復活節假期第一日, 一早去同妹妮下水, 咁啱我有件新波點泳衣, 妹妮見到後話佢條褲仔都有dot dot架, 一齊影番張相先啦!! 兩套泳衣雖然唔一樣, 但係拼埋又幾襯噃!
本來比個google佢等佢可能試下伸個頭入水, 點知佢戴過覺得睇野唔清, 反而唔肯戴
今日有個5歲大女仔同爸爸一齊落黎, 妹妮熱情地猛跟住人, 又話要同人玩, 搞到人地個爸爸要揍埋妹妮一份
後來大姐姐Samantha一到, 妹妮就大嗌SAMANTHA! 之後轉呔跟住姐姐玩了, 不過姐姐佢地大個好多, 鐘意玩跳水, 妹妮就得個睇字, 玩左一陣就話要返屋企了
黃昏再出動, 帶埋妹妮遠征到西貢去同事屋企house warming
因為呢度有兩隻狗狗呀, 等妹妮玩下狗狗啦
估唔到佢鬼咁大膽, 一手抱起狗仔, 反而隻狗驚過佢!!
兩隻狗狗係bubble同cooper, 妹妮摸完一隻又一隻, 一d都唔驚!
呢d係我地夾份既housewarming禮物喇, 好靚呀, 係門頂黎架
人未齊我地最早到就上厨房準備一下食物先
Vikki 姐姐
好彩帶左d顏色筆同畫簿比妹妮消磨下時間啫, 妹妮正畫緊隔離既Tino哥哥呀
妹妮真係幸福架, Oli姐姐特別為佢一個整左杯私伙桂花糕呀
Winny姐姐仲買左釣魚玩具比妹妮玩呀, 可惜要羅絲批先開到電池位, Winny帶妹妮去搵個羅絲批先
主人家居然摷均間屋都搵唔到一個十字批
大家轉移視線去書房搵野玩
都係開部wii玩算啦
妹妮第一次玩wii 呀, 好快學識碌齡了
因為今晚除左bbq, 就係海鮮, 仲要生食既, 於是煮定d腸仔比妹妮醫下肚仔先
大人都開餐了, 我地叫左生蠔, 翡翠螺, 麵包蟹, 加菲蟹, 三文魚, 仲有bbq牛扒, 黑豚肉眼扒, 羊架, 鷄翼等
今日成日好好天, 偏偏派對前夕落了一大場過雲雨, 食完海鮮又啱啱好雨過青天! 本來要改為煎扒而家又可以透爐bbq了, 個個又走晒出天台
最正都係Oli姐姐既home made 藍莓cheesecake!!! 妹妮食唔到生海鮮, 不過都有食下蛋糕, 桂花糕等
不過妹妮唔係好恨食了, 因為佢遇到呢位俊男Tino哥哥, 妹妮成晚撩佢玩
成晚就叫住Tino Tino咁, 真係冤氣. 人地又要比面埋下你
好彩Tino又真係好有耐性同心機應酬妹妮
搞到妹妮成晚嘻哈大笑， 走來走去。連Oli 同Vikki都吃醋，話妹妮同佢地都無試過玩得咁開心架
跟住Tino跟到出露台呀, Elaine姐姐都話估唔到同老公之間既第三者只係個3歲半既小妹妹呀!
Oli同Vikki都要捉住妹妮影相, 原來妹妮重色輕友, 雖然同佢地咁熟, 但都無對Tino咁熱情
不過都肯同姐姐們影相既.
玩到十點幾, 我地返屋企先喇, 妹妮續個kiss完先走, 仲話再黎玩過潻!
臨走梗係要錫啖最鐘意既新歡啦!! 妹妮一上到車即刻9秒9瞓著左! 第朝一早起身仲同yayaGigi講Tino哥哥, 又話佢地一齊玩, 又話好開心...真係難頂!
