又追返上星期日 (11月7日), 妹妮有生日會去呀!! 一早起身我地去深水埗食豬膶米，可能好早，好多鋪頭都未開門，妹妮見到有聖誕裝飾仲指住叫look look~! 我諗係時候拎返棵聖誕樹出黎裝飾下喇
跟住我地去左海港城買禮物，因為下午要去party嘛！
男人頭見到chunkington 同 Thomas開心過見到hello kitty。
瞓醒晏覺要準備去party了，想幫佢扎個毛毛上去，點知扭晒身話唔肯，於是我扎上我自己度，佢見咁靚就即時話要扎。
幾得意！
壽星仔Hadden兩歲，我地同埋力行哥哥，思行妹妹一齊送禮物。
呢個會所好大，有成層樓大既playroom呀！妹妮第一時間走入去畫室畫畫
亂咁畫一餐
因為之前教過佢畫彩虹，所以識畫半圓型
之後見到波波池，就當游水咁係個池入而游水
又走去玩滑梯，好似個小型playtown咁呀
不過個滑梯就唔滑，妹妮要自己續步續步行落黎，之後話唔驚！硬係啦，都唔跣。
主角Hadden家姐仔Hillina呀，同埋Clara一齊影相，幾個細路好耐無見了。
樓下個play room玩到唔肯走，不過一話去砌蛋糕即時肯離場！！入到party room入面準備砌蛋糕慶祝，Hadden變身peter pan!
Hadden and family
太多小朋友喇，妹妮只可以企去側邊咋
個蛋糕都好靚！
妹妮除左食蛋糕仲食左腸仔同埋薯條
扭波波仲有隻狗仔拎返屋企潻，去親party都有得玩有得食有得拎，你話佢幾咁鐘意去party呢！
好耐無見既梓悅呀！一話影相梓悅就即時則晒頭擺甫士，妹妮同思行就叫極都發呆無望鏡頭
食飽飽後我地再出去玩，呢個大滑梯之前妹妮去澳門時都玩過喇！當時仲自己一個人玩潻呀，呢度就要大人陪玩。真係好快好刺激，我自己都有D驚！半年前居然比當時兩歲幾既妹妮自己一個人去玩，好彩佢唔驚之餘仲話要再玩咋。
你睇玩到妹妮吖晒口就知有幾刺激喇。
玩左5轉滑梯後我地都攰了，兩個索性扒係度玩tum tum轉，真係盡興而歸呀！
No comments:
Post a Comment