Rock it baby!

中了barney毒，更迷上barney vcd入面的四眼仔stephen！不過妹妮的迷並非少女懷春的迷，而家成日話自己就係stephen。。。自從見stephen在其中一集做rock友，就開始連自己都想做埋rock 友一份。。。

話時話，妹妮的動作表情真係好堅，交足戲！真係成個好rock的rock友一樣！

你睇佢個樣幾肉緊！

有晒姿勢架！

擘晒腳彈結他，不過個結他就無聲，主要係由妹妮自唱 -___-"

真係好rock呀，家駒都要行埋一邊呀！

好難頂呀！！！覺得妹妮第時大個會變成杜如風一樣，瘋瘋癲癲呀。

你睇妹妮返music班時，都自己企晒出去中間架，問你頂唔頂得順！留意下佢跳舞時兩隻手仔郁下郁下, 其實係扮緊馬騮仔架.

探探表妹Ashley

又多一個新成員了，因為妹妮又多一個表妹了，而家做大表姐！

去探新表妹前一日我們去了醫院，因為太婆入院了，幸好不是大件事，住兩晚後已經出院。妹妮去到醫院因為年紀太細未能探病，只係同太婆問候了幾句便同爸Ｂ出外面等。自從妹妮睇過上篇blog那video入面本auntie ann書，知道去探病可以帶好多不同東西，於是當我們話今日去醫院探太婆時，妹妮居然識話we need to bring something to hospital！睇書真係學到野，難怪細細個成日聽人講書中自有黃金屋。。。我要買多Ｄ書比妹妮睇！

有幾張上個月影的相順便登一下。。。沒有yayaGigi的日子，我們無飯開，叫老麥算了！

妹妮飛佛麥樂鷄

星期日我地一早去飲茶，今次趁去探表妹我們順便試下姑姐樓下間酒樓。去到商場見到有車仔妹妮即刻話要揸車，可惜我同爸Ｂ都無５蚊銀，所以無入錢，淨係比妹妮坐上去。。。點知爸Ｂ不斷的‘傲’架車，行過的人都以為我地想慳錢玩人肉電動車！

妹妮揹住個新袋仔，著住新鞋仔，係睇佢幾神氣！

去到姑姐屋企第一次見表妹，妹妮好有愛心又好鐘意ＢＢ，成日拱住表妹。

摸下腳仔，爸Ｂ話佢知佢細個時雙腳仔都係咁細架，唔知妹妮真係有愛心定係見ＢＢ細細個貪得意呢？

連換片片都無錯過，妹妮問why BB don't go to the toilet? -__-" 我地一邊解釋妹妮聽佢ＢＢ時都係在片片上wee wee 同poo poo架。

以前細個，見爸Ｂ抱起表弟都會呻唶，而家大個知道爸Ｂ永遠最鍚佢，就算爸Ｂ媽me抱表妹都無扭計！

妹妮ＢＢ時雖然係中size B，不過印象中好似比表妹大舊一Ｄ。

爸Ｂ就話每次抱起初生ＢＢ都諗起妹妮ＢＢ時有幾細粒有幾得意。

到媽me抱ＢＢ時，妹妮居然當ＢＢ係平時玩開個ＢＢ公仔，一手想搶去抱！仲問can we share? 然後雙手已經想抱走ＢＢ。真係驚佢好似之前係學校幫ＢＢ洗頭個條片咁粗手粗腳呀！

妹妮好乖，臨走仲有鍚鍚表妹同姑組姑丈。落到樓下見到有滑梯當然又無放過啦！只要一聲I want，爸Ｂ又點會say no 呢？爸Ｂ前世一定係欠了妹妮的。

２Ｙ１０Ｍ

嘩，就快３歲了！！要快Ｄ食多幾次buffet先得，好多酒店３歲以上要收費了！你知啦，妹妮高人一等，相呃人話未夠３歲可能到時無人信呀。不過而家已經無定時定候度高磅重了，只覺得佢個人高左拉長左好似瘦左

仍然係３奶兩飯，其實想戒早奶，不過通常都食好小，如果返學又好難無野食捱成４個鐘（包括車程），結果又係飲住奶先。

睇完上面Ｄ相，都可以想像妹妮既志願係model了！不過其實佢未有志願架，只係yayaGigi叫佢擺甫士，佢就自動擺手擺腳罷了。

其實個個月都一樣的過，不過較明顯轉變可能係開始有自己脾氣，成日‘I don't want，　I don't like’仲要推開你。。。叫佢去沖涼佢仲識叫你‘leave me alone’潻！都唔係邊度學返黎，有時一唔鐘意就喊潻！

而且開始霸道，佢唱緊歌你又跟住唱都唔得，會叫你mami stop singing，only I sing!

 -__-" 真係比佢足到啤一聲！

雖然大部份時間都算聽話易教，不過扭起計黎都好黑心憎架。當然sweet起上黎就冧Ｃ人啦！

仲有今個月正式識扭開房門個鎖了，以前關了門佢只可以叫‘knock knock’手口並用叫我地開門，前幾日居然自己試扭個門鎖而且成功扭開！仲好proud咁要關多一次門再開過。而家朝朝都自動波開門入黎叫醒你。最抵死係你咪埋眼佢居然摵起你兩塊眼皮叫你wake up wake up。

買個袋仔番黎，佢即時揹起話自己去work（好似平時媽me返工一樣）

又成日著上媽meＤ鞋，咯咯聲行

好在妹妮好鐘意睇書，而家Ｄ書睇到熟晒，可以叫佢講番晒出黎比我地聽。希望妹妮呢個興趣可以持續下去，我要買多Ｄ書比佢睇先得喇。

上星期爸Ｂ帶妹妮去香港公園，嘩，有雪糕食呀！

本來想帶佢去玩下水，點知見到個瀑布就驚到唔敢走埋去。

唯有遊覽下公園算了，去公園走下好過成日去shopping mall，起碼接觸下大自然嘛。

下星期就開學了，做K1仔，把握今個星期，希望可以開學前可以再安排小小節目比妹妮玩啦。