HAPPY HALLOWEEN!

今年搵左件神奇女俠衫，著起又幾好睇噃

照舊去對面屋苑個club house玩，因為幼稚園朋友仔住係度，我地呢幾年都一齊玩

妹妮好好彩，每年大抽獎佢都有份上台捧獎，我地每年都會將得獎禮物同朋友仔一齊分享！但係今年朋友仔個家姐（6年級）已經無興趣再join呢d Halloween party了，唔知妹妮仲會想玩到幾時呢？

九州仲夏之旅 Day1

實在太懶了，暑假都過埋，但係積落好多野未寫，先寫返去旅行遊記先。呢次我地去左九州，其實今次去九州都係大半年前換成功換機票至有得去！我甫住國泰網好多次但從來換唔到，永遠Waiting到起飛日都未有，偏偏今次好早confirm到機位，農曆新年時已確認到。點知九州大地震，原先目的地係熊本同阿蘇都被迫要取消了。本來都有諗過未出飛票轉地方，但係好多其他地方都滿坐，加上當支持下當地旅遊業啦，繼續成行了！

呢次係去左日本咁多地方都未去過既九州，第一站係博多！第一間酒店係博多Blossom好近博多站

房間都比東京酒店大好多！

因為飛機delay了，本來11點機變左成1點先起飛，來到已近傍晚了！呢幾日可能係祗園山笠祭，博多站門口有一大座花車，我地幾大都影下相先！

後面咁大座花車據講係由男士們肩托重達1噸的祭禮用大花車（名為“山笠”），全速跑過博多市內。由七月一至十五日，最後一晚會玩到零晨，可惜15晚我地會去左別府，所以無緣見到了。

第一晚我地留係博多站行下，因為淨係眼見呢度有幾間百貨有又好多野食咁。但第一時間我地落左百貨超市買左d野食過下口癮，個拖羅卷超抵食，好正添呀！！阿蘇係農場，照計佢出d奶唔差得去邊啦！

反而百貨就無咩野買囉，我地第一晚無收獲

上到百貨頂樓有好多食市，我地第一晚揀左食火煱，見到呢間餐廳d牛好似幾正

碟牛真係幾靚，不過份量唔算大

有3款湯底，豆乳，sukiyaki，同清湯選擇，我地揀左sukiyaki壽喜燒。待應仲幫我地用肉卷住d蔥來吃

其實我地只叫了兩個餐，但係有白飯有麵所以最後都飽飽的

回酒店時，晚上著燈後既山笠好靚呢！

Maui 2016 ～ Day 4－5

第四日早上，我地去左呢間連名都讀到繞口既餐廳食早餐。。。Humuhumnukunukuaplia 個名有無咁長呀！




上午係free time所以呢日就游下水，呢度有私人沙灘，如果妹妮都跟埋黎佢實好開心啫！




玩完沙灘走入泳池玩，呢度隨左普通浸下水，仲有幾條滑水梯！妹妮一定鐘意呀。

就咁hea左一個上午都幾舒服架

隨左滑水梯我仲玩左跳水添，呢度個沙灘同泳池都幾啱細路玩，不過機程實左太遠，相信帶埋妹妮再黎既機會都好低了






那邊箱係香港係五。一勞動節，呢日妹妮跟左EE同姨丈住左晚。EE帶左妹妮去零碳天地玩，本來佢地講過去佐敦谷公園但呢日落雨所以去左呢度，見佢有野餐有吹波波應該好玩呱

呢個房景望出去海天一色真係好靚，我日日都忍唔住要影張相



酒店週圍都見到呢個景，於是又影下相



下午有activity，以為係聽talk




開頭有中學生表演下夏威夷樂器，跟住係請左d嘉賓黎講下野，呢個係一位大導演。據聞之後仲請左唱Frozen Let it go 果位歌手來唱 let it go，但係我同爸B已偷走了



因為返房梳洗下準備晚間既celebration dinner，聽日就走了，所以走前有餐dinner聚一聚。又話要dress up但係食飯地方係草地！今次著左高踭鞋要行草地真係一步一驚心，每一步個踭都插入草地，好難行呀






幸好天氣唔熱，夜左仲有風涼涼地添，否則食到身水身汗都幾辛苦




天黑後d鬼佬走晒去舞池跳舞，我地就影下相算了

話咁快又第5日了，早餐後hea一陣就準備去機場。可惜無咩假淨，如果可以再去Honolulu stay behind就好了！對上一次去Honolulu都有十幾年了！！今次有幸來到Maui，都唔知下次會係幾時了

去到Maui機場，仲要坐呢d小形飛機到Honolulu，再飛關島先返到香港。好彩我上機就瞓得著，一陣就過左8個鐘到達關島，難委爸B瞓唔著，所以話呢，相信我地都無咩機會再咁轉折咁去夏威夷了