ladies night out

went out with Wendy & Eldora tonight, before heading to Lee garden for dinner, we shopped a bit and I finally got my long lost favorite Jo Malone!! tried it in U.S. with Angie 2 years ago and only got a body cream sample, then saw it in Bangkok last year again but still didn't get it (as the price was more expensive than it is in U.S.). Anyway their scenes are sooooooo nice and I have decided to get it this time. I couldn't remember what I liked best back then, I picked nectarine blossom body cream + orange blossom cologne this time, it smells quite like peach and pear together...and I know I'll smell good!

十個月大喇!

眨吓眼妹妮１０就個月大喇！過多兩個月就１歲了。佢而家飲食已經好穩定了，每日５餐，早，午，晚３餐飲２４０﹣２６０ml奶，中間加插兩餐每餐一碗由yayaGiGi用豬骨湯底，加入鷄或豬或魚及菜或紅蘿白等材料嘅粥仔...大部份時候妹妮都可以食晒d 正餐。而每日都有食生果（如半個大蘋果，香蕉等）及小食（BB餅仔）。見佢咁好胃口，我哋都好開心，因為妹妮好活躍，一日不定‘運動’，都唔擔心佢會過胖嘅...妹妮而家都有２1磅lu.

今日我哋一家三口又去海港城食晏（因為就腳又有嘢行丫嗎)，雖然無比妹妮坐ＢＢ櫈，因為驚張櫈太大佢又太細粒會跣低，但而家妹妮都可以同我哋同枱食飯喇。

今日除咗食麵飽外，仲食咗爸Ｂ點嘅三文魚ceaser 入面Ｄ三文魚，食到咀lam lam潻。我諗遲Ｄ等佢坐得定Ｄ就可以比妹妮坐ＢＢ櫈嘞。

而家因為都係抱住，所以妹妮成日企喺度un un吓...我哋當佢喺度dance dance，仲專撩待應嘅，任何疑似待應嘅人，妹妮都會送上佢嘅四萬笑容。

睇吓成個麻luck仔咁，帳開晒雙美腿。唔怪得d路人成日當佢係‘細佬’啦！

試著Emily EE買嘅新衫，點知咁大件，留返大d先著啦！

妹妮仲未識行，但佢開始試放晒手企，仲學人好嘢（拍手）！不過只可維持半分鐘。我諗佢都未有咁快識行喇。

休閒週未

今日多咗爸Ｂ喺度，揍Ｂ嘅重擔就好似減輕咗一半！我哋今日去近Ｄ嘅新世紀廣塲食lunch，好耐無行過呢個商塲，以前又唔會行Ｂ嘢，而家發現呢個商塲都有幾多Ｂ嘢買。今日買咗個ＢＢ專用手提電話，有時行吓BB嘢都好開心嫁

去咗間巴里餐廳食lunch

妹妮見我有得飲，又想飲一份

食完lunch 就行吓街街，爸Ｂ向妹妮介紹玩具喎！妹妮最鐘意照鏡丫嗎。

返屋企訓完覺豬，晚上又出動去打邊爐，妹妮好耐無去夜街了

今晚唔知做mud成日伸條脷仔出嚟，好醜樣呀

單挑揍Ｂ記

今日奧運開幕大日子，我又點可以一個留喺屋企湊妹妮？雖然同奧運無mud關係，不過趁難得weekday得閒，好啦，今日就帶妹妮去街街啦！好嘢！（而家妹妮有時聽到‘好嘢’就會拍掌）。

第一站，去Sonia EE度探出世個多月嘅小B思行。小B好細隻好得意呀，而家７磅幾，令我諗起妹妮出世時原來都係咁的式，好cute呀...而家大個咗好似無咁得意潻。不過BB仲細，妹妮又未大個到可以抱抱BB，所以兩B都只可以合照。

呢份禮物送比思行㗎，咪搞啦！

妹妮：EE，比返你ah Sonia:　乖勒！

去到人哋屋企都要玩吓爬山先

跟住就到Cathy EE嚟兜我哋去海港城行街街。今日Cathy生日，再祝佢生日快樂！今日我哋只係行咗幾間鋪咋

‘就幫我包起佢ah!' (設計對白）

睇嚟妹妮９個幾月大人仔都好有taste喎

今日妹妮特別扭計，一擺低佢喺B車就即刻扮喊，伸開雙手要抱。好彩今日有Cathy喺度幫手推吓車，唔係真係搞佢唔掂。後嚟Cathy幫手抱住，我先有啖好食咋！

Cathy拿出電話 : 嗱！等我介紹個靚仔你識啦！

妹妮：靚仔？咁益我？唔好厄我喎！

第一份．．．

今日豐收呀！收到三藩市寄來嘅包裹

妹妮今日收到佢第一份１歲生日禮物喇！好可愛　邊個咁有心？咪就係SF嘅Angie EE囉...禮物係‘多汁’心心蛤蟆衣，作為‘多汁’嘅fan士，我梗係超級鐘意啦！妹妮著咗都好得意呀，cute爆！！可惜Angie唔識睇中文，無緣睇呢篇blog。

多謝auntie Angie!

著咗一陣就想扯luck頂帽，因為熱呀嗎

今日上咗一個full day嘅training，雖然都係講consultation skill之類嘅東西，不過今次個導師好得，一啲都有悶場。lunch時導師講佢上催眠課時嘅case，有個同學成日好唔開心，但屋企好鍚佢，催眠後發現原來佢未出生時爸媽成日嗌交。又話個肚嚟得唔合時等等，原來胚胎都有記憶㗎，佢腦裹面一直記住嗰啲對話，所以成日好唔開心。又有一個同學因為好怕老闆，每次見到老闆都手騰腳震，當被催眠時，口中竟說出正在‘上朝’，然後本來好安詳嘅樣貌突然變得好驚，手心冒汗。從旁聽得知原來被催眠者口中嘅正是佢前生...仲要發生喺明朝。因為當時上朝講錯嘢分分鐘會被斬頭，所以就算嚟到今生，一見老闆潛意識就好驚。真係信不信由你，但就‘驗証’咗人真係有輪迴，其實又真係同醫學好有矛盾。對於我呢啲好奇分子，梗係想追住問啦！原來BB都可以催眠呀，如果催眠妹妮嘅話，又追索到佢前生...突然由而家𠲖𠲖呀呀，變成一輪嘴咁講嘢，都咪話唔驚！！不過要做到咁，導師話都要好好功力嘅先得㗎！

8號風

嘩嘩今日８號放假一天，原本爸爸要開早會，而家都可以安坐家中睇吓電視，陪吓妹妮喇。其實趁咁‘好天’，我梗係想去睇戲啦！諗起以前仲同公公，EE住時，因為屋企樓下有商場，打風唔駛返工就一定同EE，舅父去睇戲，好開心架！就算唔睇戲都帶埋妹妮去可商場逛吓，可惜今日無車爸爸話８號風街上唔會有的士，所以最後都係留喺屋企，唯有休息吓，陪妹妮玩攞。

最近妹妮鍾意豎起隻食指...即係no.1咁解

已經出上面兩隻牙仔喇，好大隻又分得好開喎！

尋日公司‘頒獎’，from上個quarter其中一個penetration，總之有禮物啦! lets go shopping!

有街去喇

話說上星期孱弱爸爸病咗，搞到妹妮無街去。仲傳染到妹妮都病埋，前幾日先睇完醫生。等咗成個星期，終於到星期日喇！今日本來約好Canary EE同Clara B一齊去探Sonia EE同個零月大嘅小Ｂ女，但因Can EE都病咗，其實爸爸亦未好返晒，所以就改天先再去了。因此我哋就改變計劃約埋公公去探太婆喇，直頭係４代同堂呀！妹妮今個星期因為病病，所以好moody，成日張開雙手要抱抱，死啦，黎緊星期５，６，日yaya Gigi（yaya即nanny咁解喎，好多老師都叫d傭人做yaya架，GG就係Gemma話佢以前揍d細路叫佢Gigi會易叫d)會請假去d宗教活動，要由我頂上揍B，實玩到我謝！

星期三偷懶一個下午同Astor去hea, 我哋無shopping, 返而去咗跑馬地睇樓。仲去埋街市食翅，好耐無咁hea喇！下星期yaya 返黎我一定要hea 返日先！

每日必做動作，企喺我床頭玩‘爬山’

see!連覺豬都要壓住我，第時重d點算？

busy week

今個星期好多嘢做，呢兩日又要返工，好似無mud倍過妹妮咁，連weekend都無得去街街。本來爸爸今日帶佢去書展，然後仲同姑媽一大班人飲茶。但潺弱爸爸嘆完一晚泠氣後就病倒，所以今日所有節目都要取消。可憐妹妮等咗成個星期先有街街去，而家都要留喺屋企。唔知係咪因為知道爸爸病咗，今日佢好chi身，只要‘好似’要放低佢，就已經作狀想喊，成日想人抱抱。不過除咗扮喊，佢終於識自己揸住個奶樽餵自己飲奶！只要將佢訓低，遞個樽比佢，妹妮就會自動自覺將奶咀放入口。聽落好簡單，但以前將佢隻手擺埋個樽佢會縮開到而家自己揸住擺入口已經係好大進步了。小朋友進步得真係快呢！anyway,今日就呆在家中渡過，下星期希望有街街去啦！

睇吓,妹妮一見到爸爸企喺床邊就即刻跁過去想抱喇

SUNDAY gatheringS

今日有兩個任務: 晨早數碼港morning drive同我好祈待嘅b聚。首先7:30就入到去le maridien 食早餐及同MINI club去morning drive， 試最新嘅JCW跑車。 好彩咁遠去到，天氣好好，仲有豐富早餐食，雖然搗塔咁早起身，都算不枉此行。緊接住就係４pm嘅baby gathering，因為朱sir喺英國返咗嚟，又順便興祝朱sir B梓悅同baba david生日，所以就搞個攜b出席嘅 gathering嘞。我地5個美女b都係2007年產品，對上一次見面已經係一月一日了，當時大家仲一舊飯咁任你舞。無見咁耐個個都大隻好多了 除左妹妮同大佢兩日既汶慧b唔識行外，其他都可行黎行去lu。大個d嘅元元b仲識聽指示做動作， 我諗妹妮好快都會識喇!

其實bb gathering就好似去playgroup咁，大班細路都係各有各玩。 不過睇住佢地幾個玩，我地d大人又有得gather一下，好開心喎!

呢度得４條女，因為汶慧B去覺覺豬

壽星Ｂ梓悅，後面係大肚Aunite Esther & Auntie Astor，仲有元元Ｂ同妹妮。就嚟又多件dede加入喇

Kiss kiss呢Ｄ社交禮儀，BB都識啦！

玩攰了，你哋慢慢影，我就要覺豬豬了。

睇下更多Ｂ聚相here!

PS: 點解妹妹改咗名叫妹妮？其實爸爸咁叫佢好耐喇，不過我諗個妮字係喺媽咪個名抽出嚟呱？

母女情

媽咪離開我哋７年了。每年今日總有d唔開心，但又唔想提起令爸爸傷心，所以都無特地去拜祭。媽咪，而家我有了妹妹，我會好似你以往照顧我哋咁悉心照顧佢㗎喇，好似你以往痛鍚我哋咁鍚佢，好好真惜每日同佢相處嘅時間。今日影咗d相...for you...

九個月大喇!

今日係好日呀, 因為係妹妹嘅九個月生日及公公嘅生日. 可能就係因為係好日, 呢d日子一早就book滿function. 今晚要半工事的出席晩宴. 搞到無得同兩位壽星興祝, 所以尋晚我哋提早同公公興祝, 去布袋澳食海鮮. 不過可惜舅父德去咗英國工幹, 所以無份食.

今朝九個月大嘅大ＢＢ！

聽故仔，佢每聽到'once upon a time...'就算喺床尾都即刻跁返嚟聽故仔㗎！仲會做埋動作配合故事內容tim!

摘星

前兩日老公同我講，有日佢跑步時突然諗起陳百強首「摘星」嘅歌詞好似講緊佢喎．．．

　　　日出光滿天　路邊有一間旅店
　　　名後悔　店中只有漆黑
　　　找不到光輝明天
　　　但店主把我牽　并告知這間乃快樂店
　　　人步進永不想再搬遷
　　　怎知我挺起肩　抬頭道

  ＊我要踏上路途　我要為我自豪
   我要摘星不做俘虜
   不怕踏千山亦無介意
   面容滿是塵土

  ＃提步再去〔人疲倦也要〕踏上路途
   我要為我自豪
   我要摘星不做俘虜
   星遠望似高卻未算高
   我定能摘到

   日出耀長路　日光過山跨岭射到
   如像我　永不愿停下腳步
   一心與風闖　悠長路

   重唱　＊,＃

   我定能摘到

我問點解啦，佢話歌詞中嘅店主係佢嘅顧主，明明唔係好工，但又焗住要做。所以佢話要好似副歌咁「我要踏上路途　我要為我自豪　我要摘星不做俘虜」喎。我聽完後覺得：又好似幾貼切喎。不過原來首歌係形容道友㗎！真係得啖笑