西貢田園婚禮

昨日二月十四情人節，但我同老公都留在家晚飯，因為一來提早慶祝了，二來又係一個星期一日妹妮跟我們同房的日子，所以連出街睇戲都懶了。三來是今天是好友大婚日子，妹妮今次有份出席，所以我同爸Ｂ要養足精神準備今日湊妹妮啊！

一早起身替妹妮裝了一半身便先去食早餐，件外套仔襯條花花褲都好睇噃！

１１點去到西貢的婚禮場地，是個園藝農場的一部份，妹妮成為朋友堆中的甜心。

八妹仔好鐘意睇書（或揭書？）的，連人家的婚紗相簿都要加隻手去揭下。Paul叔叔叫住：咪揭得咁快先得架！

這是我們的午餐場地，好有渡假feel！

今日毛毛雨不停的又收又放，但戶外的佈置好靚，大家都覺得應該等停雨一刻，不要放棄而改入室內進行嘛，所以等候期間就四圍影相。

今日Kennis個妝好靚，配一個古典頭好高貴。

細路還是留在等候區域啦，妹妮隔離的便是１０磅重的結婚蛋糕，可能她知道是蛋糕，所以好開心。

趁雨稍為停了，爸Ｂ帶妹妮出戶外的註冊場地參觀，佈置得間單而隆重。新娘子會由這條小徑穿過花叢步向人生新一頁，將來妹妮出嫁，都會由爸Ｂ牽著她手行這一段路呀。

終於等到停雨了，大家即刻走出去！妹妮見有個姐姐便跟她交換糖果。

註冊儀式開始，新娘子由爸爸牽著出場。

大家既興鬆，也戥一對新人高興

其間妹妮在草地周圍走，間中又用丹田出聲講話，爸Ｂ即刻幫她封咀...shhhhhhhh

天公做美，給了我們十多分鐘的晴天，註冊後又下雨，之後便轉到室內影合照。

之後便入席食午餐，這家餐廳的食物很好吃也一點都不簡單，香料都是自家農場種的。我喜歡的有超簿切帶子沙侓及主菜的西班牙黑毛豬，一點都不un，下次慶祝情人節可以考慮再來。（老闆聽到一定話駛唔駛成年後至再黎呀！哈哈）

我同爸Ｂ都是一對新人的好友，是經常結伴食飯，睇戲，旅行的‘腳’。在此祝他們永結同心，快Ｄ生個friend比妹妮！

在家的日子（二）

平時爸媽返工的日子，妹妮便會跟住yayaGigi工作。如打掃主人房，便會擺妹妮上爸媽的床上玩，等yayaGigi可以撇低妹妮一陣執房了。

妹妮都好enjoy在大床上碌來碌去，就算瞓低雙腳仍然戙高，有無比的腳骨力。

而家聽電話會用正音‘喂？’而不是‘wee?’了，然後一輪咀口嗡嗡。

最近發現妹妮左眼好似出了雙眼皮

yayaGigi做完家務會同妹妮玩，有時讀下故仔書，有時玩下puzzle。當然妹妮唔會識玩砌puzzle，不過yayaGigi會搵好啱位的一塊比妹妮拼入去，妹妮最鐘意砌好後拍拍puzzle嗰下

朝早又帶妹妮去九龍仔陪跑

劈她到草地行，不過一陣就走過來要抱抱。

今日見妹妮著短褲仔發覺雙小腿好似比冬天前消瘦了，可能是長高了的關係呱？

今日一味要抱，最後爸Ｂ都無得跑步，只好抱住妹妮繞場一週

難得見到有人踢波，見到有波波先肯落地行一陣追波波。

跟住又再要抱，爸Ｂ好無奈啊

在家的日子

跳芭蕾舞一樣的tip toes

早前講過妹妮每晚清潔後都會大叫coming等我走入去替她搽lotion，就係好似個video入面一樣，咪me每晚準時候命等大小姐落order。

近排發覺妹妮鐘意音樂，因為一聽到音樂便會扭身手勢，好搞笑 就算睇電視新聞的轉場歌都會扭翻幾下跳返part舞。

因為隻miffy公仔係Emily EE去荷蘭公幹時買的手信，所以係講外語的，爸Ｂ就用原裝音樂作了歌詞...hello, you're little Aerin, hello, you're little Aerin咁嘞。

預祝情人節

其實爸b自結婚後都再無與趣慶祝情人節了，真係市儈！不過我每年都不放過他，前一，兩年都會一早book定有預訂有折扣的餐廳。今年就索性提早慶祝，因為不想正日被餐廳据到一頸血，不過都要食返餐...搵個籍口掁枱腳。

今次去好耐無去過的松菱食鐵板lunch，因為lunch比晚飯平一半有多。而家有妹妮駛費大好多所以爸Ｂ話食lunch都接受啦，好過無得食，哈哈。

１２點便到，攞位後見整間餐廳只得另一枱客便影張相，好在而家個電話影相無聲，影相都唔多覺。

不過我又不是斎影食物寫食評的，自覺呢張相都幾靚吖！

又自拍

爸Ｂ抵達餐廳時都己差不多滿座了，師傳在煮我們的那份。lunch menu有三文魚，蝦，美國肥牛，炒飯，菜，麵豉湯，甜品，~＄２００位。

ＹＵＭＭＹ！

今年買了寶品做禮物因為爸Ｂ經常感冒未清，喉嚨痛，...etc。據講這冬蟲夏草丸有較對付鼻敏感，希望這些寶品有強力功較令爸Ｂ身體好Ｄ啦　至於我的禮物當然未有著落，不過遲到好過無到！

是但嗡

今個星期大家都如常開工了， 都已過了年十五。好難再用新年holiday mood未過做借口偷懶了， 加上工作又經過假期抖夠後重新上軌道。所以同妹妮玩／去街的時間又小了，而元宵當晚就留在家中晚飯。

昨晚約了Wendy同Eldora晚飯，算時補祝Wendy生日吧，因為一直都找不到時間三個一起相聚。

叫了個啫啫唐生菜，好香！！　都係因為聞到隔離枱香才order的。

妹妮今個星期留守家中，只有每日playroom時間才有得落街。不過她一樣enjoy每朝到咪me房睇電視的親子時間，因為我們每朝都會開著電視睇新聞，所以妹妮習慣睇新聞，仲入神到好似明Ｄ新聞講咩一樣。

一個買雜誌送的髪圈，妹妮最鐘意將髪圈射馬子，不過這個因為是冷做的，射不到，哈！戴了好似阿星呀。

星期日影的幾張‘沙龍’

今日返到屋企撞啱yaya帶妹妮都playroom，見她著得好cute...最得意是她的長襪，好似足球員的粗腿。

笑料一則：爸Ｂ日前早放工返家休息，妹妮正在樓下playroom玩。於是爸Ｂ瞓晏覺，但夢睡中被一句好響的‘bye bye’嘈醒不到５分鐘妹妮抵家了。原來剛才的‘bye bye’是妹妮在７層樓下的大堂門口向她的朋友仔道別，哈哈！佢把聲真係好響架，好在並不刺耳咋！