年初三，呢日本來有諗過好似舊年咁去林村，但爸B話不如去下山頂，於是我地專登唔揸車搭巴士出發, 想去搭纜車呀。
去到紅棉道，就到纜車站了，妹妮猛指住d海報話'你睇你睇'。。。有咩咁得意呀？
終於企定定影到張相了，但係個頭仍然係望住幅海報 -_-
影張好小小啦，行到去纜車站時，離遠已經望到有好大堆人在等上纜車，個牌仲話要等3小時！！！真係好癲呀，呢幾日過年明明街上已經小左好多自由神架啦，點解仲有咁多人既？而家只係11點，去邊好呢？我地又無plan B，突然諗附近除左香港公園之外就係多酒店，不如去食buffet囉！求其打左去JW Marriot 問價時聽到大人成＄4百幾蚊位覺得好貴呀，不過爸B話去就訂位啦！又諗唔起呢日係年初三＋星期日的確係會有特別收費
趁未夠鐘我地由紅棉道行去香港公園，點知呢度有好多遊樂設施架！可以比妹妮放一陣電，唔駛因為無山頂去失望啦
呢個公園有大大小小幾個細公園仔，仲有沙池可以堆沙！不過我地一陣去食飯更係唔玩啦
玩下呢d basic野算了，唔知妹妮幾時開始會玩厭呢d遊樂場呢？我記得自己4年班都仲有去公園玩架
不過有時妹妮都會嫌d設施太BB，可能佢生得大隻坐唔落呱
Spiral滑梯應該係最鐘意，玩極都未厭了
行到去香港公園，河塘種左好多水仙花，真係花香撲鼻架，離遠都已經聞到水仙既香味了
初三天氣好好呀，應該有成廿度！我地連褸都無著都覺得熱呀
經過雀鳥公園，妹妮N班時學校旅行都黎過架，但係問返佢就一d印象都無
因為妹妮人有三急，我地又趕住去左商場先，所以連雀仔公園都無行到
媽me自己就幾鐘意呢幾幅相
去完厠所人都鬆晒！又可以慢慢行影下相嘞。妹妮無啦啦又綁條手巾仔係手袋，佢話好似小紅帽喎
慢慢踱步到酒店了，門口咁大棵大吉真係要去影下相，大吉大利呀！
仲有大桃花
12點準時開餐！！快d出去夾野食，嘩唔知係平時weekend lunch都有咁多野食，定係因為假期？有好多正野食呀！除左凍海鮮，龍蝦，鮮蝦，仲有東風螺，係點甜醬食架，好耐無咁食過了，以前我媽咪間中會買d東風螺番黎比我地點甜醬食當小食架。
龍蝦箝伊麵
花膠炆冬菇，仲有芝士焗帶子，龍蝦肉西蘭花，有好多龍蝦肉架！另外仲有roast beef，淥麵counter，燒味同海南雞飯，食過後覺得雖然4佰幾一位 ，但係物有所值呀！之前去其他酒店都好似三佰幾一位，但食物都唔係呢d貴野，如果平時都有都想再黎食多次呀！
妹妮依到lam lam 脷呀！！
仲有好多大大隻既蟹蓋呀！食番一隻都已經有抵番喇。叫妹妮幫我影相，點知影極都係矇既 -_-
爸B影就清番d
成個蟹蓋好多膏呀，不過d膏係實的。。。如果好似大閘蟹係軟膏就正喇！
妹妮居然只想食歉士帶子上既芝士！！嘥晒呀
呢日有魔術師逐枱表演，都幾精彩架！
又係爸B隻袖抽左張紙巾出黎，妹妮睇到口擘擘
最後仲送左個蝴蝶型氣球比妹妮呀
食飽飽我地行過商場先搭車回府，見到靚桃花又再影下相先，妹妮叫我前腳屈膝，點知原來佢坐上黎！
都係坐係度影好d 嘞，太重了！！
經過連卡佛家品部，我地成日都覺得佢地擺得好靚架！食飽後，我地三個都開始飯氣攻心，行左一陣就返左屋企覺豬 zzzzzzZZ 呢幾日我地都有瞓晏覺，相信係全年真真正正休息既好時候了！
