搞到成３點幾先出發，舊年都有出門口時影呢張相，今年再影。
check in 啦！
今年酒店無upgrade我們去露台客房，只有普通房。傻豬妹妮無啦啦用被冚頭玩撲呢呢。
hea一陣後入樂園，去到都過了遊行時間，不過一入樂園見到米奇妹妮已經大叫mickey!今次好大膽肯自己一個同米奇米妮影相！
跟住去搵donald，不過daisy吸引Ｄ妹妮走埋去握手仔
雙手擺後想點？
行到埋去高飛同pluto時已經無得排隊影相了，不過他們都有行過逗妹妮玩。
去玩妹妮最鐘意的飛碟，因為平時都勁鐘意同爸Ｂ玩飛來飛去
趁天未黑搵到巴斯影相，妹妮以往一見巴斯就嚇到喊爆要即刻走人。今次離遠見到都有Ｄ猶疑，但肯同巴斯say hello，最後都可以成功合照！
上次仍差１cm未夠高無得玩，今次可以自己揸車車咪me去街了！
去親街都罷食粥仔，今日tum好耐都係飲支奶。換過衫仔去大街等parade。
條tutu係專程訂比妹妮生日著架，不過可惜上星期生日會時仍未到香港，好彩仍然趕到生日正日著。著起個pat pat成隻肥鵝一樣，因為條裙仔引來一班姐姐哥哥同妹妮玩。後面啊jack個影妹妮又叫它做Aerin cry... -____-"
你睇成班姐姐哥哥圍住妹妮玩波波
巡遊了！！
妹妮同爸Ｂ睇得幾開心？！
parade後去食晚餐，今次求其入了大街餐廳食套餐，Ｄ食物擺成halloween款式，不過味道一般。
好在送生日壽星雪糕，因為我只戴了一個生日襟章，本來待應都唔信我們一齊生日，只係免為其難比多份。
用新相機影相，仲未習慣部機支鏡頭，不過無腳架下試下影煙花，都ＯＫ吖！
返到房蛋糕已經送到，妹妮本來已經瞓著，不過比我們摷醒食埋蛋糕
呢朵花係爸Ｂ同咪me剛拍拖時第一次同遊L.A.迪士尼時靜靜鷄買比咪me的，不過多年前一次不小心由櫃跌落床令到入面朵花碎了。今次再遊迪士尼爸Ｂ終於再靜靜鷄買番個，今次買了個更大的，粉紅色的。
自備氣球＋酒店送的毛巾蛋糕，party禮盒。
砌蛋糕！
飲埋奶奶覺豬豬
妹妮將毛巾入面的花花裝飾一一掹晒出來。
一字碼
終於肯換衫覺豬豬了。
待續。。。
No comments:
Post a Comment