第四朝一早起身，我地又出動去食早餐。我地住間酒店就對正小樽ＪＲ站，不過呢張自拍相３個大頭遮住晒
呢，小樽站呀，仲見到好大風潻！
我地樓下有mister donut，因為尋日個綠茶冬甩有Ｄ喜出望外，所以今日再encore。
又係妹妮揸機，今次影得幾好噃！
小樽ＪＲ站隔離，我地酒店對面就係三角市場，同其他魚市場一樣，好多海鮮呀！個叔叔仲稱起隻蟹嚇妹妮潻
呢度都有魚生飯食呀，可惜我地食左冬甩，再食唔落了。
check out 完酒店，我地去埋未去既地方影相，點知又開始落毛毛雨了。趁停一停雨就嗱嗱聲去運河影相
Ｄ人成日都話小樽好浪漫，我都覺得呢個城市好靚，好有特色呀。因為呢度保存左好多舊建築物，好有自己既風味呀，就算而家無落雪都一樣咁浪漫。
又影全家幅
沿住運河後面行，有好多舊屋，都係小樽既歷史陳跡
運河對面就有條出拔小路，入面有好多小食店，不過我地純觀光無食野
沿住運河對面係條商店街，見到海鳴樓我地入去參觀下先。
除左地下買玻璃買之外，二樓仲有音樂盒体驗呀。
上到二樓，可能好早，得我地一家人咋。呢個伯伯幫我地手揀好想要既音樂，同材料，我地整自己既音樂盒呀！今次揀左龍貓首音樂。
揀好材料其實可以買走返屋企整，不過我地一場黎到硬係想係度整埋啦。個姐姐用手勢教我地點痴埋Ｄ材料上個盒。
首先溝埋Ｄ膠水，塗上個盒度等乾。妹妮有份同我一齊做架。
癡完隻長頸鹿就在周圍貼上草同花花，妹妮幾叻！幫手啣膠水架
登登登戥！整好喇！！我地揀左好小材料，整個簡單的。
妹妮滿截而歸離開海鳴樓，由於時間開係，我地無返去尋晚去過嗰條商條街呀。
淨係去左政壽司食晏。
Ｄ書話小樽好出名壽司，政壽司係其中一間，呢度直程有條壽司街架。
妹妮成日唔肯行要爸Ｂ抱，真係辛苦了爸Ｂ。你睇，連鞋都除埋呀！
小樽好多呢Ｄ人力車呀，全部都係後生仔拉架，仲有女仔拉潻。
食完飯我地要起程了，因為今日要去富良野呀！預計要兩個半鐘車程，上車時先買個雪糕比妹妮做飯後甜品，希望車程上會瞓得著啦。
下一站，富良野見！
No comments:
Post a Comment