妹語錄

前幾日同妹妮一齊去百佳濕平, 點知我只不過整跌了枝洗頭水

妹妮就話 : mami drop things

我話 : yes, mami drop something

之後妹妮話: silly mami!

我諗 : X#$Y#*&!#!!!

 

*************

因為每朝都會玩動物puzzle, 而每砌到貓貓都會扮圖中瞓緊覺的貓

個pose叫cat cat sleeping, 此時雙手合拾放在下巴則然後咪起雙眼扮瞓覺

跟住就話 : mami, i'm cat

我問 :媽咪呢?

妹妮答 : mami pig

咁daddy呢? 佢答 : daddy pig -__-""

 

*************

.

而家除了一味聽你指示外, 示會資詢你意見, 例如同佢畫畫, 會問我 : which color do you like? 然後塞你想要的顏色筆比你.

 

另外

最近口頭禪係會突然爆一句 : you are so funny!

下? 好似你funny一d噃

 

尋日同yayaGigi去百佳, 行到衛生用品時, 居然指住包衛生巾同yaya講 : yaya, this is whisper. yayaGigi話當時好突然, 原來平時妹妮睇電視d廣告都 '學到野'

 

**************

 

一日我正同妹妮坐在地上玩，想慢慢溜走去換衫

點知妹妮即時手拍住旁邊地下叫住：mami, come back here!

之後yayaGigi來頂替我，我換完衫再埋黎咀咀妹妮

現實妹妮見有人陪就推我走，仲話：don disturb!

跟住yayaGigi走開，我又坐在另一邊

妹妮見無人陪又叫我：mami, sit down in the sofa!

比佢吹到啤一聲。

平時鐘意指令別人做事，連上星期家長日teacher Janet都話妹妮係班中的leader，但語氣上要開始soft D，否則大個後就好似點人做野一樣，人地聽到可能覺得硬耳。其實在家中都成日要妹妮講please 同thank you，不過妹妮一心急就忘記晒。趁上nursery前要好好再培育一下先得。

 

不過有時都會好識do 講d甜話冧下人, 好似星期日幫妹妮沖完涼後爸b幇妹妮抺乾身換衫, 妹妮突然一句: 嗲D, i love you! 爸b即時溶左

有著落！

今日放工開信箱嚇見幼稚園寄來的信，明明話十二月初先開始通知，點解咁早有信收？拆信時個心真係蹼蹼咁跳呀！！！見到‘letter of acceptance’ 呢幾個字個人先鬆番晒，可想而知有幾緊張！因為呢間係我們最想入而妹妮又表現最好的第一間面試學校呀！真係要開香檳慶祝下！！而家收左兩文三語morning class，唔駛再擔心另外兩間收唔收了。yayaGigi話可能妹妮自己都揀左呢間所以當日表現比起另外兩間都好。點都好總算安樂晒

上回講過妹妮開始戒食粥仔了，有時會食下芝士通粉，蛋波菜。個螺絲粉我試過都覺得幾好味

仲鐘意自己𢳂來食，不過經常未到口已經跌落地。

最近飛佛係‘my first 1000 words’呢本書，呢本書好勁，成本迷你字典一樣！有Ｄ字我都唔識，妹妮從呢本書學識好多生字，連chimpanzee都識埋。仲有Ｄ國旗都識得幾枝，如中國，加拿大，菲律賓，瑞士等，值得推介呀！

妹妮見到禮物圖畫便對我話‘mami，i want big present’（注意：係BIG present，small present就話 no, I want big present）吹漲！！

既然要禮物，又怎小得聖誕樹？於是趁上週未拿拿臨set up番棵聖誕樹先！

妹妮都有幫手掛聖誕吊飾的，不過只掛一個咁大把！

Oh christmas tree! oh christmas tree!

臨近年尾特別忙，公事私事皆忙，又有飲晏，又有gathering dinner。到遲遲才想起要拎番棵聖誕樹出來，既然舊年妹妮咁細都有砌樹，今年妹妮大個女更加要砌樹啦！

年年番用的掛飾，每年只增潻一個半個。

咪me :　妹妮快Ｄ來幫手掛啦！

真係有幫手噃！

無啦啦爸Ｂ同妹妮玩騎牛牛

星期日yayaGigi放完假回來又有小禮物比妹妮，原來係之前教過妹妮‘present’。妹妮話想收到present，所以yayaGigi便整個相架等妹妮知道咩係禮物同拆禮物嘞。

拆禮物真係令人好開心架！！不過幅相影到妹妮好醜樣呀，成個呀燦一樣！！

從櫳底搵番多年前咪me仍是美少女時同爸Ｂ去日本旅行買的headband，仍然新淨呀，因為連吊牌都未拆仲係全新架！！妹妮戴起仲好睇過大人戴（其實係大人size來的）。

妹妮似乎都好like it呀！

大白兔

上個weekend，去探成個月無見過的公公。這日開始回暖妹妮變身大白兔，件衫舊年的，難得今年著得落硬係趁著得到著多幾次啦，不過本來配這件衫的legging已經變成四個骨了！

每次去飲茶妹妮都當去水簇館，猛話要睇fish fish。而家仲叻，指住每一缸話這缸係fish，那缸係crab，losbster。

又學人扮影相

睇相睇唔到，其實妹妮一路跑一路扭pat pat，好搞笑！

嘩，爸Ｂ就快抱唔起妹妮喇，因為妹妮而家有成３２.６磅呀！真係抱多一陣雙手都疪呀。

上電視！都幾上鏡噃，可以去做童星哈哈！

大白兔黎喇，加埋妹妮勁鐘意hop hop hop袋鼠跳，扮白兔無難度！

我們成日去何文田寵物街食早餐，但就帶妹妮睇過寵物，今日專程逛下，不過影相又係影魚缸。

親子音樂班

因為部腦拎去整搞了成３個星期，本來有好多相都未有時間load相，其實呢輯相都成三個星期前了。

那天我們報了通利的親子音樂班開課，去之前比小小生果妹妮食頂下肚。點知好似馬騮一樣每邊臉豬塞一粒，儲埋慢慢食。

今次第一堂居然爸Ｂ肯陪妹妮上堂！！！咪me因為約了朋友去晚飯所以只係陪去。

去到琴行第一時間一支箭衝了去鋼琴處起勢㩒

彈完一部又去彈另一部

仲要坐埋上櫈彈潻，你估你真係識彈咩？！

雖然望落都彈得似模似樣　

等到入班房了，爸Ｂ係唯一的爸爸，其他都是媽咪來的！我即時諗全部媽咪都唔駛返工，咁歎？本來妹妮入班房有Ｄ驚，不過老師給她棉花糖後即時ok晒

我就周圍逛買定小食等放學。爸Ｂ話此班主要係唱下兒歌，有Ｄ簡單樂器玩下，雖然得４５分鐘但對他來說悶到爆。妹妮則整堂課都自己走來走去又去𥦬簾呢埋，無跟老師唱歌。相信爸Ｂ以後都不會再陪妹妮去上音樂班了，就交由我同yayaGigi接班啦。