閒遊沖繩 Day1

yo ho! 終於有得旅行了！！！8月9日 我地一家同埋爸B朋友一家一齊出發向沖繩去！本來仲有好多篇blog要寫，但係比沖繩行先！妹妮過去兩年暑假都有去朋友Cheryl屋企sleep over，今次仲一齊去旅行，妹妮超級興奮！一早去到機場十級期待快d出發！！

朋友一家一早食埋早餐，於是我地入閘後各有各行去boarding gate先集合，我地就食早餐先

去到閘口了，剛剛買了自拍神棍，仲有remote可操控手機拍照，玩餐飽先

連爸 B都玩上癮，妹妮又點會唔想玩呢？？

終於boarding 了！！yay！

沖繩有個好處就係近，只需兩個鐘多小小就到了！！出發前睇天氣預告話日日都會有雷雨，好彩落機時已天朗氣清，仲好熱添

第一日無租車，於是搭單軌列車出城，其實那霸機場好近市區，只係搭幾個站車已到酒店，只盛惠260円！

我地間酒店係正那霸市最旺條街"國際通"，好方便呀！係正呢個街口時對面黑色部電視咁蹺有30秒影住馬路，見到晒我地企係度等過馬路呀！

Check in 擺低行李後就落街逛下，本來打算去首里城，但朋友Danny話無咩睇，所以我地行下國際通算了

第一次到沖繩，感覺比較relax, 無東京咁繁華，兩旁都係手信街

果子店等

呢d蛇酒，聽聞水蛇都係呢度特產

雖然只係行下街但係兩個女仔都無嗌悶

第一站都係去醫肚先，去到街市，初初以為係食魚生，但係呢度唔似本土，魚生並唔係土產的

妹妮好hyper，都唔記得點解有張咁既相 －＿－

係街市坐塔塔米又幾有feel ，其實已經3點幾，食晏又唔係，當tea time咁食小小啦

沖繩特產海葡萄，媽me係香港食過，但對妹妮黎講就好得意

反而好鐘意呢款花生豆腐，因為唔同普通豆腐，好煙靭又有花生味，而且d汁有d似鰻魚汁甜甜地

另一名物係苦瓜，我平都唔鐘意苦瓜，黎到試下都真係好苦！！

另一魚頭湯就話係呢間店既人氣食物

妹妮當正自己屋企一樣，瞓埋係度

食飽飽再逛下市場

呢度有d似街市但主要賣乾貨，第一次見識木魚真身，原來真係成碌木一樣架！！平時食豆腐，醬燒茄子通常就係有呢d木魚碎係面跳舞

唔知點解周圍都有呢隻雞賣，只係一揸落去就有"hur"一聲，但係妹妮居然超鐘意，每次見到都要埋去鍊幾下

Danny話呢度都好多午餐肉賣，去到便利店果然見到餐肉蛋飯團！

返出手信街見到我地剛剛食既豆腐有pack裝，買黎試下好唔好味先！

妹妮未夠7歲但係已經差不多去到我膊頭了

一路行見到好多塩味雪糕，呢間blue seal好多旅遊書都有介紹架

我買左個salted cookies，但係一d 都唔覺有塩味。爸B既蕃薯味都係無咩蕃薯味

反而食完後經過family mart有frozen雪糕！

兩女見到都好開心，但係已經食飽都唔會再食了

除左雪糕仲有好多frozen食品架

原來國際通都有名勝架，就係卡樂b了，一定要去潮聖啦

入面有好多卡樂B副產品

黎到卡樂B當然要試下新鮮炸起既薯條啦！我地叫左薯條同蕃薯條

呢度除左薯條仲有薯片架

食完又行過，剛剛食左咁多野都未夠餓去食晚餐呢

行行下發覺呢度d餐廳既裝修都好有特色，間間都有自己主題既裝修，但係食既主要都係沖繩料理

好耐無見過呢d千層蛋糕了！！記得好細個時新世界中心都有個counter即場整呢d蛋糕架，公公好多時都會買比我地食，但係已經唔記得有無牌子了。

呢度就有3種味，當然又係要兩位大帝試食先啦

就算手信街既鋪頭都一樣有得色

本來呢晚幫襯一位和服小姐食石垣牛，但係因為無位要等半個鐘，細路又話要食壽司，於是我地返左酒店樓下間去司店食升了

妹語錄

平時同妹妮傾偈其實好好笑，當中不貶難頂對話。

有日係床上面，妹妮話見到出面有飛機呀，但我另過去望又唔見，妹妮就話因為飛左入curtain 入面，只要打開curtain 就可以pull 番架飛機出黎喇！（真係好想像力！）

妹妮好鐘意細路仔，有一次陪佢去廁所，仲一邊poo poo一邊望住我個肚問係咪有BB呀？ ＠＿＠ 我沒好氣話係呀！妹妮即時好開心話： 天主有聽我講呀！！  （咩話？）我小息時去小廣場祈禱要有個妹妹或弟弟架！

其實妹妮仲好想有自己既小朋友，唔知點解咁有fantasy 既呢？

＊＊＊＊公公生日，我地晚飯慶祝＊＊＊＊

雖然妹妮生得大大隻，但係心竟卻仲係好細，可能小睇電視，妹妮思想都比較單純，唔識盅惑。好似我地成日講笑（用巫婆tone)話妹妮成隻豬一樣，而家養到6歲係時候可以煮黎食了，佢都信信地。好似Hansel & Gretal個巫婆咁摸下佢多唔多肉，趁佢瞓左可以放入局爐煮黎食 hehehehe。

聽完都知係講笑啦，點知有日妹妮真係問我： 媽咪，你真係想煮我黎食架？（係呀）我就話你呃我嘞，如果係真就細個BB時都煮左啦 （我答： 細個時無肉點會煮呢，而家5,6 歲先至啱啱好嘛！）妹妮就話唔想死呀，因為佢想長大。聽到時個心都軟晒！

之後又有一次話唔想比媽咪食左，因為佢想長大可以生BB （啤！）

又有一次妹妮叫爸B ： Daddy，弟時你幫我教我d BB，我無咁好氣教佢地呀！ －＿－" 其實妹妮已計劃自己要生對Twins，之前話過想生3個BB，但係怕自己埋唔到3個，所以改為twins。我話3個BB可以係家姐細路唔係一齊出世咪得囉！但妹妮話想要triplets 不過擔心照顧唔切 （點解6歲己經諗到咁遠既？）所以生twins算了。。。

＊＊＊＊yaya 髪藝坊＊＊＊＊

有日又話唔鐘意daddy（點解呀？）因為有時講笑話唔鐘意daddy，daddy就話: 好啦，bye bye! 

都係鐘意媽me既性格 （吓？咩性格呀？）成日錫住我，又鐘意聞我陣味，又攬住我囉！（dadyy，收到啦！）

＊＊＊＊同K3同學仔聚舊＊＊＊＊

好耐無落會所playroom玩了，妹妮一歲就係度浦，識落唔小朋友仔架，但係大家都日漸長大，落黎玩既時間愈來愈小了。。。呢日同朋友仔落黎玩，d玩具都好似縮晒水一樣呀，不過妹妮仍然好enjoy係度玩呢！

曲奇出爐！

仲有呀！妹妮平時好細膽，一個人係間房就驚會有monster，就算係屋企我地坐晒係廳叫佢入房／廚房，任何無人既房佢都會驚。但又要硬住頭皮要入房既話，妹妮就會係房門口大嗌"roar！" 然後先入房。。。呢下"roar"原來係用來嚇走房入面既monster 。。。名符其實既嚇鬼呀！！！ wakakakaka ：DDDDD

 ＊＊＊＊Snoopy＊＊＊＊

趁剛放暑假又未有summer class 上，帶妹妮出街食晏，本來想去LCX間BOLOGNE，因為d麵包好好食架！！點知去到已經關門大吉，換左另一間鋪了。於是去左Grey Hound

其實呢日係Snoopy display開放比人影相，但係去到仍然圍晒欄，唯有照影啦！

暫時無緣再去，睇下下星期有無時間啦！