星期六我地又要諗節目，今次諗起去Playtown，仲要一早九點幾就出發！先去食麥當當早餐。
跟住諗住買一兩個細麵包等妹妮餓起上來有得食。
入場了！無黎一排，因為今次係朝早，入面好小人，玩得free好多。
平時呢個位迫爆人架。
妹妮已經可以自己爬來爬去了，唔駛跟到咁實都得。
唔知點解佢一入到隊道物體就會由爬變成坐，然後tun 下tun下咁向前tun，可能以為係滑梯可以sir。
傻豬sir ‘滑梯’
又去波波池‘swimming’
driving時後面個鬼妹居然想扯走妹妮坐緊張櫈！
我發覺Ｄ鬼Ｂ好多都唔會同人分享玩具，成日想推開其他人，唔通係外國人無教Ｄ細路同禮讓同分享？好彩妹妮被推開時都無推番人地，不過就企係度戇居居咁囉。
不過妹妮咁樂天，又點會care呢，繼續自己玩
由爹Ｄ陪住
咪me影相
妹妮飲果汁都會要餵埋爸Ｂ飲，好sweet架。
平時呢個位個個細路爭住拑制等Ｄ波波吹上黎，今日無人任佢拑，點知可能Ｄ風聲嘈，佢又驚驚地。
之後我地去食味千拉麵，以上次經驗妹妮可以食成碗咁滯。
今日餵口都ＯＫ，都食左一碗滿。
不過可能放晒電關係，落地時撞親頭仔就成機大喊，仲要咪晒眼喊，平時喊都係擘大眼支嘛。
點知３０秒內直程瞓著埋。
妹妮係唔係好嗲爸B gar ???
ReplyDelete[版主回覆03/30/2010 22:56:00]係呀，妹妮係嗲精黎架，除左爸Ｂ都會嗲埋我同yayaGigi，不過爸Ｂ比佢一嗲就連條命都比埋佢囉。
When we go back to HK next time, I would like to bring the kids there. Seem like lots of fun. It must be so crowded on the weekend.
ReplyDelete[版主回覆04/01/2010 21:43:00]你下次返黎可以去玩呀，細路仔一定鐘意玩架，雖然weekend一定多人好多，不過都唔會排晒隊玩唔到既。
呢個playtown係邊架?
ReplyDelete[版主回覆04/03/2010 13:48:00]係西寶城呀，＄１００包兩個大人一細路，玩足成日，抵呀！
之前有好多朋友都介紹我去這度反呀! 泊車方便嗎? 咩時間冇咁多人?
ReplyDelete