大鄉里搭地下鐵

計上月忙碌過後，今個月叫做好小小，起碼今個星期日放假！今日清明原來係勞工假期，yayaGigi放假，咪me返工，於是爸Ｂ又展開漫長的單挑湊Ｂ日。

上晝例牌陪咪me食早餐，被爸B整蠱困入車箱嗌救命！

劈低咪me後爸Ｂ湊妹妮返屋企，妹妮上車已立即瞓著

返屋企後只瞓了個半鐘便再度活躍，仲成日要抱。而家會講please，等你不能拒絕！如果同yaya講please會用她自創簡稱‘pe-yaya’＝please yaya。

於是決定帶妹妮做個城市人，唔揸車搭車去街街

妹妮出世至今頂多只搭過的士，從未搭過其他公共交通，今次搭地鐵係個大挑戰啊！

坐鐵梯已經心急要望下面係點

入閘了！不忘提一提呢條有小熊貓ding住的連身褲，好cute呀，著到妹妮個肚tum好似好大咁

到月台喇！嘩好大架車車呀！！

大鄉里出城，好彩而家唔係用mic型手挽，否則妹妮可能會對住個手挽‘喂？’一聲！

第一次搭地鐵，點都要坐下地鐵的鐵櫈

倆父女

爸Ｂ帶妹妮去埋Ｄ男人‘天地’，睇錶睇相機，妹妮一定悶屎。

影返上星期去完超市，已經多到雙手都攞唔晒，妹妮仲要抱抱。於是爸Ｂ比個工作妹妮叫她幫手搬日用品返屋企，妹妮出奇地合作...呢個女真係好生性呀！！！