小手工

又講番暑假，除左媽me有時間時可以帶妹妮出下街，平時係屋企就無咩野做，都係上晝上下興趣班，下晝係屋企時會去下playroom同朋友仔玩。閒時都會做下小手工，呢日就做左個手袋仔比自己



妹妮自己好鐘意自己既作品架，成日問人做得靚唔靚呀？



仲即場示範表演潻



又真係幾似手袋噃



某個星期三同妹妮去Elements 搵JJ玩，但係JJ太晏瞓仲瞓緊晏覺，我地自己玩住先



點知去到公園見到同學仔Kayla，妹妮有伴玩開心晒！




雖然已經5點幾，但係8月天氣仲好熱，妹妮又玩到唔捨得走，好難先‘的’到佢走，去商場逛下！

因為我地同JJ媽咪之前去cooking class 仲有coupon未用，呢日就去用埋佢！



妹妮又滿載而歸了。

大個女K3開學了！

8月29日就開學了，因為妹妮已經係大姐姐上K3， 所以學校先比K3返第一日orientation，跟住放番兩日假比新生K1，K2開學。呢日可以比家長一齊參加，媽me點都要陪妹妮去啦！



已經知到有幾個同學仔會一齊升上同一班，但係唔知妹妮今年去大班定細班呢？因為妹妮係細B（9月後生日）K1時被派去全班都係細B既小班，得12人。有D大班聽講成三十幾人一班架。上到K2時，都有半班K1同學一齊，但係都未算大班，得19人一班。有時聽到一班成三十幾人，都驚老師照唔照顧得黎架？不過好彩頭兩年都係細班，得到多D照顧。

今日orientation仲可以比家長上埋校車架。

妹妮一頭短髮幾清爽！不過就無以前又圓又鈍咁cute了

但都係一樣古靈精怪

入到新班房，妹妮見到朋友仔都好開心呀！

搵返自己個位先，每個位已經擺好寫左名既書包，妹妮見到個新書包好鐘意呀 。。。其實同舊年果個一模一樣，不過舊年用到殘晒順便連書一併訂過啫

攞玩具玩，已經識到新朋友仔了

睇間班房分成3組大枱，都知唔係細班，有30人呀。不過已經K3，所以都應該可以照顧到自己，唔駛下下要老師睇住既。媽me對你有信心！

呢日主要係家長上堂，因為老師講解晒平日會點運作，幾時會派邊份功課等。所以返一個鐘就放學了，爸B約左我地食晏呀，放學就帶妹妮去左又一城。

妹妮對學校已經好熟識，所以返番學對佢黎講都無咩特別，我地話佢知佢係學校入面既大姐姐，要做好榜樣呀。



希望新學年妹妮聽聽話話，唔好成日發白日夢比老師叫佢做‘矇矇’啦。最驚係今年開始要被受小一面試考驗，我地唔要求去名校，不過都祝妹妮去到一間好學校啦！

剪個靚髮

衆所周知，妹妮好恨留長頭髮架，因為想好似公主咁靚喎 但係媽me成日話佢短髮冬菇頭夠cute，因為個樣細個D可愛D嘛，不過佢一直堅持要長頭髮，話靚D喎。但係點解張相咁醜樣，個樣where晒既？



每朝一早，個頭就瞓到雀巢咁，貪靚既妹妮就猛對住塊鏡狂照狂梳。我地已經下令佢一日唔淮望多過3次鏡，因為怕佢太貪靚，成日姿姿整整。

點知有日趁媽me出差，妹妮突然提意叫yaya幫佢剪短頭髮。yaya問點解無端端剪短髮呀？妹妮竟然答：媽me話短頭髮cute d 呀！於是又去幫襯yaya salon。唔記得之前有無講過，有次妹妮睇本故事書講兩父子去salon剪髮過程，兩父子首先洗頭，然後剪髮。但係妹妮話佢去yaya salon係剪完髮先洗頭架！我每次諗起都覺得好好笑！！妹妮咁大個都係幫襯yaya salon架，我想佢繼續比yaya剪，終有一日佢大個女就會要求出街剪既，但我覺得自家剪除左慳＄，仲好有情意，第時妹妮大個會諗番起細個係yaya幫佢剪髮架。不過而家妹妮個樣又大個左，剪左冬菇頭都無以前咁BB了



呢日yaya帶妹妮去左行街市，唔係平日室內果D呀，係舊式街市呀。妹妮應該從未去過呢D舊街市呀



估唔到街市都有童裝賣，仲要比妹妮擸到件潻



呢D七彩衫就最啱佢！上次去蘇梅時佢已經見到有條彩虹咁七彩間色裙好想買架喇，但係爸B無比佢買。



今次見到鐘意，死抓住唔放了



返到屋企急不及待試上身，又真係幾啱身噃！



yaya話得一件咋，好彩啱size，大一個碼細一個碼都唔啱呀。



見佢D甫士，既難頂又好笑！

告別暑假

仲係8月底，就快開學了，但係最近公司又忙，有時間都盡量帶妹妮去下街，唔好暑假都要留係屋企咁慘啦！



其中一個weekend，我地又去飲茶。其實出街食早餐已經係我地最minimal要做既假日活動了



妹妮又好鐘意飲茶，而家仲要帶個手袋仔裝好自己既筷子同水樽潻


megabox間宜傢個兒童樂園最近裝修完，梗係趁妹妮仲未過高去玩下先啦！！！



一樣每人玩20分鐘，妹妮好似好開心呀！！



仲好似識到新朋友仔潻呀



連波波池都大左好多！



趁妹妮未超高，真係要帶佢黎玩多幾次呀。



有日妹妮被爸B點佢玩打坐，叫佢集中精神，但唔好諗野

我地見到妹妮個認真樣真係忍唔住笑晒口呀



跟住爸B話留心D會聽到鐘既的嗒聲，於是隊個閙鐘係佢耳邊。。。真係 好好笑呀，玩左一陣就完，其實佢得幾歲人仔，邊識集中精神又唔好諗野吖！！



Yaya個朋友比左兩張戲票佢，本來yaya想轉贈比我地架，但係都唔得閒去睇戲。於是索性叫yaya帶妹妮去！兩個一早去睇左荒失失奇兵，不過得廣東話版，yaya都聽唔明架。



又有一日，要帶公公去睇牙醫，順便帶埋妹總一齊去，飲個茶先。



平時妹妮除左興趣班，每日都落樓下playroom玩架，仲識埋一大堆朋友仔！



見到D相就知佢地好friend啦！



8月尾自己都分身不暇，又要出trip，有時叫yaya帶妹妮去下圖書館。好彩妹妮好鐘意睇書，咁又可以有義意利用下時間


學完游水，又去會所玩一大輪先走！所以妹妮應該都唔會覺得悶啦，K2既暑假好快又過了，明年暑假佢就升上做小學雞了。



yaya平時最鐘意幫妹妮打扮，然後幫妹妮影下相。



其實好似真人公仔一樣。。。媽me都有呢種興趣架！！



因為見佢擺埋D拗柴甫士，真係既覺得核突但係又搞笑！