我愛十月之 預祝妹妮媽me生日晚飯＠迪士尼

10月16日，我同妹妮聽日就生日了，妹妮眨下眼4歲大了！！真係嘆時間過得太快了，成日都唔想妹妮大得咁快，想佢永遠都係BB. 以前個頭仔咁細真係得意好多呀！

一歲時第一次去迪士尼，士迪仔係第一隻成功合照而佢又唔驚既卡通人物，之後見到其他卡通人物佢都驚到喊晒！



第一年同第二年我地都有買pass, 經過幾次挑戰佢大約歲半已經唔驚D卡通人物了



三歲時， 即係舊年因為要返半日工，無得去迪士尼去左小白鷺



足足無去迪士尼成年！！今年4歲生日再來慶祝

我地本來訂左黎迪士尼酒店住架，不過媽me公司又有野搞（唔知點解呢兩年生日個星期都有野搞！搞到我地黎唔到！）所以放工先黎得到，於是爸B話不如今晚淨係黎食個晚飯先啦



一早無通知妹妮去邊架，淨係話佢知今晚去一個specaial place，會見到好多‘朋友仔’，晏晝要記住覺豬呀！話時話其實妹妮都儲夠貼紙去迪士尼架喇，不過佢自己都唔記得了



未夠鐘我地去行下鋪頭先，見到D公主裙佢話呀belle個條靚喎，不過佢最鐘意白雪公主噃



影下相先啦



細路仔見到會郁既野都特別有與趣，好似貓捉老鼠一樣！



即時抱起又錫又呵，好彩佢從來無扭買野架唧

呢排近哈佬喂，週圍都係halloween佈置呀



因為buffet 都好爆，我地只book到二輪 8：30-10:30, 仲有十幾分鐘我地落樓下等下



點知樓下原來有間playroom比小朋友玩架，仲有story telling session潻！揀幅圖畫就可以拎張黎填顏色



妹妮居然揀左張ham ?!! 記得有一次yaya問妹妮知唔知口中既火腿係咩黎架？之後yaya指住呢隻豬話係pig, 係HAM 呀，你食緊阿ham呀，妹妮即時皺晒眉話 no!



個playroom個姐姐好好人架，仲教妹妮畫米奇潻



當然跟唔到人地畫得咁靚啦！



7成似啦！



之後姐姐將張米奇畫成生日咭送比妹妮呀






終於夠鐘入坐喇！成8點幾未食野，又肚餓但見到groofy又唔想錯過噃

個buffet都幾多野食架，個甜品counter更加吸引！



妹妮第一個見到groofy已經好開心，睇相都知！



不過佢問點解groofy同其他公仔都唔講野既？於是groofy扮同爸B講秘密，妹妮見到又講野比groofy聽



唔知同groofy講左D咩笑到縮頸縮膊呢？



佢今晚同groofy真係好friend呀，仲掹住

groofy 走左 pluto來了



妹妮真係開心到暈！



我就出去攞野食先，雖然個buffet d野食唔係名貴食物，不過就有好多種類，選擇好多而且都幾好食架！




因為萬聖節仲有特色食品潻


米妮出現喇！每次妹妮見到d卡通人物都好似見到久違了既朋友一樣，走埋去hug一大餐先！



今晚groofy特別鐘意妹妮咁，我同妹妮去厠所時佢走黎搵妹妮玩呀！好彩我地啱啱行返去。問妹妮最鐘意邊個卡通人物呀？佢又好識做答groofy噃，groofy都比佢冧到！



終於等到米奇喇！！不過我地同米奇影左幾幅相佢就走左了。



而家又多一門生意，幫我地影相晒大整埋匙扣賣，不過D相都偏黃，好似我地自已影個D仲靚所以無買呀



乖乖開餐了！



食雪糕幾開心！



妹妮而家4歲要比錢了，好彩佢今晚都有食番夠本



睇佢食得幾開心，而家大個女唔駛食baby food，都到邊食到邊了




Pluto又番黎，妹妮捉住佢條尾，兩個在打 圈，pluto扮搵緊妹妮



差唔多夠鐘收檔，米奇同groofy再同D客人玩埋最後一轉，今晚有好多人生日呀，聽到幾枱都有米奇唱生日歌，不過呢幾枱都有訂生日蛋糕既



嘩，跟埋groofy走？？叫住佢，妹妮另轉頭話：我去睇下咋，就跟住groofy走去行了！



食埋朱古力噴泉，醜樣到嚇得死人！



最鐘意扮鬼扮馬！



幾難得先影到張正經相



其實食buffet真係食唔到好多，好快就飽，不過我地都慢慢食坐到散場先走，臨走再整多杯雪糕比妹妮一邊行一邊食



相信佢今晚都好開心！



每次行過都話要企係度睇下幅畫，索性影埋相啦



返屋企了！！妹妮今日算滿載而歸啦，又食左雪糕又見到咁多‘老友’，仲有生日咭潻！



臨走時門口個叔叔讚妹妮條裙仔好靚，我叫妹妮講聲thank you, 點個佢回應個叔叔‘唔該’ 



返屋企了，明天生日正日再續！