星期五有節目，我地去澳門玩呀！雖然澳門咁近，但係我地好小去，同爸Ｂ拍拖都無去過，只係有次佢公司trip跟去過，同埋兩年前自己公司trip去過，再對上去玩都成十多年了。諗左好耐帶唔帶妹妮去好呢？因為諗住帶Ｂ車，去到一定行到隻野咁，帶埋妹妮實好攰，加上會去睇ZAiA，如果妹妮驚，咁點算？又加上天氣報告話weekend會落雨，點好？星期四仲係同yayaGigi講如果好天就帶埋妹妮去啦，yayaGigi話咁妹妮要pray for her good friend Mr golden sun to come out。點知一早起身個天好到不得了！仲秋高氣爽咁，點有籍口唔帶佢去呀？？
下晝搭兩點船去澳門，去到碼頭先同爸Ｂ會合，見到爸Ｂ妹妮興𡚒到又叫又跳-_-"
又自轉
因為上晝返學，又未瞓晏覺，上到船唔夠十分鐘就冧低左
一覺瞓醒己經去到威尼斯人酒店，妹妮居然話disneyland，我諗因為呢度Ｄ裝修有Ｄ似之前住過的迪士尼酒店，所以佢以為去左disneyland呀！開心到跳起！
個透明磅咁得意，順便同妹妮磅下，原來無點重過呀，都係得３３磅到。
又影張全家幅
差唔多６點我地要出去食飯了，不過８點要返到黎睇ZAiA，事前對澳門無點做過資料搜集，係聽過朋友話邊度邊度好食，同埋睇阿蘇介紹過而己。本來諗住出去黑沙環食法蘭度餐廳，不過問過人車程會遠Ｄ而且見到條的士龍好長。。。
最後近近地去左官也街算了。
上網搵過最近氹仔只有呢度，不過心水想食的其實都要過橋。黎到食咩好？我對水蟹粥無大與趣，其餘兩間大Ｄ既餐廳係好細個時已經出名既木偶同小飛象，但係呢幾年又無聽人講話好食。
於是求其揀左食水蟹粥，諗住妹妮有得食下粥仔啦
是日晚餐，因為一坐低就有客來電話，都唔知爸Ｂorder左咩。呢個黃金蝦好味，勁多咸蛋黃
荷葉冬菇蒸鷄就普通Ｄ，另外水蟹粥Ｄ水蟹肉好甜，不過粥又係普通啦。
個西蘭花鮮魷都ＯＫ好味，點知妹妮只肯食幾啖咋，反而咬左啖黃金蝦，但係就唔鐘意Ｄ咸蛋黃汁。
之後去埋Ｄ人話好出名既晃記買手信（其實係自己食），妹妮率先拆來食試味。
爸Ｂ話呢間好似老治號又買過
未出去食飯時妹妮已經知道今晚會睇show，仲差Ｄ唔肯出街，猛話I want to see the show, I want to see the show！因為我地驚妹妮入去睇表演會驚，於是一早爸Ｂ就話個show會有哥哥姐姐走出黎跳舞唱歌。最搞笑係食緊飯時佢話 : boys and girls come out，and everyone clap hands。
就快開場了！
入得喇，入得喇！
好似有Ｄ緊張呀，我地驚妹妮會驚或者喊呀
點知妹妮除左開場前有兩個好似小丑同joker物體走來走去大嗌時要爸Ｂ用手遮眼外，成場都無驚！仲無hub眼瞓睇足全場潻
散場了！爸Ｂ的同事見到妹妮圍實晒，成個小明星一樣呀！
本來開場前有Ｄ例牌幫你影張相散場時取的，妹妮仲坐上了單車影的，不過＄298先買得番，最弊係張相影得out-fo。本來構圖ＯＫ，加上妹妮有望鏡頭影架，最後都無買到，最蠢係無用相機影低張相呀！！！
完場時有Ｄ波波重天而降，我地坐那邊一個波都無，好彩有個姐姐送左個比妹妮
返房了，呢間酒店Ｄ房真係唔錯，有兩層，夠晒大！
要覺覺豬了，good night!
