十月十七日，呢日對妹妮同媽me都係一個特別日子，妹妮當然興奮自己生日，對媽me黎講，每大一年更加唔想記起自己生日，唔想又老一年。但係同妹妮一齊生日就一定會remind自己都生日，而家就當陪妹妮慶祝好了。但係6年前妹妮出世一刻，第一眼見到佢果刻真係而家都仲好印象深刻。。。好醜鬼樣架！！當時其實無咩感動，或者好開心"終於見到你了"，反而爸B感動到眼濕濕。不過神奇一刻係本來妹妮一出世時就喊緊架，但係聽到爸B同佢講：BB唔好喊啦，有daddy mommy係度呀，妹妮就露出左呢個笑容喇！好似真係識聽我地講野咁架。
今天6歲了，爸B媽me永遠最愛的BB。祝你快高長大，健康活潑，快快樂樂！
媽me 早一晚跟EE一齊去學整既生日蛋糕，終於切得黎食喇！妹妮見到個蛋糕好開心又好鐘意呀！
呢日媽me都要返工，lunch 有好友Vikki請我地上海佬食個豐富的午餐，thank you!!
呢日去學校椄妹妮放學，上小一後第一次去接放學咋，因為而家要預早一日通知，好嚴緊。但係發覺接放學同搭校車原來都差不多時間返到屋企。做好功課出去晚飯了！
妹妮拎住呢隻公仔係Disney Junior既新公主，係妹妮話我知叫Sophia the First。於是我上網訂左隻細既比佢，點知又咁蹺係正正日送到！就當係生日禮物啦，妹妮收到都好開心呀。
呢晚終於去到妹妮想去好耐既Morton's食飯
睇佢擺晒甫士就知佢有幾開心啦！！
妹妮仲要yaya幫佢扎t shirt上Rapunzel個鬢鬢辮
又係呢張枱，我地都坐過呢張柗幾次了。
妹妮最懷念既洋蔥包，搽埋牛油真係食到唔停到口架！
妹妮自己將餐巾圍住條頸，好似cowgirl領巾咁，好搞笑
Sofia 睇住我地食野
可惜呢晚無煙花，呢個煙花景睇煙花真係正！
而家妹妮可以幫我地影相了
呢晚都有印晒我地名既餐牌，順便再慶祝過週年紀念同爸B生日！
因為次次都係食包食飽，所以叫多D頭盤好過，呢個吞拿他他幾好味噃！
第一次食呢度既生蠔，有小小creamy
妹妮最鐘意就係依偎住爸B。。。應該係爸B最鐘意妹妮依偎住佢至真！
點左洋蔥湯比妹妮，龍蝦湯比我地自己
妹妮將洋蔥包點洋蔥湯一齊食 -_-
caesar salad
其實坐梳化位既好處就係可以比細路係上面移動，當年（一歲時）今日都係咁樣！
一歲時就攞左伴碟菜黎玩
經過左5年，一樣不變，只不過今次有公仔玩 -_-
食西餐每碟之間都要等，佢個姿勢咁多年都無變！
主菜到了！！Porterhouse steak
Alexander shrimps
每年都一樣，通常主菜到時我地已經飽左7成了，因為個洋蔥包，頭盤，湯。。。下次要哪佢上左主菜先至得喇！食食下先醒起，呢日又唔係假期，點解唔叫埋係屋企既yaya一齊黎？往年我地十月一日黎係假期yaya都放左假就無叫啫，今年係度都唔記得叫埋佢一齊慶祝潻！
無啦啦玩手影，扮狗仔同雀仔影
終於到甜品了！！今次送左3個甜品比我地，有心太軟同梳孚里
妹妮負責吹焟炾
呢個係我地週年紀念既
另外仲有妹妮生日
同爸B生日，但係居然無左呢日先係主角既媽me!!!! 不過真係太飽，食唔落了
最後帶走呢張咭，我地不經不覺已經儲左6張了
