上星期剛剛開學，我地要去醫生度做份身體報告比學校。平時坐車經過呢度妹妮都認得係doctor's room，今次知道話要去見 醫生就好興奮喇。仲話自已唔會喊潻，雖然之前見親醫生都話唔會喊，但次次入到醫生房都會咀扁扁。又睇下今次點？好似有D緊張噃，你睇佢捉住yayaGigi隻手踭捉得咁肉緊就知啦
睇下耳仔
度下高，磅下重，都係醫生度得準D，原來妹妮高100cm，重16.2kg(約35.7磅）跟住妮見醫生枱面有樽鈣片，仲大膽問can I have some candy?潻。
鏡頭又去返學校，呢張係第二日爸B陪返學時影的，兩個細路好似悶到好眼瞓咁！隔離嗰個仲撲低埋潻～！
平日朝早落去等校巴，就會見到Abby，妹妮一歲時就認識既朋友仔，成日去playroom一齊玩架
而家兩個都大個女了，Abby都升上K2了。
仲有Taron都係去playroom玩既朋友仔，Taron同Abby都係四歲幾，都話妹妮係大隻妙啦，拍埋兩個都差唔size。
校車到了，爸B又要追巴士同妹妮揮手bye bye了。
星期四晚我地去了Paul叔叔屋企食晚飯，Phil Phil就快一歲喇，上次見面時係佢剛剛出世，無見一年，而家已經識行了！！！未夠一歲就識行，男仔之中真係好勁呀！妹妮見人有好多玩具一D都唔客氣！
有飛機坐潻，妹妮本來仲有手推單車仔坐架，不過因為係比細個BB坐，未拆兩旁護架，居然坐唔落！佢當時都即係扁左一陣咀呀。
兩個可能差成年幾，無咩交流
妹妮同yayaGigi先返屋企，我同朋友仔開大餐！！
又到週未，每週一相無影幾個星期潻，一早出又去食早餐。星期六一早去街食早餐已經係我地必定動作，每個星期都會去，就算要返工都會同妹妮食完早餐先。
無帶妹妮筷子，比對餐廳筷子妹妮用，點知佢都夾到腸仔入口喎！
又去採表妹Ashley，上次妹妮已經好想抱BB，今次比佢試下，當然爸B唔敢放手啦，你睇妹妮抱得幾似模似樣！
真係抱唔厭噃，換個位又抱過，妹妮對BB真係好有興趣咁呀！
BB手，兩歲手同大人手
妹妮話：爸B你係咪傻左呀？
到姑丈餵BB，見個奶樽同自已個一樣以為人地用左佢個樽，又話自已都係BB，唔通想姑丈餵埋你？
輪到媽me同BB影相，點少得妹妮一份？
見你咁有愛心，就比你攬住BB玩下啦！
呢個只限同媽me做既‘cat cat’擦鼻動作，妹妮豪比表妹呀，你話佢係咪好有愛心呢？
星期日又去飲茶，妹妮對鞋仔係我同爸B舊年去歐洲outlet時買架，好耐無攞過出黎，好彩仲啱著！
而家好最意食炸雲吞，不過卻又唔會點D甜酸汁噃。
連隻蝦都食埋！
襯妹妮呢排有mood踩單車，又再去
打韆鞦，爸B成日大大力的推，妹妮就嗌住要慢D，佢真係好細膽架。
好快又中秋了，諗下今年買個咩燈籠比妹妮好呢？
