3Y3M

1月17日妹妮三歲三個月了！

3Y3M生活習慣都無點變，都係3餐奶加兩餐飯／麵。有時仲要yaya餵，遇到鐘意食的會好雀躍自己食。而家仲識自己去厠所，首先打開厠板，放上墊板，退下褲仔自己慢慢‘tun’上坐厠，仲識自己抺抺，之後沖厠再去洗手。睇住佢自己做晒成個過程真係覺得佢大個女了！！

之前的17日經常要返工無得同妹妮慶祝，今次終於得閒帶妹妮同一衆睇住佢大既姐姐去擦tea buffet

未坐低已經走出去攞野食了

都未食熱盤，見到雪糕枱就話要食雪糕，連後面個廚司哥哥都另過黎問佢咁快就食雪糕？妹妮居然無膽怯點頭話係喎

幾個月無見，都認得Vikki姐姐

仲有以前差不多每逢weekend都會係公司拖住妹妮既Oli 姐姐

而家食buffet會自己揀食物架

Oli姐姐帶佢攞野食

一杯唔夠話要攞夠兩杯

今次好好呀，妹妮免費呀！我初初以為妹妮已經要比錢，不過叫餐茶時個姐姐話妹妮3歲唔收錢！

嘩，仲有禮物呀！有公仔又有貼紙呀

成班朋友得閒茶聚好happy 呢

可能妹妮D記憶力可以追朔到年幾前，仲記得以前Oli姐姐成日湊住佢，而家好自然都成日拖住Oli姐姐架。

隔一排我地又再聚過喇！

甫士王 - 首次入戲院挑戰成功!

呢幾個星期得十度, 什至更低, 於是醒起幫妹妮買番d特厚有內膽的褲仔, 順便為我地新年日本之旅做準備, 可以去旅行時著埋. 呢條因為有fleece內膽, 著起成對象腳咁粗!

好似瘦身男女扮肥婆咁

yayagigi趁妹妮專心睇disney channel時影的, 心形手仔

睇得幾專心! 睇到吖大個口，被影相都你無你咁好氣

又係yaya傑作, 妹妮擺甫

幾嬌俏!

1月15日 妹妮終於正正式式入戲院睇戲了! 上次想帶妹妮睇戲好似係暑假了, 好似係toys story 3, 不過最後因為時間唔啱無睇到. 今次一早去買定飛架.

登登登戥! 妹妮第一套係戲院睇既戲就係 <借東西の小矮人- 亞莉亞蒂>

自從妹妮睇過龍貓之後就愛上了龍貓, 有次妹妮見到亞莉亞蒂個廣告居然認得D公仔係同一阿爸畫出黎, 問我係咪Totoro. 於是諗起不如就用之前買落的兩戲票, 趁我星期六返工叫爸b帶佢去睇戲啦

一路睇戲仲有爆谷食, 返到屋企都講得出套戲講咩架! 第一次挑戰成功! 不過都預左佢唔會驚啦, 佢又睇過Elmo show又睇過zaia, 雖然黑媽媽都唔係好驚啫.

不過飲奶奶仍然要扮bb比媽me抱住呢!

沒有爸媽的日子

1月第一個weekend，爸B要出差去澳門，本來我想同妹妮跟埋去玩一晚，點知公司又有搞作，累得我星期六，日都要返工！！

不過明星出場！

本來叫yayaGigi星期日留低湊妹妮啦，yaya又想返教會，問我比唔比帶妹妮一齊去。。。其實佢成日都話D朋友好鐘意妹妮，因為佢個個星期都同D朋友講一切有關妹妮既事。既然之前都去過佢個教會，D人都好正經，而且有好多不同人種，所以就等yaya帶妹妮去一日街街見識下啦！

妹妮仲有禮物收潻

妹妮番屋到企仲記得佢同yayaGigi去街搭左mtr同tram。呢個哥哥係當日照片出現最多，應該係成日招呼妹妮定了。

去到教會都痴住個哥哥，其實哥哥有三兄弟，係英國加菲藉混血，初初睇相時仲以為佢地係印度人潻！

妹妮好似幾開心吖，無去到陌生地方見陌生人而怕醜

同yaya D教友影相都無扭擰

不過yaya話當妹妮見到呢個黑到令既黑人時，O晒咀，差D想問點解佢咁黑。後來有個教友叫妹妮去摸下佢，妹妮就伸出手去摸，好似當佢係腊像咁。你睇妹妮D眼神其實好似有D怯咁呀

妹妮個樣幾搞鬼？！

yaya話除左油顏色，妹妮仲趁講道時覺豬左成個幾鐘！

妹妮好似幾受歡迎噃，好多人都攬住佢影相呀

放學後去埋pizza hut食晚飯先番屋企

三兄弟的爸媽

原來pizza hut有兒童餐架，妹妮見三個哥哥都有食鷄翼，自己又有樣學樣食埋一份

仲有啫喱糖潻

食飽飽擺甫士比人睇，肚腩仔都脹卜卜

嘩，原來yayaGigi仲專登搵件衫同妹妮襯埋架！