摸蜆記

啱啱個星期六，我地約埋EE同魚腸去郊遊。今次目的地係大嶼山！ 

去得郊遊真係要做足準備，去到東涌泊好車就去超市入D貨先。

居然見到有爆炸糖賣，即刻比妹妮試食，佢又唔驚，仲要再食潻！

去到東涌諗住搭藍的，點知人龍勁長，於是轉呔去搭巴士。

好似小學生去旅行一樣，今次呢度係我同爸B都未去過既貝澳水口灣。其實我地連塘褔同長沙都未去過架，妹妮聽到我地話未去過又問自己去過未。。。梗係未啦！

見到海邊喇！！

大家都好期待咁呀

經過晒長沙，塘褔，終於到水口村了。

去到村口，見到有幾隻牛牛，妹妮好開心呀！即時手指指數下有幾多隻牛

呢兩隻佢叫做daddy牛同baby牛。隻daddy牛食完草自己行入村，但係好快比兩隻狗追住佢趕返出黎。

好彩EE醒目帶架拖車，唔駛揹咁多重野。本來想上星期黎架，不過check過潮退唔夠，要今個星期先退得夠所以而家先去。今日個潮真係退得好勁，一路行既本來都係海黎架，爸B前面隻船重擱置左係度

咪睇好似一片泥地咁，其實有好多螺係度郁架，個地仲濕濕地潻

近睇下仲有好多寄居蟹揹住個螺行架

close up下先

個海邊tun到好遠呀，相信就算潮漲都唔係好深水啫

魚腸同妹妮掘下蜆仔，聽講有人掘到成幾斤拎返屋企架！

呢D背光相好有feel呀，我地去到個灘都成5點了，啱啱好影到呢D黃昏光

我地懶得行到海邊，行到一半就停低‘扎營’， 係村口租左幾張櫈仔同泥鏟，將所有行裝掛晒上架車仔度

EE仲煮左鹵水雞翼，紅腸同妹妮最鐘意既腸仔

仲有泡泡熗呀

點知妹妮興𡚒到一直拑住個制，唔駛幾分鐘D波波就玩晒了！

掘到第一粒蜆喇！！！ 點知遞比妹妮佢一句話 ‘我唔要’ 就劈左落地！比佢激死。

魚腸黎到咁完都撞到朋友？！

基本上今次得3個人掘蜆唧，有兩個掛住影相既

跟住帶妹妮行出去海邊玩水，佢就話一齊 ‘劈’ 一手執起D沙劈出去

掟得好有勁架！！ 另一邊有好多人係度掘蜆架，我地仲見到有個後生仔捉到條海參潻呀！

妹妮都係鐘意玩水多D，佢問點解呢到要著鞋？平時去海灘do唔駛著鞋既？

其實D水都同普通沙灘差唔多，而且無垃圾，都數乾淨既。不過始終唔係泳灘唔係游水用

玩左一陣都成6點了，但係仲有好多人呀

叫左好妮好耐先肯上水

走返去爸B度，我地話一陣再玩過，佢不停話要玩耐D ﹣＿＿﹣“

返到大本營食下同飲下野，唞一唞先

妹妮今日自己一個隊左成4，5條腸仔呀！最後無晒腸仔紅腸都照殺，不過就唔食邊。點知食到一半跌左落水，佢差D想喊，我地話下次再叫EE煮過啦，先OK。。。真係咁餓咩？？

好了，收拾行裝去沖涼，其實我地都掘到十零隻蜆架，不過炒埋都唔夠一碟就放生啦。爸B寫左妹妮個名呀，話時話我地去咁多次沙灘都好似未係沙度寫過名呀

嗱，好多呢D蟹仔架！佢地走得好快，sip一聲就呢左入沙孔入面架喇

我地搭返巴士出東涌

問好妮今日好唔好玩，佢例牌話好玩架啦，問佢下次再玩過好嗎？佢加一句 ‘ 要玩耐D’   比佢吹漲！

行左一陣outlet，我地仲出返市區去食日本野，今日真係盡興呀！！