黐纏父女

終於搞好電腦入面過相既問題，可以load到相寫下blog了！！ 話說上月爸B去左杜拜同台北工幹， 一去就成兩個星期咁滯，所以無同我地去長隆旅行。今次係爸B咁大個人第一次離家咁耐呀，好彩而家有妹妮陪我，諗番起如果未有妹妮，可能會請假跟爸B一齊去埋當旅行都唔定！ 而我地就盡量都每日同爸B通話，因有時差，所以爸B去杜拜果幾日都唔係日日通到電話架。不過就幫妹妮影好多相，得明就掟幾張比爸B以解相思之苦囉！



話時話D相係yaya係屋企同妹妮影既，等我返左工都有得睇埋一份！

唔知呢張係咪掛住爸B或媽me時既樣呢？

D 呢臨瞓前一頭散髪媽me就覺得好得意嘞

去左咁耐，爸B只買左零食返黎當手信咋！！

爸B返屋企已經深夜了，第朝一早妹妮衝入我地房即時跳上床攬到爸B實一實，仲雙眼都紅晒，真係好掛住個爹D呀，見到佢咁痴纏真係覺得好sweet架。

呢日我地一早去飲茶，妹妮已經猛黐住爸B，又攬到實一實，話同爸B拍拖喎！仲下令叫爸B放返14日假陪佢，真巴閉！

父親節到了！妹妮又點會無父親節禮物呢，呢張咭佢好比心機整架，整得好靚潻呀！

呢日妹妮拎副lego出黎玩，佢好小心奕奕架，因為呢套my friend lego D 配件好細件，佢成日好驚唔見左D架。佢仲要媽me同佢玩role play架，每日扮一個公仔，十足我地細個時一樣！

父親節我地一早去食晏，因為呢日到媽me要飛了！！妹妮知道媽me夜晚唔一齊食飯，話好野！可以同爸B牚枱腳！！妹妮真係極愛佢爹D架。

呢日係妹妮同爸B既節日，我地一早都打左電話比公公傾下偈。妹妮出奇地揀左要食小籠包

乖妹妮幫全程幫媽me拉喼，其實貪玩就真！ 呢日媽me架飛機delay又delay，早D通知就同兩個寶貝食埋晚餐先去機場都得啦！兩父女呢晚牚枱腳食pizza， Happy father's day!

妹妮睡姿

最近整理個hard disc同相，搞好耐都搞唔掂，所以pose唔到相呀。但摷到好多妹妮覺豬時影既相，最近瞓覺佢會叫yaya幫佢整好D頭髮，好似長髮公主咁喎！以前瞓覺淨係攬住barney就夠，而家多左另外3隻！仲要每晚都係呢4隻公仔，床邊有好多隻公仔，但妹妮只會臨瞓前幫佢地執好位置，make sure大家坐得整齊。但攬住果4隻就晚晚都係攬到實既，真係好長情呀。每個公仔都有自己既名潻，有時瞓醒唔見左隻佢就會問Sabrina去左邊？ （係呀，專改埋D長名架！）

瞓著覺時個肥而豬真係好引人咬架！

同佢一齊影相，驚覺佢個頭都幾大噃！但妹妮除身高體重爆錶外，頭圍一向都正常，唔係超大頭架，可能係角度問題呱？

某日放學食飽飯，佢話好攰想休息下，點知一扒底就插水式瞓著左了。

幫佢反番轉先，平時佢既睡姿就係青蛙腳向兩邊牚開！唔知係咪豪邁形呢？

前個星期甩左第二隻牙了！一放學返黎就show 比我睇，好彩學校幫佢用膠袋袋好咋。原來係學校tea time時，食食下蕉甩左出黎。妹妮話坐對面個同學仔見到佢甩左隻形出黎，指住佢話：你隻形呀！！慶幸今次呢隻牙又你一D都唔痛咁甩出黎，仲要係食住蕉咁甩，真係幾經典！

兩幅早排影既相了，覺得件衫仔好cute好靚呀，不過好似細細地了，妹妮好快D著多幾次呀！

普通話兒歌 ＜小公雞＞

 

妹妮學左國語都有三年幾了，佢兩歲入nursery 班已經有國語學。幼稚園又有國語班，加上參加興趣班，佢d普通話比爸b媽me叻架。有次我將朱古力講成＂ju gou li"  妹妮即刻笑我亂噏！應該係＂巢卡Li " 至啱呀！

近呢半年普通話班換左老師，又會幫小朋友報下朗誦比賽，妹妮又參加下啦！其實比佢參加都係想訓練下佢大膽d，夠膽對住一班人講野。初初參加時佢都好怕醜好驚好細聲，其實玩多兩次已經明顯有進步，叫做大膽左。見佢唔記得台詞就深呼吸，好搞笑！雖然係屋企就咁大聲，但係去到比賽就點都有d怯，加油妹妮

母親節 長洲包山遊

5。12 母親節，今年母親節爸B飛左去杜拜＋台灣出差，我同妹妮兩個慶祝。妹妮好乖呀，一早就話整左禮物比媽me，但係要母親節先比我當surprise。母親節一早起身，佢就急不及待跑入房去攞一直收埋既花送比我！扎花係學校手工堂做架，用左小小舊離誌紙做花莖，都幾靚呀！！

其實早幾日上畫班都已經送左一份禮物了，呢個相架好靚靚呀，超鐘意！！

呢日本來約好EE一齊入長洲順便睇下包山，我地未見過真包山架。點知一早就落雨，好彩十點左右停雨我地就照原定計劃去玩。妹妮第一次去長洲咋，媽me自己都無去長洲十年有多了！EE仲買左隻新錶比妹妮潻.



有船埋岸喇，呢日超多人！！

妹彩我地霸到一行位咋！EE之前一日整左鴨仔macaron同蝴蝶酥，但係原來妹妮對macaron麻麻地，佢話太甜喎，於是食晒蝴蝶酥。

記得以前D船好似可以出甲板吹下風，而家無左了。其實我同EE細細個時，公公成日週末都帶我地去長洲游水架，我記憶中細個成日去海灘架。

坐左成個幾鐘船終於到長洲了！！

睇佢幾興奮！

黎到都係想食下野，第一樣就食長洲魚蛋！媽me有同事住長洲，間中就買魚蛋返公司比我地食，今次黎到更要試下其他味啦

妹妮都好鐘意呢D超大魚蛋，佢自己都食到一串（兩粒！）

又真係幾彈牙好味既

週圍已經好多店鋪開始賣平安包紀念品了

突然一陣驟雨，我地入左茶餐廳避雨兼食晏

紅豆涼粉冰， YUMMY！

飯後行過單車鋪，我地租左單車比妹妮踩，唔駛行得咁辛苦吖麻！加上淨係行路，佢已經話長洲好悶無野玩了！有架單車踩下佢好開心呀，都係＄10一個鐘，全日都係＄20！

妹妮踩單車我地幾個大人就行路，睇下風景

又去左公園仔坐左一陣比妹妮自己放電

佢自己兜圈已經好開心好enjoy咁

連EE都要踩埋一份？？

踩左一個鐘車我地就還左車了，向包山出發！途中見到有伯伯賣蝦乾

妹妮覺得好得意，因為原來真係一隻隻蝦排得整整齊齊咁晒乾架！

由鮮蝦去殼

晒到無水份變乾



最後變成蝦乾！

呢日都幾熱，行左一陣都有D身水身汗了

去番大街，經過好多鋪仔後就到包山了

已經見到有小朋友開始練習飄色了，唔知攰唔攰架呢？

佛誕個包出比賽就係呢度玩架喇！

呢度仲有D假包山比人影下相留念

仲有攤位遊戲潻！！妹妮後面個真包山可以比人試爬架，但太多人所以我地無排隊呀。

淨係排左呢個彈彈床比佢玩！妹妮猛話想試爬包山，但係我地話去睇左第D野先

呢幾座包山都係用真包做架

我地又行番出大街，呢度週圍都係包山，同平安包呀

呢D就係北社出品

我地都幫襯下先，有蓮蓉，麻蓉，同紅豆。我地買左麻蓉同紅豆

於是又搵間餐廳食個tea抖番下

呢款叫 橙檸 既飲品似乎係長洲特飲，好似好多餐廳都有。其實係橙汁加檸水。不過大熱天時入口又幾涼快！

行番出碼頭，一路上都有好多平安包紀念品 。仲有D民族服店，都幾多野行架！我地都買左小小野呀！

行行下準備番碼頭時, 妹妮突然好似醒左咁話 : 喂! 又話去玩爬包山既??  我地E-E-ER-ER 咁帶開話題, 又話好多人掛唔到之類. 好彩佢無死纏爛打.  呢日妹妮就收穫豐富了！又食左大粒魚蛋，又買左把扇，又買左對拖鞋

臨走仲encore一次魚蛋，仲買左個金魚手袋潻！

上到船個look已經轉晒了！仲唔係滿載而歸？！

我地買左平安包同魚蛋返屋企做‘手信’

妹妮呢個look好似日本妹仔呀，媽me覺得好似宮騎峻卡通入面D細路呀



我地轉渡輪返左尖沙咀，見到rubber duck同埋好多有關鴨既野賣，妹妮梗係鐘意氣球啦！仲話唔駛錢派喎，你就想！！邊有唔駛＄？最後EE買左比佢囉！

呢日母親節應該食咩都排長龍，我地揀日本野唔駛排即有位！

呢個母親節節目真豐富，連妹妮都話呢日好開心