黑色迪士尼

總算第一次真真正正去迪士尼玩了！這個香港迪迪尼都係因為有妹妮才會去，因此次次都帶埋妹妮一齊，似做苦工多過去玩。上星期四同同事自己去，終於有得玩了！

第一次搭迪士尼線，架車真係幾靚架。

去到硬係要影番張招牌Jack相啦

７點幾入到park，睇埋parade先去玩。黑色迪士尼搞了這麼多年，今年都係第一次去。

個鬼仔化晒鬼𤕸

睇巡遊

由於同海洋公園不同，可能要顧及小朋友關係街上無鬼嚇人，如果無入鬼屋其實同平時無分別。

排隊時又影下相，不過鬼屋入面都算有嚇人效果。

古堡都打晒燈有特別效果

第一次玩香港的space mountain，玩到頭髪亂了，癲婆一樣！

玩了幾次winnie the pooh都不知道原來winnie the pooh入面都有相機影相，等我次次去到呢個位都掛住對住塊鏡影相！

雖然小了妹妮小了個三十一磅沙包，不過一樣筋皮力盡。唉，老了

遊園記

近排好懶，所以而家才補返上星期的日記

妹妮最近常去公園玩，上星期日妹妮了去海濱公園玩，好涼快呀！

你睇而家玩滑梯好似馬騮一樣hang住的才tum一聲成個人戥落個滑梯sir下來

星期四朝約埋Adrian去九龍仔公園，以前我們都常去這公園的，不過自夏天後因為太熱已經無去一排了。見Adrian未到妹妮已急不及待玩住等。

妹妮對揸車特別有興趣，成日一見𧘹盤就要衝埋去扭幾轉。

Adrian來了！不過可能怕醜所以好似樹熊要媽咪抱

咪me同CathyＥＥ都帶了大相機，一於啄住兩個細路狂影，人家以為我們是龍友呢！

小休時間，拿出餅仔一齊食

不過貌合神離，可能Adrian掛住他的女朋友呀。

妹妮仍然熱情鍚鍚

跟住媽咪唱歌，公園即時變disco，兩個細路起勁跳舞

舞姿好似跳緊 a-go-go

玩了一個鐘到妹妮開始扭計了，於是返屋企喇，臨走妹妮big hug Adrian！

星期五朝，到爸Ｂ上山跑步，見天氣開始涼我同妹妮又去陪跑

整片草地，妹妮已經習慣踏草地行了，仲一Ｄ都不怕花草

成日去摸Ｄ花花草草呢

離開時要落百級樓梯，妹妮可以行到十多級呢。

秋季大旅行

時光倒流返上星期五（妹妮生日前一日），本來我們下午便要去迪士尼了，偏偏學校揀中今日去迪欣湖玩。咪me真係好想一齊去，不過無理由來回兩次大與山架，所以由yayaGigi單拖帶妹妮去算了。

妹妮一向都係'teacher's pet'，老師好鐘意妹妮架，不過基於大隻妙一日比一日重，而家老師都好小抱妹妮了，你睇抱得幾辛苦！

成日聽朋友話迪欣湖好適合小朋友玩，不過一次都未來過。睇番yayaGigi影Ｄ相好似都幾好玩吖！妹妮最鐘意玩水，一玩就丫晒口。

今次算大規模，因為平時旅行只係夾埋上下午兩班同學仔，仲要分一，三，五班同二，四班，所以通常頂多得十零人。今次就同埋Nursery，Ｋ１，Ｋ２Ｄ同學仔，算係大型活動了。

同一班細路一齊玩得幾開心？白衫藍褲的細路係Ｋ１以上學生，不過size同妹妮差不多咋。

玩完水換過衫打韆鞦

通常玩到一半都有snack time，休息一下

食得滋味之餘又𥄫下同學仔，你睇妹妮食得幾有儀態，隻手指尾豎起架！

踩單車

妹妮，點解你一個人好似好悶咁呢？下晝咪me帶你去迪士尼再玩過！

其實學校的旅行每次都係去兩個鐘到，玩得一陣就要走，看來我同爸Ｂ要再帶妹妮來呢。

＊＊＊＊＊＊＊＊＊

順便post返小小上星期影落的相片先。

妹妮對隻zoe好好架，可能同zoe size差不多高大，又攬又鍚。你睇妹妮個魚嘴

雖然zoe已經謝晒，不過妹妮仲未玩厭

呢兩年都無正正式式買份生日禮物比妹妮，之前諗想買Ｄ有紀念性的禮物如鍊嘴第...不過懶人當然未去睇過，撞啱之前訂的boot在生日前送到，就頂住先啦。

妹妮好恨著boot架，之前去旅行買對水靴一直未著過，不過一見到就猛叫boot boot呀想著。今次見到對新boot都係勁興奮，即時著番夠本週圍行！

生日之旅＠迪士尼２

舊年件浴袍太大件著不落，今年可以著了，仲有妹妮私家拖潻！

成個大班一樣！

今日正日生日，birthday girl扮得靚！明明今日都係咪me生日，不過好似無我份一樣，一切心思都比晒妹妮。

落樓食早餐，舊年來食早餐妹妮一見到Ｄ卡通人物就喊到爆，我們要搬去老遠之外坐！事隔一年，見尋日都有同Ｄ人物握手，見高飛離遠行埋黎又大叫groffy! 點知高飛行到埋黎又驚到手都即刻縮！

你睇妹妮幾緊張？膊到縮埋，高飛見佢咁驚自己都扮個慘樣

勉強可以同pluto影相，不過都係怕握手，摸下都驚

可能warm up 了又可能最認得mickey，握手影相無問題！

反而見到daisy最開心，可能daisy見妹妮著芭蕾舞裙所以扮跳舞，妹妮仲同daisy 一齊扭扭拎拎，仲鍚daisy個嘴呀！

早餐後返房等check out，妹妮可能尋晚未夠瞓飲飲下奶就瞓著覺豬，一覺瞓了兩個鐘！不過最後都被爸Ｂ摷醒，搞到好moody。

再入樂園玩過！

哈！尋晚撩妹妮玩個姐姐仲因為妹妮條裙仔而認得我們，嗌住我們打招呼呢！

上次好驚的winny the pooh，今次會點呢？

一樣好驚，猛叫mami wee wee，唔通真係驚到想wee wee?

跟住玩木馬時見到姑姐Pauline同姑丈Simon，因為Simon明天生日，我們專程叫他一齊慶祝！連嫲嫲都黎埋。有Simon就有得影靚相。可惜出門時忘記帶化𤕸品，天氣又熱又勁晒，搞到自己成個賓賓一樣咁黑，直情黑到呤！不過妹妮上鏡就得了，自己其實係配角呢。

去玩小飛象，象係妹妮飛佛之一，佢好鐘意elepant架！

自製合照，影得幾自然！不過爸Ｂ投訢自己被遮住了，點解我仲話呢張相幾好，哈哈！！

前面就係姑丈，同姑媽，嫲嫲喇。

再玩木馬，今日共玩了３次木馬呀！

實在太熱，成個人都無晒mood，就快溶喇！於是入鋪頭抖下涼過下冷河。點知妹妮即刻睇中頂帽要試戴，成頭大汗比佢戴完仲駛賣？

傻豬妹仲要‘close’將帽笠住塊臉

真係太熱，於是買個米奇米妮橡根幫妹妮扎辦仔，涼快Ｄ。

妹妮同simon，pauline

其實自妹妮歲半後都無再去過樂園，上次睇金裝米奇時驚到一開場就要走人。今次仲弊，今日妹妮好驚入室內，可能瞓唔夠所以好扭計成日要抱。入場後未開場就喊定mami wee wee先，最後都係要走人無得睇。

出到去見呢Ｄ咁嚇人的南瓜反而又唔怕

呢兩日仲愛上popcorn潻，不過好大方除自己食都好肯同人分享。

食得幾滋味！

話比妹妮知去ride the boat，即刻好開心，排隊其間又懶鬼馬扮cat cat sleeping

上船了，bye!

之後同pauline等分散各自玩，我們便去了小小世界，妹妮又莫明奇妙的驚喊。今日可能真係因為摷醒佢搞到唔夠瞓，抱到我手都酸軟晒。後來去玩水水先肯落地自己行！

有水玩最開心！要行要走要跳都得！

跟住見到wendy姐姐，妹妮當時已用晒成日精力，攰到爆。我們傾了一陣便返屋企了。

雖然妹妮好攰，不過返到屋企仲等埋爸Ｂ咪me個外賣pizza陪埋我們食先肯瞓，真係好乖女呀（係咪我諗多了？）

不經不覺第二年同妹妮一齊過生日了，今個生日好似上年一樣都係迪士尼過。雖然唔係話好大事慶祝，而且好似擔完兩日泥一樣攰，不過有妹妮一齊過真係好似有意義得多呢！妹妮，你大個女了，兩歲喇！希望你都滿意爸Ｂ咪me的式心真安排啦，最後再祝你我生日快樂，身體健康！