Field trip --＞ 大埔海濱公園

等左好耐，開學到而家先第一次去旅行咋！以前讀playgroup時都一個月一次啦，點解上左nursery反而兩個月先有一次去？真係的到頸都長！因為而家妹妮自己返學，無以前咁要有yayaGigi叮住，我再揸車跟尾。而家學校只比一個大人陪同，所以要多個一個人陪就要自己揸車，今次無預yayaGigi，我跟上校車一齊去算了。

一早落樓下等校車，點知見到Tali，佢今日成個迷你小公主咁，因為學校有個dress up day喎。你睇Tali幾迷你？舊年５月妹妮都有參加Tali 2歲生日會架，即係佢大過妹妮５個月，不過好似無長大一樣，仍然好細粒好的骰。

兩個好似街童一樣坐在壆上等校車。

返到學校了，未齊人之前可以自由活動，妹妮即刻去踩單車。

出發了！上車後比份小三文治妹妮頂下肚先

成班鴨仔去到大埔海濱公園，今日居然有好多爸爸家長出現，仲有Ｄ媽咪爸爸都一齊黎。過左幾日陰天，今日終於有Ｄ太陽了。本來妹妮行一陣就想抱抱，好彩比老師見到我抱住妹妮就話：Aerin come down，no baby in my class!　就係用呢句做了我成日的擋箭牌了，之後每次妹妮扭抱我都話teacher says no baby，咁妹妮又死死地氣繼續行，哈哈！！

愈行愈熱，妹妮已經成頭濕到淋晒，連我都變到水人一樣，好似沖完涼咁。真係比Ｄ天氣玩死，諗住今日天氣報告話陰天，都無準備士啤t shirt比妹妮換衫，唯有中途見好多家長都幫仔女除衫，我地都除在件底衫仔。

今日朋友仔行行都有一齊去旅行，不過太熱自己又成身汗，又要追住妹妮，又幫自己抺汗又幫妹妮抺汗又揸住飲品又要揹住部大機影相，無咩機會一齊玩。上到一道橋老師叫同學們影下相，不過大家都熱到無咩表情，妹妮仲雛晒眉頭。

嘩，唔係呀？要牚到上頂？

望清楚仲要無電梯，即係上到去之後要沿路行番落黎，不過為左妹妮都要上啦

好不容易終於捱到上去了，一大班細路坐晒落地唞唞，順便影埋大合照

妹妮都有夢妮既一刻架。

行行之前一晚唔夠瞓，今日仲要行咁多路，攰到佢死拑住媽咪隻腳都唔肯落地。好彩妹妮見到都無扭抱抱

比包野飲妹妮，佢就乖乖地一路行一路飲。不過飲紙包飲品暫時仍然好麻煩，要千叮萬囑唔好squeeze包野飲，都仍然會啣到漏，可能要hold住包野飲又唔可以好大力揸住到小朋友係有難度呱，雖然今次好左，不過仍然間中就忍唔住會大力左。

熱到死死下，有野飲可以補充水份，以前都未試過飲得晒250ml架。

今日揸住包飲品係咁扯

仲未飲完，影左咁多幅幫利賓納賣左好多廣告呀！haha

影相都仲要飲

中途睇魚魚時又食下餅乾，妹妮睇完魚猛問where is crocodile? 我地下一站只不過係去insect house，可來有crocodile 呢？本來仲有好多相，不過size過大load極都上唔到網

入到insect house，妹妮見到好多昆蟲標本，大開眼界！

旅程尾聲例牌會去公園比Ｄ細路玩下，否則一味行可能Ｄ細路下次話唔黎了。

妹妮同行行一齊去玩呔盤扮揸車

今次仲有吹波波玩！！

教妹妮浸過皂水之後將個拍左右擺便有波波

點知佢一見有波波就連個拍都掉埋！

臨尾有家長幫我地影合照，今日真係又熱又攰，我睇下次都係自己揸埋車，叫埋yayaGigi一齊黎好Ｄ！

間日去街街

最近愛上了燒鯖魚，之前間中都會點燒鯖魚的，不過通常去食日本野都會去食壽司居多，所以無食一排。最近同同事去食日本餐，再叫燒鯖魚，真係覺得好好味呀！其實呢個餸都無咩難度，只係將條魚燒熟就得，所以我打算買番黎自己試熟，以解我相思之苦。

今個星期妹妮參加的興趣班放完假重開，妹妮勁鐘意返學，因為中心在一個商場內，又有最鐘意的麥記。未夠鐘已經催住我地出門口，於是今次帶妹妮去朗豪坊影下相。其實好多商場都有主題佈置，但我地來來去去都係去個幾個，好多地方都無影過相，今日順便接埋好耐無見的Winny a pooh姐姐。

妹妮去到商場就好似放狗一樣自己走，仲嚴禁我同yayaGigi行埋Ｄ，呢張相就係佢趕我地走既証據！你睇個樣幾𤷪憎！

見Ｄ裝飾幾靚拉佢去影相，點知見有櫈就攤低！

點解Ｄ杯同茶壼拎唔起既？

Ｄ櫼都係痴住晒

妹妮最鐘意big fish!每次飲茶都要see fish先肯坐定定

呢個文昌位呀，妹妮走去揸下支筆啦！

無幾耐Winny姐姐到了，妹妮叫姐姐做Winny a pooh，因為細個時唔記得咁多名，所以就話呢個係Winnie a pooh等佢易記Ｄ，點知叫到而家。

夠鐘了，我地去學校裝下妹妮，今次呢個係音樂班，模式同通利一樣，不過妹妮投入好多，一路都有聽老師指示。之前成班同學都係你有你講佢有佢玩的。

難得有姐姐探妹妮又派利是，就去食個‘high tea’啦！妹妮飛佛麥香鷄。

影相都唔離手架

仲有埋Ｖ潻！

最近妹妮鐘意扮卡通書入面人物的表情，呢個係hanny manny

似唔似？

新年餘威

今年新年紅假特別短，以往通常連住星期六，日都差不多有４﹣５日假，今年正式黎講都只得兩日，真係無癮！好彩返多三日工又到weekend，年假mood都未清，星期六，日繼績個放假mood。

每個weekend都會出街食早餐，妹妮咩都食，去茶餐廳就食火腿通粉，多士，成件揸住咬。

妹妮每次瞓醒覺豬塊臉豬仔都紅卜卜，又暖笠笠，加上呢排大食積所以番漲番，真係想咬一大啖，不過個惡婆乸而家識反抗，你咬佢會即時大聲叫NO! 用廣東話問佢係咪惡婆乸佢會識話no。

瞓醒覺心情靚靚

我地飲來飲去都係幾間茶樓，去到呢間佢會想食粥。今次大進步自己食到大半碗，我只係幫手餵左幾啖。

係茶樓已經望住樓下個公園話要play slide，飲完茶都走唔甩了。諗番起自己都廿幾年無去公園玩，而家又重歸公園懷抱，仲要搵下邊到有靚公園潻。

妹妮去公園主要係sir 滑梯，自己sir之餘都不忘吩咐你跟住佢一齊。-_-"

但個傻豬一瞓低sir就會咪晒眼直至落到地下，但如果坐係度sir又唔會咪眼噃，真騎呢。

每次妹妮出街食早餐，回程時都會在車上瞓著，眠完之後爸Ｂ帶妹妮去playroom 玩，玩完一輪我地去探ＢＢ。Kennis ＥＥ生左個Ｂ女呀！我地女子組又多一員，妹妮又多個伴了！

見到小ＢＢ，諗起妹妮啱啱出世時都係咁上下dai dai粒架咋，而家諗番都仲記憶尢新，仲好似係昨天的事。轉眼間妹妮已經又跑又跳又多嘴了，好悕墟呢。