3Y7M

妹妮3y7m了, 前幾日度過, 而家大隻妙成108cm高喇! 套夏季校服再拎返黎著都已經短過膝頭了.  今次不如講下佢d搞笑野吖

日常係屋企佢最鐘意都係聽下故仔, 睇故事書! 每次聽完一次都話 '又黎過' 要聽多次. 近期最鐘意都係公主故事

有次聽cinderella故事聽到heartbroken一字, 猛問咩係heart broken? 我指住個心話係好唔開心, 個心好唔舒服, 唔係個心真係broken. 點知佢keep住問左起碼7,8次, 都係話個heart crack一聲碎左 (加埋個用力揸埋拳頭既手勢-_-"). 講極都唔聽, 吹漲~!

又有次, 都成幾個月前了, 佢見我掃煙脂化妝, 就話我搽cheek shadow...真係有創意! 但係佢又講得啱噃, 搽眼叫eye shadow, 搽cheek cheek咪係cheek shadow囉!

而家好乖架, 見到我d有色唇膏會話呢d有色既唔係細路仔用既, 見到我地把拉尺又識話細路仔唔玩得架. 知唔知都?

因為妹妮愛心爆棚, 成日話自己係媽咪. 佢而家叫我做bb, 每朝一早起身走埋黎我床邊話佢會係床邊陪住我. 當yayagigi叫佢出去食早餐佢就

妹: 我要出去喇, 你驚唔驚?

我 : 唔驚

妹 : 你驚?

我 : 唔驚呀

妹 : 驚呀? 我一陣就入黎再陪你啦, 知唔知都?

激死!

除左我, 佢仲有好多bb架. 一堆擺晒係床上面, 由初初3隻加到而家6隻. 佢成間中就會成日都抱住同一隻話 I'm taking good care of my babies -____-"

母親節

母親節

 

啱啱剪左頭髮, 妹妮一見到即刻將我個頭 '另' 向爸b大聲叫 'le 太' (你睇)!

 

 

跟住個肉緊妹要同我捽臉

 

 

塊肥面豬真係好好捽架!

 

 

weekend, 我地一早去游水

妹妮而家有個水袖就當自已真係識游水，一D都唔驚就游到去最深水地方。

但係教極都唔肯學閉氣潛入水底，所以我地報左樓下既游水班，等佢暑假學游水。

 

游完水去Dan Ryan食lunch慶祝母親節

 

影相時妹妮話隻手要學公主咁合埋黎擺喎

 

個頭仲要側側地先似架

 

嘩有花收呀！

 

妹妮送花比我呀！！

 

妹妮一早就整左張母親節卡比我喇, 中間舊綠色U形野原來你心心黎架！！

 

 

其實妹妮早在返playgroup時己經有整過母親節禮物架喇, 係把花形扇, 而家都仲keep住架. 不過而家佢比以前知道呢個係一個節日, 起碼識拎張卡比我時講埋母親節快樂!

 

佢最鐘意好同我捽鼻架，好似貓貓咁，所以叫呢個動作做cat cat。YayaGigi都好識do架，呢個動作係exclusive for 媽咪， 有時妹妮想同yayaGigi cat cat，yaya會話淨係同媽咪先cat cat架。

 

除左食個lunch都有去商場行下既

 

去又一城行下見到有新display呀

 

 

今日妹妮著到成個男仔咁呀，遠睇以為我拖住個男仔潻。

 

 

成個麻甩仔一樣!

 

 

 

去親傢具店都當正係自己屋企一樣...唔客氣!

 

 

連display都去玩埋

 

 

某星期六出街前三人大合照

 

都唔記得邊個星期了，不過個人媽咪返工，爸B飲完茶帶左妹妮去playhouse玩。。。而家去親飲茶，妹妮都話要去playhouse架

 

 

今次媽me要返工, 爸b單挑帶妹妮去玩

 

 

雖然妹妮自己玩, 不過佢又好似好自得其樂咁

 

 

通常咁樣放一兩個鐘電, 返到屋企就好快瞓得著, 仲瞓到成兩個鐘架

 

雜記

復活節假期最後一個weekend, 因為爸b要留係屋企看住d裝修師傅整野, 唯有我有妹妮去學琴, 佢自己揹住個小提琴, 成個大個女咁!

如果唔揸車, 真係去到好遠學架. 如果爸b帶就通常會搭地鐵再行路去架喇

可能諗住妹妮辛苦d先會真惜呱...不過真係諗多左了, 妹妮仲咁細又點會領會得到呢...係因為爸b想帶多d妹妮搭工車啫

下晝連飯都要落街食. 妹妮第一次黎會所間餐廳咋, 因為佢出世前我地已經唔見左張會員咭, 又一直都無再申請過. 餐廳因為係咭月結, 無咭咪去唔到囉, 最近搵返了, 而家可以落樓下就有飯食喇!

兩條友兩碟炒粉麵, 食唔晒架

5.1 bbq 前去飲茶, 最近成日去megabox

又係試新DC 既art mode

呢個pinhole mode 我鐘意呀

又去宜傢, 妹妮無playhouse都要去而傢既play room玩

有波波池玩開心到飛起

佢直情當波波池係泳池咁潛入d波度架!

半新屋

無錯, 唔係搬新屋, 只係又再執下間屋

...雖然未至於換然一新, 不過叫做有小小小小新意囉, 就係油下d牆換個新look. 本來諗住妹妮房油黃色, 因為佢最鐘意黃色同綠色吖嘛, 點知問左佢幾次都話要紫色, 臨買油前再問都係話紫色, 於是就拍板啦! 效果幾好吖, 起碼好過粉紅色!

其實一直係想我地間房紫色, 妹妮房黃色或青綠色. 不過妹妮揀左後我又諗唔到另一隻色, 於是一齊紫色啦, 仲慳埋油潻! 呢幾個星期d工人成日甩底, 我地d野執晒出黎, 好似住難民營一樣呀!

另外就係買左張書枱比妹妮, 因為間房唔係好大, 所以買張細細地既. 仲要爸b自己砌架, 妹妮幫手推入房

好似幾鐘意張新枱噃!

裝埋書架, 妹妮即時上枱畫下畫

不過加左上面extra既書架就開始有d亂七八糟既感覺, 要盡快買d bookstand等d書企得整齊d先

不過最滿意都係妹妮, 見到自己有書枱又有書架, 不知幾開心. 佢而家仍然好鐘意張公主床架, 成日扮公主. 仲拿住個紗網扮公主紗黎笠頭...

工程未完晒架, 仲有廚房同我地間房未整完架...待續