小廚神 2

一年一度cooking class來了，我地舊年都有參加過呢個cooking class ->小廚神 煮炸雲吞，今年黎做cupcake。妹妮知道仲有一班朋友仔一齊黎上堂，好興奮呀！

最早到係我地，埋位睇下今日D材料先！



跟住JJ都到了，我地霸定4個位，大家可以坐埋一齊好D嘛

趁未開始我地例牌週圍影相

朋友仔陸續到齊了，都差不多要上堂。但係參加得呢D班，都預左D父母猛影一輪相先可以開始

今年大家都大了一年，應該更容易了，今之仲加埋行行，我地已經霸左4位

開始就位了，全部小朋友走晒埋廚師處聽講同示範。我地有4個friend一齊，幾開心！妹妮仲對下個receipe 落邊樣材料先，其實材料好簡單，有蛋，鹽，糖，麵粉。。。應該返到屋企都可以整得番

大家都好留心聽廚師講解噃！

埋到自己位開工了，睇下佢地幾pro，似模似樣架，我係旁邊猛影相，都唔駛幫手！

導師都好有心機得閒就過黎睇下佢地點

JJ 同行行都好落力噃！

將材料搞好後入吱吱袋，將粉漿平均傾入4個紙杯

最開呢4杯就係妹妮架喇！

做完第一part可以唞下，因為D cupcake拎晒去焗

趁break 緊我地又集齊4個影下相先。



呢D就係一陣帶返屋企D禮物喇，好得意呀！

好了，part 2開始了，大家又圍住廚師去學野了。呢part 好玩D，因為係裝飾個cupcaker呀！

師傳已經幫我地預備好晒唧花用既忌廉，而家就示範下點唧d cream上個蛋糕，又黐下朱古力，糖花。有D似做小手工，對小朋友黎講真係好好玩架

呢隻整到豬仔一樣好得意呀



妹妮都開始掌握到唧花既力度，隨意加下糖花，朱古力粒都已經好靚了

lam下d cream，淨係食cream已經好好味了！！

每人有自己做既4杯，加埋師傳一早預備4杯比我地試下，共8杯！有排玩

妹妮好鐘意加M﹠M

 行行就猛加gummy bear上佢個杯，激死！

仲有每人一朶靚靚玫瑰花潻，唔駛加野，淨係朶花已經夠靚了



兩個鐘頭就差唔多整好晒D cupcakes了，我地仲可以帶晒返屋企潻

上完堂了，同呢堂既師傅 Hugo 影下相先，師傅對小朋友好有耐性，讚！



八掛妹又走去裝下其他人做成點

呢盒係Sana整架，D裝飾好靚，好精緻呀！

妹妮呢盒好明顯係粗枝大葉之作！全部都大大粒，塞到爆為止

JJ呢盒比較清D，顏色都pale D。可惜行行已拎走左佢果盒，好想睇下佢D gummy bears cupcake係點

好喇，大家攞埋禮物同証書就可以去食晏了

臨走要再欣賞下大家D cupcake 

好喇，我地上108樓飯喇，GO！希望出年再參加過。

頭盤有刺身同半打生蠔任選，因為包了兩人午餐，所以我同妹妮可以一樣一份

半打生蠔雖然細D但係好味呀，妹妮就負責食魚生，我食生蠔

呢度環境唔錯，但係坐呢D coffee table食晏真係辛苦D

露筍湯同粟米湯

行行一家啱啱4位，所以坐隔離張枱

要佢地坐定定真係好難呀！

睇下佢兩個已經碌左上梳化了

妹妮個銀雪魚都到了

我的是和牛，但食落似燜肘子

JJ媽咪的印度咖喱

兩個當正自己屋企一樣

食飽飽 可以出平台玩，呢日好好天氣呀！！上到108樓都無大霧，而且唔晒，一早應該搬出黎食啦！

妹妮話想睇望遠鏡，點知行行走去另一端，妹妮話：我見到你隻睇咋！

108樓望落去，景色都好靚，因為呢日真係好天，視野好好

影張panorama

我地相機無電，只可以用手機影相。。。如果呢幅用相機應該好好多呀

玩完一輪返黎食埋個甜品

成班細路就坐晒上bar 枱，好彩餐廳張我地cooking class同其他食客分區，如果唔係比佢地嘈到食唔到野！

離開前去了Elements影下相，佢兩個一齊就會自動擺甫士

唔知點解妹妮呢日作左個蹺手 mook咀 pose

連Sana都蹺埋一份，但改左做嘟咀

呢張糖黐豆相真係好得意呀！！

四眼豬

週年牙齒檢查又到期了，之前佢甩兩隻係自然掉落，又不痛不癢，更加無為左甩牙而去睇牙醫，終於夠期了，去check 一 check啦。 前一排，其實都係無幾耐之前，發覺妹妮睇野時有d矇起對眼，於是的起心肝去帶佢驗眼。



講返牙齒驗查先，我地年年都一家3口一齊去睇牙，好彩每次都係洗下牙就得。妹妮去到牙醫處已經唔驚了。仲好自在，因為今之係第3次洗牙，而且今次有新野話比牙醫知，就係甩左兩隻牙仔了！



妹妮話呢張係太空椅，坐左上去會捱後然後升上太空

唔知佢係咪一D都唔緊張呢？不過次次都係我地洗先，比佢見到我地點洗牙，先輪到佢，等妹妮有心理準備嘛

牙醫話妹妮d牙齒好正常呀，不過新出果D好似幾大隻。舊年佢都講過妹妮D乳齒好細隻，個口又細，驚第時出牙會唔夠位。不過而家都無野可做，就算要箍牙都要等所有牙換晒先得。

7月尾，終於約左驗眼了。諗返幾時發現妹妮矇起睇野呢？好似都係最近一個月左右。呢日上去驗眼，心裏都知應該有近視了，但見到有D驗完眼走既小朋友，醫生同佢講雙眼好叻，真係好羨慕呀

妹妮上到驗眼中心仲好興奮架！

不過到驗眼時，我就唔興奮了，因為見佢遮住右眼後，左眼細小小既字都已經睇唔到了。放埋瞳孔檢查晒後，確定有左眼有百幾度近視，右眼有一百度散光，鴛鴦眼。。。要戴眼鏡了。其實妹妮平時已經無電視睇，又唔係睇得書特別多。都唔知點解會有近視，雖然我同爸B都有，但係唔係深近視，醫生話唔係遺傳，不過可能係生活習慣影響囉。。。我相信係妹妮成日做功課都烘到好埋而整壞左雙眼囉

雖然心裏好忐忑，但既然已成事實，都要接受啦。。。除左覺得要戴眼鏡無咁得意之外，係因為佢都未夠6歲就有近視，雙眼仲有成十幾年發育，好擔心第時會深得好緊要呀。

呢個樣同妹妮同學仔Ryan好似變左孖生一樣！ 呢日係驗眼中心試左好多副眼鏡，但係副副都差唔多，都係鐵框，所以我地無配呀，出去出而睇下先再揀。

之後的一個星期六，我地去左爸B細細個就幫襯既老鋪，睇下有無眼鏡啱。其實鏡片度度配都得，醫生比左我地要配既度數，但係我地想搵副戴起cute D 既比妹妮

妹妮執起第一副就已經話鐘意了，又係既，上次全部都差唔多樣，呢副都幾得意吖！

其實鐵框之中我覺得呢副比較OK無咁老積

爸B就想搵副小雲眼鏡比妹妮

我覺得呢D長方形唔係好襯妹妮

呢副小雲眼鏡都OK， 不過大左D

訂下眼鏡後，幾日就有得攞了，呢日上完游水堂去攞眼鏡，妹妮唔戴眼鏡個樣，好快無得睇喇！

醫生話初頭可以淨係專注睇野時先戴，因為暑假去玩免碰撞到，而且可以慢慢適應。不過睇黎開學後，就會正式加入四眼一族了。

妹妮仲識安慰yaya，話 ： 唔駛驚，爹D話第時大個可以去醫返好架！ （即係大個去做Lasik) 弊在都要你keep得好先得呢！