上星期日了（8月28日）算係暑假last day，因為星期一就開學，不過都係返一日，放兩日，至星期四，五都係返兩個鐘，提早一個鐘放學。一早我地去食早餐，今日節目豐富呀
爸B買左新相機，今日試機啱晒！
我地去街市食早餐，妹妮而家見鏡頭都好湧躍望鏡頭！
弊在有時唔係笑，而家做埋D騎呢表情，唔嚇死你唔罷休！
唔知點解可以反到隻眼咁，我見到都有D驚呀。
正常番喇！
今次去個新playhouse，唔係新開，係我地未去過啫！
呢度環境都好乾淨，又算幾多野玩，無playtown咁大，不過人流亦無咁多。
妹妮無停過咁玩，不過又成日要我地跟住佢玩，叫佢自己一個玩佢居然識講：一個人玩好悶架！ 比佢吹漲！
其中一樣最鐘意玩既係跳彈床，跳極唔攰
跳入波波池當自己去左潛水一樣潛入去D波度
架車仔差D迫爆坐唔落喇
再跳大彈床
可能一個人玩真係有D悶，佢成日呢係呢個甲蟲入面叫我地，唔及時應佢仲忟到個樣都變形！
總括黎講妹妮都玩得好開心，叫極都唔肯走！ 趕狗一樣趕左好多次先肯離開，都玩左三個幾鐘仲話唔夠，真係精力過人！
跟住我地外賣麥當當上車食，你睇佢玩到個頭都濕晒，臉豬都紅卜卜。
下一站去探下太婆，太婆而家成日瞓覺，因為都唔會再自己行了，多數都瞓係床上。今日好D，撞正沖涼時間，看護幫太婆沖完涼之後坐出大廳睇電視
等太婆沖涼之際
妹妮都無時停，一路玩，唔攰架咩？？我已經好攰了
妹妮都有細細聲唱歌比太婆聽架，不過平時見親太婆都係瞓著左，而家太婆打開眼望佢，佢又龜縮！
坐多一陣我地要返屋企晏覺豬喇，因為之後仲約左Ellie同Gwyneth去游水架！
覺豬左兩個鐘，妹妮仲未夠喉，叫佢起身去游水都唔願郁，仲懶住床唔肯起身。我地唯有淨係去食晚飯啦。
朋友仔Ellie
仲有Gwyneth
食完飯再去Ellie屋企玩一陣，妹妮順便要開個大
嘩，上到去玩，仲有雪條食！D爸爸就一齊波
Ellie仲細要入playpen玩，兩個大D既就唔客氣拎晒Ellie D玩具黎玩呀！
唔知佢地玩咩
不過妹妮自言自話傾電話就好似真既一樣，一時又仰頭大笑，真騎呢！
磅下重，康然 23磅
Ellie 20 磅
妹妮 41 磅
又係時侯講bye bye喇
No comments:
Post a Comment