沙龍

趁妹妮落街遊盪，我又跟埋去順便替她影番輯沙龍。

去到會所見到朋友仔，但呢位朋友仔今日好怕妹妮，妹妮又熱情到死係要走埋去，搞到阿崩叫狗愈叫愈走！到我們離開時先好大聲的同妹妮講bye bye。

去到後花園yayaGigi就叫妹妮坐低，掹住Ｄ葉...其實Ｄ甫士都幾娘架，不過yayaGigi話妹妮好鐘意做model。平時在家hea時yayaGigi有時都會幫妹妮影相，次次叫她擺甫士都無托手踭呢！

玩呢個碌碌滑梯就好開心，笑晒口仲識望鏡頭！

又叫妹妮掹住Ｄ花花

點知大力得滯成朵甩埋

見到葉又執起睇下

yayaGigi叫擺上頭扮umbrella，妹妮近飛佛係umbrella，成日畫畫都要畫umbrella，畫完把遮後硬要你畫埋rain，然後她會唱‘rain rain go away，come back again another day...’　你睇佢個樣幾enjoy!

行返去網球場，今日無人用，不過又上了鎖。

繼續影園林景啦

自製合照

每日yayaGigi都帶埋吹波波落街，等妹妮可以動下消耗一下過多的精力

玩千鞦時好開心，但係郁緊好難影得清。

其實笑得好燦爛架！

短短落街半個鐘，影了成百幾幅相，妹妮係個稱識的𡃁模呢！

令人失望的8號風

星期５已經話星期日會打風，好開心因為今個星期日要返工，打到正即係可以放假了！！

吖，差Ｄ忘記，妹妮啱啱學識我同爸Ｂ個名，而家問爸Ｂ叫咩名會識講Andrew，媽咪呢？就會指住膝頭話u-knees (Eunice)因為個音易記呱，總算叫識啦！

星期六一早慣常出街食早餐，妹妮今日第一次著呢條波波裙仔，上次買返來時她已在成堆衫中揀了呢件笠過頭。

今日一著起就同yayaGigi講‘SATURDAY’，可能知到有得去街！去街前例牌到我房玩一輪

因咩解究咁煩惱呀？

見到我影相總要過來close鏡頭

而家妹妮聽到‘go 街街’就好開心好興𡚒，如果話go街街後又話唔去就即刻會揼地扭計想喊！仲會自己去鞋櫃攞鞋（雖然未識著），bye bye 都bye唔切，頭也不回衝去㩒𨋢。

朝早去茶餐廳醫肚，妹妮最近鍾意食火腿。

今日係我媽咪的忌晨，眨下眼又多一年了，不過因為今日天氣勁焗，下晏去探太婆算了。本來跟住想去新城市個snoopy公園玩，點知去到就落雨了。唯有改去行街街啦，橫掂要買些堆沙工具星期四去沙灘用。

舊年買的太陽鏡雖然寫明兩歲用，但妹妮戴起已經好細幅了。試下靚呢幅唔靚先

見到大冬菇又走埋去八下

原來入面坐滿小朋友呢

去反斗城買堆沙用品

上次去海運時妹妮層經螺住要入反斗城，不過今日又無噃。

之後突然叫‘drink milk milk’，弊！見妹妮出門前先飲了一支，我地都無帶奶出街，就搵間餐廳食Ｄ麵，應該可以頂住的，妹妮睇餐牌想食咩？

好彩都食了半碗烏冬

反而為她叫的日式蒸蛋又無食過

攞住戰利品返屋企。

星期日朝早６點幾見電視話８號風將於短期內取消，真係無癮！想偷懶一日都唔得。唯有帶埋妹妮去玩一陣啦。

最搞笑係公公一早打電話比我問：又話今日掛８號既？

我：尋晚１１點幾掛左啦！

公：今朝７點起身都係３號吱嘛。

我：６點幾已經落左啦！

真係掛左都居然有人唔知！

廿一個月大喇！

不驚不覺又一個月了，又一步向走近２字（唔係廿字呀！）

膳食方面仍未有為減奶出過力，都係２餐粥，3餐奶＋生果，餅乾等零食囉，不過妹妮對snack興趣不大，只會咬幾口就算。而家２９點幾磅，９０ＣＭ高，可能身高拉長了，望落去一Ｄ都唔肥，幸好有Ｄ肉地。

以前一開花灑即驚到叫，呢幾日開始夠膽掂花灑水。星期日我幫妹妮沖涼時開花灑比佢試下，順便掹走沖涼盤Ｄ水，到Ｄ水走到一半時妹妮突然發覺，問what happen? water...gone！再加個雙手反起手勢，好搞笑呀！！

其實都忘記由幾時開始妹妮變得好多野講，一日把口無停過說話。除了上篇講過的句子，其實仲有Ｄ深Ｄ架，好似見我戴住太陽眼鏡就會話‘mommy...wear...eyeglass’。見我同爸Ｂ食飯會一邊拎頭一邊話‘mommy not yet’（未食完）‘daddy done do’（食完）。玩lego搞唔掂就叫mommy help you，因為未識分you 同 me。

不過呢兩塊puzzle都係net，妹妮就會叫右邊一塊做net，左邊一塊因為我之前同佢解釋係net，用來比波波go thru，所以佢會叫呢塊做‘ball ball...put...here’（？）

除了英文，其實妹妮都明白廣東話，只不過同yayaGigi都講英文所以講都係英文多。不過Ｄ熟飯仔的栗美，菁椒，分茄，牛yuk等都嗡得出！今日仲識講‘費Ｄ瞓夠啦’(快Ｄ瞓覺啦），而家成隻鸚鵡一樣，你講一句就照dub一句，尢其當我們大人之間對話時就成日挿咀又講埋一份！仲有而家有脾氣，一唔likey 就we wa鬼叫想扭計，好在暫時仍然好易控制。

７月summer school開學，yayaGigi話呢間學校好過之前一間，因為以前去的比較casual，老師都比好大自由學生，多數只係玩。而家呢間好似比較似返學，起碼playgroup 都要著校服。

而且對小朋友都嚴格Ｄ，想訓練他們獨立Ｄ。成日要排隊洗手，見yayaGigi抱住妹妮都唔淮，要妹妮自己排隊。好似今日妹妮跌倒，yayaGigi想去抱返起佢，通常呢個時候妹妮就會撒嬌喊晒口。但今日老師就叫住yayaGigi不要抱起妹妮等佢自己起身，妹妮本來都有喊，不過當老師陪她一齊坐在地上，妹妮就慢慢自己起身，而且即時停喊。可能要去到學校先可以到呢隻野蠻妹妮。

下星期學校更有field trip 去海灘，不過主要係去玩沙，唔係游水，我都期待跟埋一齊去呢！

週未無諚去

不經不覺做完lasik一星期了, 視野上的確等如戴眼鏡後一樣, 不過醫生話頭一個月眼睛可能用到黃昏時會乾澀到睜不開. 好彩我只覺得有點乾, 並不至於睜不開囉. 因為已經戴十多年隱形眼鏡, 每晚慣了八, 九點要除con, 而家到八, 九點, 因眼晴都有D澀, 所以成日想除con, 但一諗先記起已經無con要除了.

星期５同妹妮去飲茶，終於有機會著親子鞋了！

 

話說每逢星期六晚, 妹妮都會跟我們瞓. 今個星期六約了畢家三口同朋友一齊晚飯, 因為有康然bb一齊來, 所以想帶埋妹妮去等她可以同bb玩下, 但因為成8點幾先食而妹妮又慣了8點幾上床最後都無帶.

 返到屋企已經見一大隻豬仔瞓得冧冧的. 希望今晚她可以瞓到第二朝. 平日妹妮同yayaGigi一間房, 半夜就算扎醒都好快瞓返. 不過最近每個星期六同我們瞓都會半夜碌來碌去碌醒. 然後仲叫 milk milk要飲奶!! 雖然每次都可以飲晒,但 擺明要蝦我同爸b. 今晚亦無列外, 只係今次講 drink milk milk...我突然覺得妹妮已的說話能力又高了, 已經有動詞同名詞, 係一句簡單句子了. 其實她間中都會命令我呀, 爸b呀, yayaGigi呀, XXX sit down！ 等. 可能女仔天生的說話能力真係強d. 

 

因為真係太攰, 妹妮成日一腳伸埋黎,  半夜醒成個幾鐘先瞓得返, 我同爸B週未仲攰過平時返工. 今個weekend, 都無帶妹妮去玩, 只係去食下早餐同游下水, 沖完涼後妹妮已經會揀衫著, 問呢件, 答 no, 嗰件又答 no. 好彩靈機一觸拿起件polo t問, 都話no, 跟住我話有horse horse (polo標誌), 即刻轉呔話yes. 跟住仲指住都係著polo t的爸爸件衫講sheep (其實係鹿).

因為咪me公司又有event, 所以星期六返完工, 星期日都返了半日, 不過今次係姊妹公司re-opening, 有野食之餘仲有埋兒童corner比小朋友玩bb車, 同有小丑扭波波. 可能環境陌生關係今日妹妮居然一反常態無對波波趨之若騖噃.

下晏等黃昏游個快水, 妹妮著起前日買的浴袍好得意. 等𨋢時對住𨋢前塊鏡擺晒pose.

好淘醉自己個新做型... konichiwa!

平時yaya放假出中環, 都會間中買下d平平地玩具比妹妮的, 好似bb連車仔套裝, 髪夾仔, 一碟幾十集的低象度barney dvd等. 就係呢套dvd令妹妮迷上barney了. 而家每日都睇返一,兩集先安樂. 就算睇夠quota, 都開著聲當cd聽. 妹妮對barney d歌已經耳熟能詳, 識唱晒每一首! 今日yayaGigi放完假返屋企, 又買了新玩具比妹妮...係barney公仔呀!!!

妹妮見到時不能相信, 只呆站O咀! 然後先識叫 barney, b仔 (B.J.), baby bath (baby Bop), 開心過中獎, 之後一直攬住barney,

連瞓覺都一齊...真係頂佢唔順