探思行

十二月八日（星期三），啱啱開始轉涼了，妹妮件校褸終於可以出場喇！之前有朋友以為呢件係買黎去街著既街褸呀，入面D毛毛裡感覺真係好暖架。

 

難得下晝得閒，帶妹妮去探思行BB。思行中秋節個幾日出世架，而家兩個幾月了，妹妮上次生日會時，坐月中既媽咪都比面帶哥哥行行黎玩，不過個時思行太細個無黎，我地等到而家先有機會見面咋。今日咁蹺有其他auntie，uncle同小朋友一齊黎，不過妹妮有D怕醜呀。

佢係對住人先怕醜架，自己卻又唔客氣走去摷行行D玩具玩

好難先捉得住咁多個細路影合照架

妹妮都算有愛心，走去輕輕摸下思行

本來諗住買個蛋糕去當tea食，順便比D細路吹下焟爉，點知原來今日有個auntie Agnes 生日呀！

D細路嘟晒嘴同EE 一齊吹架，其實行行已經醒左，不過可能見咁多人又怕醜唔肯一齊吹焟爉。

無見咁耐，反而好快同妹妮熟絡，仲叫妹妮去佢張床攞玩具潻！

原來係行行新歡熊貓呀！行行成日攬住佢既。

不過妹妮鐘意行行個新拖喼多D，可能想做空姐呀！！

趁行行都醒埋，齊人又再影合照

Cathy EE送朋友走時妹妮終於發現yayaGigi抱住思行呀，走埋去睇下先。

妹妮趁EE唔知仲抱抱思行潻！不過EE放心，我地𥄫到實架，思行好安全架！

剩番妹妮同行行繼續玩

好friend咁噃！

又一齊玩puzzle

玩玩下又玩到入房，妹妮又去摸下思行。我地問行行可以比我地帶妹妹走嗎？大人都講笑話佢一定話好，點知行行叫姐姐𥄫實我地，唔好比人拎走妹妹呀，原來行行都好錫妹妹架！