10月13日，呢個long weekend有重陽節假期，於是決定今年幫妹妮搞多次生日會！其實經過舊年得自己屋企人搞一個close group party之後，都係覺得有一大班小朋友開既party妹妮會玩得開心D。加上妹妮上左小學，大個了，可能出年唔再搞，於是今年搞大D啦。揀左油塘大本型商場既J-plus，其實係冒險樂園既新版。話時話我地都係今年新年時先第一次去過黃埔間冒險樂園，妹妮果次好開心呀！於是決定去呢間新場，貪佢每個時段只有一場生日會，唔會迫人！
因為新既關係，場地好光鮮，影相都靚D
而且得一場生日會，可以用晒成個生日會場地！入口仲有妹妮個嘜頭潻！
入口有埋簽名咭比來賓簽個大名架
第一個到達係Hilina同細佬Hadden，無見一排好似好生呆咁既？之前仲一齊去長隆玩左幾日架噃
做咩咁靦覥既？
食物都到齊了，不過呢日有好多朋友仔，未開始食已經擔心唔夠食了。
朋友仔陸續到場了，個個好似小明星咁簽一簽到先
其實好多朋友仔都未到，但係妹妮已經急不及待走去玩先了。呢度有個黑媽媽既迷宮咁，D細路爬上爬落真係放晒電
無見幾個月既幼稚園同學仔都係呢日有個小型reunion!
行行呢日成日話要搵Aerin玩，D細路好快打成一片
梓悅上次去長隆都同好妹妮好friend架！！不過無見一排又係好似陌生左咁
開始多人黎了，打開晒食物盤成為迷你buffet枱，不過份量比當初想像中小左d。
朋友仔都到得7788, 食物都開始掃得7788了。於是叫爸B同姨丈，舅父去補倉。其實預食物真係好難，又驚叫得太多食剩晒，好彩係商場入面買野都易D啫！
我地都整左個mini candy corner比朋友仔攞下糖
其實黎呢D樂園好處就係大人可以安心傾下偈，細路就自己顧自己盡情玩，起碼唔駛昅到實。
BB朋友就自己組隊一齊玩！
因為妹妮D朋友仔多數都係差唔多年紀，而家已經唔駛我地跟住，佢地爬上爬落來去自如了
睇下玩得幾開心！成頭大汗了
又係小朋友最期待既切蛋糕時刻了，服務員姐姐都好有心機將所有禮物放好晒係蛋糕枱前面影相用
小朋友就位影大合照喇！
好大陣容呀，今次係妹妮咁多年來最大型既生日會呀！相信佢見到咁多好朋友應該好開心
呢張相好鐘意呀，入面個個都吖晒口，好開心呀
個蛋糕都幾靚，係mousse cake，味道都做得幾好食，美中不足係隻melody唔夠似，早知求其做隻公仔算了。但個蛋糕好食補番數啦！
個candy corner擺左成個下晝都未有人掂，而家開始發市了。
吹焟爉了，預祝妹妮健康快樂，聰明伶俐，聽教聽話，努力讀書
做咩咁怕醜呀？
媽me同妹妮影下相，因為差唔多夠鐘要交場，只可以影到幾張家庭相，朋友仔淨係大合照就算了
close up多次個蛋糕，除左隻melody外，一切都好滿意 ：D
張生日卡簽滿晒朋友仔既名架！多謝咁多位朋友仔來臨同埋咁多禮物，多謝晒呀～～！
食完蛋糕，要交場了，但朋友仔仲未盡興，好彩只係清場，仍可以留低玩架。而且每人送左40分可換代幣玩遊戲
呢度仲有手工做，妹妮同Sana去左整手繪布袋仔
又畫得幾靚噃！
幼稚園同學仔Gigi都join埋一份，其實仲有好多朋友仔係波波池入面玩緊架
Sana同妹妮永遠都係最佳擺甫士partner!!
Gigi雖然大過妹妮，但好似好細個咁，妹妮成個大家姐一樣！
食完yogurt我地離開，出發去食晚飯了！
呢晚約左do-re-mi去西貢食海鮮呀，康然同Ellie可能細個d, 所以求先都好似無跟妹妮同埋d 同學仔一齊跑
呢晚去西貢食海鮮呀！好耐無黎過了，啱啱先用晒體力，而家食飯最正
豉油皇吊桶，正！
炒勝子，仲有魚同奄仔蟹呀，炒飯，炒麵呀，夠晒鑊氣，好好味呀！
仲有要多謝EE 好有心機幫妹妮整左回體曲奇，今日D曲奇好多人都讚唔太甜又靚，唔捨得食呀！除左有女仔款外
男仔就送龍貓，不過好似細路比較鐘意龍貓款多過女仔款。
包起晒之後好似出街買番黎一樣！！
今日大滿足應該係妹妮了，佢最大收穫，又玩又食又拎！成個車尾都係禮物，開心晒啦
例牌晒冷影下禮物相先
拆晒禮物之後，妹妮已急不及待要睇書，叫都唔應了
