想買呢隻Rody好耐架喇，但係成日以為妹妮要坐最大果隻至得，要成千蚊架！有日經過Megabox見到，個店員話原來可以坐到200磅，大果隻係比大人跳既！咁呢隻比大人果隻平一倍加上做緊特價，於是就帶左返屋企比妹妮！
其實以前都買過老翻比妹妮玩，但係吹氣口個塞係肚底，每次彈跳個粒塞就會有撞落地既聲嘞。於是研究下隻Rody，原來正版個塞係pat pat位，唔怪得彈得咁爽啦！
妹妮好鐘意Rody呀，又改埋名比佢，但係我話佢有個名喇，咁就哪番佢做Rody啦。佢話Rody就係公主隻馬，帶佢呢度去果度去喎 -_-
即時試跳，呢隻比老翻大隻D, 可能好彈D潻
妹妮仲叫Rody食草！（當地毯係草！-_-" )
十月廿四日，yaya 生日，呢日臨時臨急買左個蛋糕，其實如果一早訂定，可能仲好！雖然可能有人話工人生日駛咩買咁靚，但個蛋糕都係一齊食，買個好味d既自己都享受到嘛。
呢個叫盤滿砵滿
呢日咁蹺兩個著住差唔多既tee
有晚同妹妮食完飯經過花鋪, 佢話想買花, 買咩花好呀? 佢話太陽花啦, 原來店內有一千零一盤太陽花, $39 但見佢有成十個花冧, 希望種得成啦!!
呢張想影到佢成個肥師奶咁呀! 妹妮話要改個名比盤花 (?!) 叫佢做Julina喎~!
呢個就係佢懶用手托眼鏡,嗡起個鼻托眼鏡既表情, 好醜樣呀!
妹妮仲好有癮玩rody, 日日彈來彈去
幾日後Julina已經頭耷耷了, 剪左頂果頂花希望下面果d可以開啦, 但係屋企無正面日光可能都好難令太陽花開了. 妹妮叫rody埋去食草 -__-
