開心迎聖誕

彌左成兩個星期先得閒同妹妮整埋D波波，終於叫畫左5個，妹妮話左3個！下排果個女仔係佢自畫象，不過眼，口，鼻就由我加，其餘都係妹妮畫架！



每個波都有兩面可以畫，其實係成個波都可以畫。右下果個我畫左大肥（我地隻貓）上去。妹妮就鐘意畫下心心，禮物呢D簡單野



真係好比心機畫架！

close up下個妹妮個自畫象先，佢一定要長髮既。個公仔仲畫到好大，一個正面睇唔晒要睇埋底先得。佢設計埋條裙同著靴架。閃粉就由媽me幫手加既



諗唔到畫咩就寫下名囉

另一個我都係畫妹妮架，佢話想揸住本書，我見佢一邊畫一邊哼歌就畫佢唱緊歌啦！總算完成了，出年再攞番出黎睇，可能妹妮都覺得自己D畫好搞笑！



妹妮學校返埋18號就放聖誕假了，又係時候開party，我見妹妮呢排返學都有好多goodies攞番黎，於是又買左D零食趁開party分比同學仔啦

因為已臨近聖誕，好多靚既聖誕膠袋都買晒，得番呢D簿既hello kitty袋，不過唔緊要啦，最緊要有得食啫。



仲印左Aerin個嘜頭上去架！前排妹妮寫聖誕咭比同學仔，佢話D同學見到D聖誕咭一定好開心定嘞！



無特登去買聖誕衫比妹妮著去party，不過有個聖誕頭篐都幾有聖誕氣紛吖！

每次學校開party我地都要自備食物架，今次整左雞尾腸仔。但係妹妮返黎話有4個同學帶腸仔呀，有幾個同學帶雞翼，有人帶生果。仲有同學帶串燒，拮住棉花糖，腸仔，菠蘿，妹妮話佢食左4串呀！！﹣＿＿﹣



聖誕前夕，仲收到好友從美國寄來的聖誕咭，妹妮硬要幫我影相呀



佢仲要讀晒幾個名出黎，又問點解BB同媽咪唔似外國人既？？ 

賣曲奇的小女孩＠Emily's Kitchen - Island East Markets

上星期日（12月16日）EE 既 Emily's Kitchen 係鰂魚涌太古坊既Island East Markets 市集擺檔，賣佢為興趣而做既果醬，意粉醬，XO醬同聖誕曲奇。呢個Island East Markets好似淨係十一月尾至十二月中既星期六，日先開，而每檔都只係租一日。所以EE個檔都係得一日架咋，但係聽佢講煮醬都煮左成個幾兩個星期了。

全人手製作，而且非常足料，D包裝都好精美架。價錢其實都唔算貴，因為攤檔都係賣有機野，其他檔口d野都好貴，我地呢檔標價算平潻。

攤位既佈置都好有聖誕節日氣紛架



媽me呢排工作忙又成日飛上海無暇幫手所以就派妹妮做我家代表。妹妮去幫手做義工賣野，佢話要好似賣火柴的女孩一樣咁賣野噃，但係一去到見到EE d朋友已經拗底唔敢出聲。不過媽me有扮客問佢d 果醬有咩味呀？佢都細細聲答得出既



未試過可能唔知咩味，所以都有開d sample比客人試食架。好多人試完都有買，我地下晝一點幾先到已經賣左好多野了，意粉醬都已經賣晒，無花果醬都無晒了。得番枱面唔係好多樽貨咋。



其實仲有d 好靚既聖誕曲奇，但係有個男人見到話未食過薑餅曲奇，試過味後一口氣買晒剩下既十幾塊呀

呢日高皓政都有同家人黎行街，仲同妹妮影左幅相潻。。。不過妹妮唔睇電視所以都唔知佢係邊個

其實妹妮邊係幫手吖，去搞搞震就真！玩左一陣就同爸B，姨丈去左食晏，番到黎就warm up左，開始落下手嘞， 問佢邊隻味好食呀？ 佢即刻搽D落餅乾



遞比你試！



到爸B扮客人， 問佢呢樣幾錢果樣幾錢



妹妮搽果醬搽到變左熟手技工！



以前都唔知有呢D市集，原來都幾多唔同既野賣架！大部份都係手作野，有D都係有鋪頭既商店再擺多個攤位當做宜傳



仲有live band表演，好似都唱足成日架。好多人一家大細黎hea，附近又有露天茶座，其實變相都幫佢地吸左唔小生意。



另一端就主要賣農產品，有機疏菜

妹妮見到有一檔畫花面，即刻話要畫！



自己揀左款眼罩型pattern



畫好了！！朋友仔都黎左，上次佢地一齊整曲奇時仲叫人地嗌佢做“家姐”潻！



咦，妹妹畫緊面時，另一朋友仔（上次中秋舞火龍果個呀！）又黎左，仲送左隻企鵝波波比妹妮潻呀



我地玩完一輪返轉頭又賣左一層貨了



原來D企鵝係EE個朋友John 叔叔扭架，仲扭左好多隻潻！有d途人見到我地有咁多企鵝仲想走黎買，可惜d愛心企鵝係非賣品，唔係攞黎賣架



但係d企鵝吸引左EE d朋友個個都話想學整呀



於是係檔後面就變左扭波波班

檔前就由姨丈同EE d朋友幫手，不斷都有客人埋黎試下食，買下野



妹妮就走左去玩，同妹妹去左人做草地玩捉依人



點知兩個玩到典地！



返到檔口又食過！！



今日EE 收穫豐富，所有曲奇，果醬全部售謦，XO醬都係賣剩幾樽咋。5點收檔時只係執返自己d野，同幾樽醬走。最開心相信唔係賺唔賺錢，而係有人欣賞自己手藝既滿足感。最後一樽果醬，本來已經執緊野，有個小朋友拖住媽咪埋黎試食，兩個食完都話好味叫媽咪買，我淨係睇到都覺得好有滿足感呢！不過EE話暫時未知下次幾時會再開檔，希望好快又會有機會再帶妹妮去做義工啦！

上海美食之旅

十二月頭三個星期，媽me都每星期飛上海一轉，不過唔係去玩係去上堂。連續去左3星期，返黎幾日就飛一飛，好彩而家有tango，每日都同妹妮日日視象傾偈咋。另外好彩呢幾次都有同事同行，難得湊埋一班人，就當去旅行囉，寓工作於娛樂就係我強項！每日上堂都係9﹣5，放學後通常返房小休半個鐘，同妹妮通下話我地就出去搵食。雖然我地係上海落機，實情係要再搭一個幾鐘的士先到山卡隙酒店架，所以要出返市區其實都好遠，要成個鐘車架！



當然又唔係日日都有出去大飲大食，不過就點都唔係酒店食。以前我地呢度係山卡隙，附近得條老街咋，今年就開左個大商場，成個又一城咁大，又多餐廳，所以唔駛出市區都有啖好食！呢日就去左小南國，其實係香港反而好小食小南國，返到上海，又不防去下，呢間小南國卻又有D唔同，因為呢間無大廳，全間還廳都係間房架，好有大客feel呢！

其實唔只有呢幾碟餸，不過影D有特色D既啦。呢個芝麻雞好正！

紅燒元蹄



糯米蓮藕



薰魚



其實媽me都已經飛過上海training3，4次，但呢次係第一次湊夠腳出城玩！呢日去左城皇廟，聽講呢度南翔小籠包好出名，但係記得爸B幾年前話食過，排晒隊以為好好食，點知又厚皮又無湯。以前都有黎過上海市，好多年前了，同公公黎傾生意，但係都無去過城皇廟，原來夜晚又真係好靚架！

都係兩個星期前了，當時仲有十度左右，其實又唔係好凍，我都係得一件衫加褸同頸巾，帽就因為唔想凍親個頭



雖然聽過爸B講，但係經過南翔又真係好多人排隊，我地就唔排隊，堂食算了！堂食都有mimium charge架，仲分RMB50 同RMB80！

我地叫左普通小籠包（RMB25／6隻）同蟹粉小籠包（RMB32／6隻），但係唔係好食得出分別


不過就唔係爸B當年食果D又厚又無湯，反而係簿皮又多湯架，好味噃！



仲叫左D其他野，呢D就普普通通，落到樓下仍然見到長龍排隊買小籠包，原來樓下外賣呢D RMB12／6隻，平成倍呀！不過望下佢地食果D，原來就係爸B當年食果D厚皮架，唔怪得平一半啦！





落到街又去掃街，食下一d都唔臭既臭豆腐





仲再去城皇廟入面個food court再擦過，呢d生煎包都有湯係入面架，好食過香港茶樓果D好多呀！

呢種就只有得飲湯，無肉食既，盛謂rmb18






第一次食鹹豆腐花，但係D豉油一D都唔鹹，個豆腐花仲好滑好滑！如果係甜既就好喇



城皇廟係正宗遊客區，週圍都係買手信地方，連影古裝相都有！我地經過城皇廟呀，不過已經關門，我地淨係係門口品左神，許下願咁囉

之後約左的士司機車的地去上海灘影下相

無黎7年都有了！而家望過對面岸有D似香港咁呀，好現代化又多左好多新式建築，都係呢邊懷舊D有風味得多！




有一晚我地係酒店附近商場間豆撈坊打邊爐，呢度特別在一人一鍋，可以揀自己鐘意既湯底。

呢碟肥牛好靚又滑，都你RMB68

呢碟無咁靚就RMB58


但係呢度D蔬菜又真係好新鮮！！


其實之前都post過，呢個商場有D時裝都幾靚架，又有gymboree，我次次都買到野比妹妮咁滯！而且仲有大超市，啱晒我地住幾日，可以補下倉買D野返酒店飲。

離遠睇好似豉油咁包裝原來係花雕酒，擺係汽水隔離望落去都幾怪。

點知原來真係有豉油又真你好奇怪！！



另外見到呢D魚缸應該係食用魚，但係又有金魚擺埋一齊，究竟係兩種魚都係賣既定係D金魚係比D食用魚食既？？

同事話大陸至有得賣蒙牛奶，飲過又真係好香滑，有陣cream味架！我呢D鐘意濃奶味既就啱晒



又有一日我地唔去上海，去左陽澄湖！！真係無諗過自己會有機會去陽澄湖食大閘蟹！因為本身已經好小上大陸，加上陽澄湖又唔係任何旅遊城市，真係去旅行都唔會經過，今次反而因為上堂，而且啱季節，真係唔可以錯過！！ 由酒店出發其實同去上海市需時差唔多，都要成個鐘車先到架，但係一落車見到咁多間餐廳既倪紅燈牌就真係好興𡚒呀！！

我地揀左間同事話以前食過既，入面好多大閘蟹呀



阿叔識貨要自己揀，我地隻隻都係自己揀架！

要有泡泡果D先新鮮咁話



仲有自家養殖場



我地上到房，唔係淨食蟹架，叫左好多小菜食下先，因為又唔打算全蟹宴，所以食左每人一對。

主角出場喇！！我地個個都忍唔住勁影相呀



好大隻呀！！但係佢地無話幾両幾両咁計，估計應該有7，8両呀！post上fb, 個個朋友都留言話流晒口水呀






D膏好多好正呀！！



第3個星期，又係星期日飛，因為咁先可以星期一一早開波嘛。妹妮話：問下鄧生（我老闆）點解成日要咁早返工又成日要去上海又去澳門啦！我聽到真係覺得好好笑呀！！妹妮真係好cute!



上到黎又再食過，連續咁飛3星期，大部份時間都係食，真係增磅trip 呀！！呢次食小楊山煎



之前D朋友都有介紹過，賣相都唔錯噃！

嘩，原來係好似小籠包咁簿皮架，但係又有湯，而且個底係生煎包咁脆架！真係名不噓傳，正！！！



另一日就食平版一人一鍋，呢個係叫set自己顧自己



但係個餐RMB31 已有一碟牛肉，一碟大菜，有飯，真係超抵食！！




返到酒店除左同妹妮tango，呢排仲會上tvb.com睇下名媛望簇。最後當然每晚例必漫浴，自己做下facial啦！今年上海之旅完結，出年唔知幾時先再飛了。