遊川龍

1月23日，我地今日有諚去，去邊？今次去郊遊一下，近近地去大帽山既川龍村。妹妮每次上車都話忘記帶太陽眼鏡，我次次都叫佢出門前就要提媽me喇，佢今次真係記得！有太陽眼鏡喇

山長水遠黎飲早茶，我地十點幾到已經無車位了，好彩等左一陣有人走先泊到位！

呢度自助形式，連沖茶都自己來。攞野食一樣，不過比起一般酒樓呢度D點心種類更多！

有D好舊式既點心呢度都有

除左出名西洋菜之外，最出名係山水豆腐花，聽聞係用山水做的，會特別滑。

妹妮食得幾開心！

 

不過話時話D豆腐花又唔算特別滑

 

 

飲完茶, 我地係附近行下先

 

落去D農田度參觀下啦

 

香港好小有呢D地方了, 所以橫掂一場黎到就硬係逛下啦

 

D西洋菜好嫩呀, 以前都買過黎食喇, 不過今次卻又得個睇字, 無買到喎

 

睇完菜順便行下山

 

呢度有條行山徑架! 不過行小小好喇, 因為妹妮行多兩步就要抱抱

 

行左半個鐘我地返轉頭了

 

晏覺過後, 我地再出動, 今次去沙田home square睇傢俬, 因為妹妮開始迫爆bb床, 唯有幫佢買張新床啦. 行街街之前先去醫肚. 好耐無黎呢個商場, 而家唔同好多, 多左好多鋪頭行呀!

 

 

叫到一枱都係, 不過而家妹妮開始食得多大人野, 我地出街都算容易搵到野比佢食.

 

妹妮好鐘意行宜傢架, 因為又多示範單位, 又多野比佢搞搞震, 又無人盯到實

 

 

求其嗱上手都可以玩一餐

 

最鐘意係去玩波波池, 今次仲唔怕醜大聲問d姐姐'你識唔識潛水呀?'

去到睇地毯就鐘意呢係地毯入面玩撲呢呢

 

個鼻仲靈! 離遠就聞到有爆谷, 叫住要買, 今次自己排隊買

 

行到埋去同姐姐話要popcorn, 比埋錢潻!

Parents day

最近妹妮好識冧yaya呀, 以前都已經成日講 yaya i love you, 而家就加多句, if you don't love me, i will be sad. Now, do you love me? -__-"  雖然有d虛偽, 不過yaya當然都好冧啦, 點可以唔鍚佢吖.

仲有呀, 妹妮份人好管家婆架, 好鐘意理埋你個份同埋照顧人, 好似過馬路有車駛過, 除左自己安全仲會叫埋同行其他人快d小心車呀, 又要拖住晒一齊先得架. 上到車又要你都戴好安全帶, 又要所有人上晒車先比撻車, 驚死你會掉低未上車d人咁. 呢d大家姐性格都唔錯呀.

一月廿二日, 學校家長日兼open day, 讀了一個學期, 係時候見下老師了.

我地約好9:30, 一早食完早餐便去霸車位. 因為九龍塘咁多學校, 加上家長日實大把車爭位. 好彩好快搵到位, 我地無遲到

嘩, 入到學校好似嘉年華一様, 有攤位遊戲又有爆谷食, 妹妮聞到已經知有爆谷, 自動埋去攞野食

原來每個攤位吸個印, 儲齊就有禮物喇. 今日有好多家長做義工呀, 不過我地都係懶人一簇所以無舉手呀.

之後見班房兩位老師都仲見緊家長我地又週圍玩下d攤位先, 妹妮玩得好開心呀.

因為有得油顏色嘛.

首見miss Becky, 佢話妹妮d英文好好, 係one of the best in class咁話, 因為shapes, numbers, colors都識晒, 又可以表達自己, 尢其在細b班算係好好咁話. 不過我地最想問係妹妮平時係屋企咁嘈, 係班入面係咪好怕醜呢? miss Becky話佢唔算活躍, 不過好留心同埋speak at the right time, 問問題會識舉手答, 但係份人就好sensitive, 成日唔想做得唔好. 好似寫字寫得唔似會唔開心.  而miss To就話妹妮一切進度都ok, 廣東話又進步好多. 不過如果要在全班同學面前講野就會有d扭擰, 睇黎妹妮要多d練習對陌生人唔好怕醜了.

老師又比妹妮既profile我地睇, 入面會儲住由k1去到k3既profile架.

好似佢畫人樣, 分辨眼, 耳, 口, 鼻

男仔, 女仔...仲有自己屋企成員, 居然多左個brother?!

我地無咩問題問老師呀, 好快就見完, 再出去玩下攤位啦, 試下畫tattoo上手

妹妮揀左米奇老鼠

哈哈, 原來係應該由義工或老師畫架, 比我'得'左落去畫潻, 不過都ok吖!

好快就玩晒d攤位, 點知個胃食妹又走埋去爆谷攤位眼望望, 老師問係咪想再食佢居然唔怕醜'up'頭! 又呃多包爆谷了. 臨走見到同學仔nicole, 泊埋一齊妹妮高半個頭, 個個都問妹妮食咩大架?

真係走了, 去換埋禮物袋先.

仲有氣球潻! 見到妹妮返到學校好開心, 我地都好放心. 因為開學時次次問佢返學點呀? 佢都話no school today, 仲驚佢返得唔開心, 而家安樂晒!

Gruffalo's Child

前幾日一早就聽到妹妮大叫‘嗲D，哥哥is dying！’， 一出黎睇見到條魚就反咁側住身游水，缸水有好多魚糧，一定係妹妮係咁倒魚糧落去等佢食得飽得滯啦！見佢個口一下一下好慢咁吸氣，當刻覺得唔好放棄，我知唔理佢yaya就會諗住佢死硬當佢圾垃掉左去。連妹妮都㕲起個口扮哥哥唞氣，於是試下換盤新水，佢都係打側游，但係見佢好似好想求生咁，好盡力去游。好彩幫佢換左水，妹妮放學返黎哥哥已經好返晒！！無再打側了。妹妮見到哥哥仲係度好開心，以後都唔好倒咁多魚糧喇！

個傻妹無啦啦玩呢埋，唔比yaya見到佢

最近好貪靚，洗面同揸cream要戴頭箍！-__-"

1月22日，我地去睇Gruffalo show呀！妹妮好鐘意Gruffalo故仔，聽完要即刻再聽，爸B晚晚講都唔厭

因為呢D show太貴了，而且細路同價，我地淨係兩個人去咋

一坐低就睇下場刊先，好多ABC小朋友黎睇呀

因為個場細，我地三佰幾蚊雖然係N行不過唔算太遠

妹妮說好興𡚒了

開場喇！！ Gruffalo 同 Gruffalo's child。。。好渣呀，同上次Elmo個D公仔既做型，今之好簡單囉。

仲要成個show係得呢三個人出現咋。其他故事入而既動物都係象徵式打扮咋，好似蛇就只係個男演員著件閃閃既西裝，貓頭鷹就只係冷衫加大眼鏡，都唔係真係有動物做班出現。我擔心妹妮唔明個D就係動物呀，不過佢又話明。

個show一個鐘就完，連break都無，不過問妹妮鐘唔鐘意，佢都話鐘意。

出到去有氣球派呀，仲有gruffalo's child簽名，不過要排隊我地影下相算了。