10。10 十全十美婚宴

 

上星期日 十.十日, 係我家肥貓大肥同Emily EE生日, 我地仲有得去飲潻!! 今次妹妮都有被邀請架. 不過大懞媽me一直都無留意原來今日係一個十全十美的日子呀. 原來一對新人(及好多其他新人)係特別揀今日結婚架.

有得飲呀, 妹妮第一次去'飲'架, 上次去婚禮都係田園part形式, 唔係'飲', 今次去酒店'飲', 緊係著靚d啦, 今日仲用埋新手袋仔, 妹妮自己執書包架, 自己擺左兩個mickey同minnie頭飾再放埋水杯入去.

你睇個樣幾認真? 揹起個袋仲話 i go to work -__-" 頂佢唔順!

無人幫我地影全家幅都難唔到我地架.

去到酒店, 今次去飲係下午黎架, 我自己都第一次晏晝去飲架. 妹妮自己指定要著呢對金色鞋. 佢對每對鞋都有一個稱號, 多數以顏色而定名, 呢對叫golden shoes...呢, 仲有對紅鞋仔佢就叫做 little red riding hood shoes -___-"

睇下妹妮靚唔靚妹呢?

獨照

 

爸b影得遠到死, 連様都睇唔到

上到大堂見到新郎哥了, 妹妮自從bb十幾日大時見過呢位哥哥之後都無再見過面了, 一別差不多三年, 而家識握手同人social了.

祝新郎同新娘早日生番個肥白bb, 妹妮又多個朋友仔了!

我地去到reception劃位時, 聽到我地講中文名就大叫 :我叫劉祉瑭呀! 妹妮返左新學校一個月之嘛, 佢d廣東話進步神速, 有時會話 mami lets speak chinese, 然後一輪咀講廣東話. 有時我懷疑係佢語言天份高定係平時都有聽到我同爸b講, 經學校老師逼住要講就一觸即發? 如果係前者, 我就要嗱嗱聲幫佢報多幾科language喇.

趁仲有小小時間同新郎影相先

入場坐低了, 見到大人拍手, 佢又學人拍手

一對新人進行簽紙同交換戒子儀式.

妹妮見大家都拍手, 仲叫埋我 : 拍手啦 mami!

真係戥一對新人開心, 諗番起我地D朋友都結得七七八八了, 可能有排都無得去飲了.

迎賓時派的曲奇餅, 到妹妮拎出黎我先留意到10.10.10 呀.

下午婚宴係食lunch buffet, 妹妮主要食炒飯, 跟住食西瓜

之後當然坐唔定周圍走啦!

手袋仔袋左d小發寶, 妹妮玩下袋出袋入, 主要都係撚下個新手袋啫

返屋企了, 妹妮同Evan叔叔好friend架, 細個時見到陌生人都驚, 但係見Evan叔叔都無喊架.

10。8 爸B生日

 

十月真係多喜事呀, 我地一家又不停的慶祝完又慶祝! 星期五爸b生日呀. 本來叫了yaya唔好煮飯, 打算同爸b出街牚枱腳，點知老人家又話放工好攰，於是又係叫外賣。

不過既然生日無理由咁平凡食番平時成日叫的茶餐廳，於是今次試下dial a dinner，以前都成日上佢地個網睇下有咩外賣叫，因為好多餐廳都有join，不過今次至係第一次叫外賣。

不過等左成個鐘先到，好彩我地一早就落單咋！趕得切妹妮上床覺豬前開餐。

今次叫了EXP，之前去又一城食過都OK，而且價錢唔貴。Dial a dinner只係收番加壹價錢就外賣到屋企，都算合理呀。

妹妮覺豬後我倆就出動去攞蛋糕，因為餅屋d order滿到寫，如果我遲一日落單都接唔到我張單，佢地個雪櫃爆廠所以一定要我今晚拎走。去到見到有麵包超人cup cake，仲要係爹地同Aerin cry！！

（妹妮安左麵包超人個名做爹地架，佢自己就係細菌小子，佢叫Aerin cry）D cupcake咁靚即刻想買比爸B做生日蛋糕呀，因為聽日party有蛋糕食，今日無理由又買多個蛋糕啫。不過師傅話只有daddy有做多可以讓一雙比我。爸B話個cup cake 咁靚等埋妹妮先食啦。

 

最後要等到妹妮第二朝先有得食, 不過又點捨得唔等妹妮見下個咁得意既蛋糕就食左落肚吖.

*************

 

今個月開始有功課了，每星期一板紙, 例如教過紅色同圓形及藍色/方形, 就填番顏色. 暫時尚算易做. 妹妮揸筆都似模似樣, 不過成日隻手就油緊色, 個頭望左去另一邊

 

Vikki姐姐因為黎唔到生日會, 所以提早比禮物妹妮. 妹妮又有新手袋仔呀.

 

妹妮詁 : thank you for getting me the present mami. 噢, 唔係我買架, 係Vikki姐姐買架!

 

呢排玩playdoh, 有日按妹妮要求整左大象兩隻 (dumbo 同媽咪) . 一見到仲忍唔住要錫啖小dumbo潻

 

 

跟住強逼媽咪同dumbo要攬住企

 

玩左成個下晝, 仲要輕摸dumbo, 真係有愛心到極點呀!

 

10。9 妹妮三歲生日會 之 公主駕到

妹妮就快3歲喇! 我地早一個星期六 (10月9日) 開了個生日會. 又係蚊型生日會, 不過今年多左好多小朋友呀, 熱鬧好多!

 仲有今年妹妮因為屋企個now tv裝埋disney channel而迷上mickey mouse clubhouse, 所以就用mickey and friends做主題, 訂左好多氣球呀. 最鍾意係呢個minnie walker, 本來諗住訂兩扎bouquet算了, 不過有日比妹妮見到我部電腦入面有晒d氣球既樣, 就順便問下佢鐘意minnie定 mickey. 佢就長篇大論話 I'm a girl, minie is a girl, mickey is a boy, i get minnie. 就係因為男仔,女仔就揀minnie, 於是把心一橫訂埋個walker囉, 其實初初係想用個minnie walker做bouquet, 好似舊年個zoe bouquet咁, 不過老板話叱呢個太大, 要單獨企架.

party上妹妮一尾繞住minnie手周圍行, 真係無買錯呀.

好鐘意妹妮套衫呀, 條裙仔好靚呀, 係EE sponsor既, 件3歲top就硬係我訂架啦!

呢兩個bouquet都好靚, 不過拍埋minnie walker度就遜色左D了.

小朋友陸續到場, 因為有好多氣球, 好似大家都幾happy咁, 我地無請專人搞遊戲呀, 個個都仲咁細都未識玩， 有波波d小朋友已經有野玩， 同埋印左d coloring page，帶左d playdoh去比佢地玩. 不過細路始終都係見到波波就興𡚒，JJ直情當Minnie係公仔，成個人撲左埋去一齊扑低左幾次！

有個台仔, 個個上晒去, 好似大家都有d表演欲咁噃. 你睇佢地d表情幾肉緊! 好似真係表演緊咁，其實係各有各自己玩緊。

同d朋友仔影下相先, 妹妮真係好愛minnie 呀

我自己就成日走來走去, 間中同朋友傾下偈, 都無點同妹妮玩過潻。亦都唔知做左d咩, 總之就係騰來騰去啦.

爸b就周圍同d小朋友玩. 抱完一個又一個，抱下表妹Ashley

仲玩飛b潻!　ＪＪ而家唔怕飛了

小朋友去玩既同時大人就食下野，今次都係自家製再加外援pizza兩個。

幕後功神係yayaGigi包辦煮野食，Emily EE 都煮左碟個個都激讚有街邊feel既咖喱魚蛋牛丸。

今年多左幾個小朋友呀, 有Winny a pooh 姐姐

 有阿Phil

舊年生日會都有黎架, 不過仲係媽咪肚入面既Ellie

行行都多左個妹妹呀, 不過得兩個星期大所以無黎呀. Gynweth舊年仲係bb, 今年大個女可以食蛋糕了！

大家玩完一輪後突然．．．公主駕到！！！　大家都有ｄ驚嚇　講真我覺得幾難頂架，不過妹妮開始鐘意女仔玩意，咪買條公主裙比佢玩下囉．估唔到呢條４－６歲居然fit 到冚，個個都以為係改過架

跟住蛋糕出場，Mickey mouse clubhouse蛋糕呀！個個都好鐘意呀．

場面登時好虛冚呀

Wendy EE仲話結婚都無咁多人影相呀！

睇黎妹妮都好鐘意咁噃

我地三個影番Ｄ相先

舊年個蛋糕就好睇唔好食，今年再search時就揀埋要好食先得。

妹妮出盡力去'符' ｄ爉燭

可唔可以去左D眼袋呢？

今年識自己切蛋糕了！

跟住我地移去台上比小朋友企得好ｄ，影小朋友大合照

跟住大人都一齊影，最後可惜因為太多人又太多部相機影唔到大大合照呀，又唔記得帶腳架！

於是逐家影group photo算了，排位不分先後

Hilina & Hadden's family

行行同爸爸媽咪，啱啱生完妹妹既媽咪都比面出席，多謝晒！

JJ & 媽咪

思行﹠媽咪

Gynweth & 爸爸媽咪

Phil & 爸爸媽咪

表妹Ashley & 爸爸媽咪

表弟Alvin & 爸爸媽咪

嫲嫲一家

EE ﹠舅父德，因為公公去了張家界旅行所以缺席

仲有妹妮最愛的YayaGigi

影晒合照後發覺漏左兩個專情黎生日會既姐姐居然無影相！！！真係大意呀， 如果影到大合照就非常非常好了！！！

今次個蛋糕似孚唔錯，朋友們都話好食，而且入而D芒果肉真係好甜，下次可以再考慮幫襯過。

今年比小朋友d小禮物用左北海道六花亭d紙袋，因為之買左好多朱古力所以有好多呢d袋仔，啱晒用！

玩到5點幾朋友仔先開始陸續離開，多謝晒咁多位比面來臨，同埋咁多禮物！

多謝晒，希望你地玩得開心啦！！

P.S. 我專登做了呢張卡想比朋友帶走，但係居然唔記得派！激屎！