮夠稱去玩art play班了，不過上堂時都幾夢遊，勞作多數由我做。

仲第一次參加婚禮潻！

＊＊＊三月＊＊＊

開始春天了，爸Ｂ帶妹妮搭人生第一次地鐵。十七個月大，已經開始講野了，之前指住Ｄ野會ah ah ah咁叫，而家已經識答yes 同no了。

＊＊＊四月＊＊＊

開始戒片片了，開頭yayaGigi每半個鐘不厭其煩抱妹妮去坐厠wee wee，不出兩星期妹妮已經成功戒片了。好難得先影到有賴尿相呢。佢賴尿時自己都會好驚，點解有Ｄ水流出黎既？

夠歲半可以返學了，呢日係妹妮第一日返學，爸Ｂ同我當然不能錯過呢個第一次呢？妹妮終於有routine的每星期返兩日學。

＊＊＊５月＊＊＊

最happy！因為爸Ｂ同我二人世界去旅行，因為老闆益我帶埋我同另一同事去牛津MINI 50週年慶典，仲可以攜眷(當然自費啦），順便去埋倫敦同巴黎潻！

妹妮仲參加了第一次朋友仔的生日會！ 

＊＊＊６月＊＊＊

上年去游水時雙手仔仲細到未可以穿得過個水袖，今年唔只穿到，游水時仲可以自己浮起牚牚腳了。

其實６月尾開始有豬流感，學校都停課了，連樓下playroom都關埋。每日妹妮只得落樓下平台公園玩下，因為playroom 無開，連平時玩開的朋友仔都變得無機會聚頭。

＊＊＊７月＊＊＊

做了自己其中一個人生的大決定。。。去做lasik。之前好驚，不過原來唔係好恐怖，而且效果好好，同隱形眼鏡講bye bye了。

暑期班開學！仲個個月有field trip咁滯，第一次就去大浪灣！

＊＊＊８月＊＊＊

公公生日，又係MINI 50歲生日party

＊＊＊９月＊＊＊

就快兩歲大的妹妮仍未識跳，但係成日睇Barney VCD想學跳，不過跳極都係得個身跳，雙腳仍然掂住地，去過playtown玩過跳彈床之後好似啟發了妹妮，好快就真係識跳了。

仲有去影過Ｄ學生相，因為要準備Ｋ１報名呀

仲有field trip去沙田公園

同埋去ＪＪ生日party!

＊＊＊１０月，生日月＊＊＊

yayaGigi買了條公主裙仔比妹妮著

爸Ｂ咪me結婚週年，當然無撇甩妹妮啦

中秋節，今年無上年咁笨，去了個大公園玩！

爸Ｂ生日

妹妮第一個生日party

生日正日，咪me同妹妮兩個壽星，我地又入迪士尼慶祝。

成功挑戰巴斯光年，無喊！！

＊＊＊１１月＊＊＊

第一次Ｋ１面試，接住in 了兩間，好好彩頭兩間都收了，唔駛驚無學校收了！

＊＊＊１２月＊＊＊

聖誕月，特別多節目

妹妮第一次上台表演，雖然都係要yayaGigi係後面幫手，不過總算叫上過台呀！

仲有我工作了四年多的基地搬走了，以前每逢weekend要返工，爸Ｂ都帶埋妹妮陪我係公司食早餐，不過而家搬到老遠都唔會帶妹妮去了。今次christmas party又係我在呢個品牌最後一次活動，所以帶埋妹妮一齊去。

除左聖誕party，仲有表弟生日party。

最後妹妮亦如願以賞可以ride airplane to Japan!

新一年，去了隔離公司，有個新開始。妹妮亦上了nursery班，要學習獨立，有個新開始。希望來年我地一家都可以事事順利，快快樂樂的渡過。亦趁呢個佳節時刻祝大家都身體健康，心想事成！

團年飯

一年容易又過了，每年年尾都覺得時間真係過得好快！

好番晒的妹妮又變返之前般百厭

＋古靈精怪

胃口都返晒黎。weekend去飲茶，未行到茶樓妹妮已認得，問佢我地去邊呀？佢識答‘飲茶’。仲一坐低就話i want to eat something, i want to eat congee。成個叉燒包食得晒。

呢排成日整埋呢Ｄ怪樣

上星期yayaGigi又幫妹妮理髪，我自己覺得呢Ｄ齊蔭椰殼頭好得意。

成日落大雨，去完飲茶返屋企覺豬豬，下晝三點三無野做又無野玩，問妹妮食唔食tea，即時話yes。除左手指餅仔，仲沖左杯熱朱古力飲，又係比佢掃清！

星期日已經食第一輪團年飯，去到嫲嫲屋企樓下見有超市順便買埋拜年手信，行過曲奇餅，我見排得咁宏偉便攞相機，點知比promotor阿姐叫佢扮官恩娜嗱住鑵餅影相。

一次過買晒新年要買的，唔駛煩。

去到嫲嫲屋企食飯，今餐妹妮好好胃口，當魚翅係noodle食，當海參係啫喱，食左成大半碗。

咪跳呀！！食完飯走去跳跳跳，捉都捉唔住

第日要返學所以要早Ｄ走，同表弟bye bye時居然拍拍人地個頭，扮大家姐！

雖然已經９點起行返歸，不過上到床都近十點，第朝妹妮居然懶床唔願起身！平時妹妮好準時７點鐘就自己醒，你想佢再瞓都難，今朝yayaGigi叫妹妮起身時居然話I want to sleep I want to sleep就令轉面再瞓，搞到校車到我地先怱怱忙忙跑落街。

今日下晝返art mania班，yayaGigi話妹妮好興奮，見到班房就話要入去玩。而家妹妮已經可以講番比我地知佢做過Ｄ咩，好似今日問佢上art class，佢話i use yellow，painting。問佢yayaGigi有無一齊去呀？佢答no，yaya stay outside。

夜晚去第二輪團年飯，今年公公book左去酒樓食。今日妹妮返art班時已經唔肯除帽，到夜晚食飯都仲戴住-__-"

去親酒樓一定要睇魚魚

仲成日要摵咪me或yayaGigi手踭，而且摵得好肉緊，但爸Ｂ手踭就一Ｄ都唔賞臉。呢個怪辟連學校老師都知，仲笑佢如果返全日班要喺學校瞓晏覺就無yaya's elbow摵喇。但妹妮卻話‘all the kids no elbow，Aerin have elbow’，真係吹漲！

ＥＥ揤揤

食到半路又要睇魚魚

同公公影相，唔知點解又突個大肚dum出黎，經過呢個weekend加兩餐團年飯吹谷，妹妮好似已經漲番晒喇。

好番Ｄ

病左成個星期，妹妮Ｄ燒終於退了，不過我仲有咳，鼻水直流！最慘係yayaGigi都被傳染了，病程同我一樣。於是我便share部份藥比佢食，點知佢只食一劑即刻好番晒！而我總算叫好得七七八八了，至於妹妮只係間中有幾聲咳。

咪睇佢表情好似好辛苦，其實一入口就即刻猛啜。

星期一，二仍留在家中，無無聊聊玩下，幫妹妮戴耳環仔

要猛讚佢好靚先至可以keep住唔除，叫佢show yaya，佢即時硬晒呔行去搵yayaGigi，好似驚一郁就會跌一樣。

星期三爸Ｂ出trip去大陸，妹妮亦開始復課了。

第一日放學，yayaGigi話妹妮條褲仔被更換了，即係話妹妮賴尿了，不過妹妮一早戒了片，而且會叫人帶她去厠所，一定係老師或呀姐聽唔到妹妮叫所以無理妹妮。

於是我又問how is school today?

她答 : pants

今日發生最大件事就係賴濕褲了。上星期問妹妮同一問題，妹妮仲係答 : cry，所以今日有唔同答案，即係妹妮已經克服了自己返學無人陪會喊的反應了。

黃昏係最後一堂通利音樂班了，下星期便會去新地方玩。

妹妮似乎好鐘意返學，未被尋日賴濕褲影響心情。第朝臨出門時好開心問我‘mami，are you ready?’　但係佢唔記得爸Ｂ已經身在大陸，仲衝入房叫‘嗲Ｄ，are you ready?’　當見唔到爸Ｂ又猛叫‘嗲Ｄ，嗲Ｄ’，要我同yayaGigi叫佢知daddy rides airplane to China，佢先醒起話oh daddy rides airplane。。。

妹妮放學又問佢how is school today?

她答 : happy!

好野！！妹妮終於開開心心返學了！

今日星期五，未夠鐘落樓就話 I want to go!　問佢去邊，佢話go to school，go waiting for school bus。睇黎妹妮真係鐘意返學呢。

無返幾日學同無去playroom，音樂班，再出現個個家長都話妹妮好似高左，我諗一定係妹妮瘦左所以望落去高左，不過又有人話小朋友發燒會標高，幫佢度下，

有95cm高，比兩歲生日（三個月前高了2cm）

重１５ＫＧ（上星期去醫院睇病時磅）

妹妮又有小進步，以前一比風筒吹就好似大蝦一樣又彈又跳，而家可以比yayaGigi幫佢吹頭而且仲企定定潻！