平安夜party 之２

呢張其實係朝早出門前影的，因為妹妮剛剛著上聖誕裙時好抗拒

yayaGigi買的電子琴，妹妮經常當個咪係望遠鏡，不過其實佢裝望遠鏡隻眼係咪埋了的。

party返黎已經拆左Oli姐姐下晝送的禮物了！

嘩係matching cards黎，仲有mister men的vcd，兩份都好益智的，套vcd仲有教英文字法音潻

黃昏妹妮落playroom玩時一班uncle auntie就殺到上黎開party了！

點解得咁小食物？我地初頭都覺得點解得咁小？仲諗定要叫定pizza hut外賣潻，因為以往多數都會叫個十人餐再加壽司，不過今年就啱啱好全部食得晒

康然來了，妹妮今年多了個朋友仔, 今年二月先出世架

 

即時變身大姐姐

 

康然一爬上身, 妹妮即時硬晒呔唔敢郁. 即使係被禁住塊臉都無反抗 

 

真係乖嘞

 

康然見妹妮咁乖就鍚番姐姐

 

下年party又會再多個小朋友喇, 而家say個hi先!

 

被叔叔拑住妹妮個樣一樣硬晒呔

 

都係拆禮物開心d, 多謝auntie, uncle送來的數學咭! 妹妮可以學多樣了. 我家的書妹妮已經讀晒, 而且每本都翻睇過無數次. 仲每本都有個名, 一講就知邊本.

 

終於戴上咪me的製成品, 隻色幾靚呀, 上鏡後顏色仲sharp d

 

嘩, 點解uncle坐左我部琴既?

 

merry christmas!!

平安夜party 之 1

24號平安夜公司搞party, 見妹妮無學返日日悶在家中, 就帶埋佢返去玩下. 呢度新地方, 妹妮都係第一次黎. 今日扮成聖誕小姐, 套衫係石板街買, 都幾得意吖!

仲有好多姐姐圍住妹妮玩潻! 個個見到套衫都讚妹妮pretty girl, 佢簡直飄飄然.

因為有人讚, 所以自己都話好鍾意, 著住跑來跑去熱到出汗叫佢除左佢都唔肯, 係要話 : I want to wear dress!!!

第一次試食迷你珍寶珠, 我叫佢放入口, 無幾耐就掹返出黎話 mami, I want to bite. 我話呢個唔係bite架, 佢又梅下梅下食了半粒. 都係食唔晒.

之後又話 i want to drive, 仲做埋扭呔盤手勢, 同點Oli 姐姐 sit over there陪佢坐車.

嘩! Oli姐姐送了份大禮物比妹妮呀!! 妹妮好開心呢, 多謝晒Oli姐姐!!!

呢度咁多份係抽獎用架

pary食品有火鷄

仲有成張巴枱咁多食物, 不過妹妮淨係食左意粉咋. 

女士們大合照

你睇佢又擺甫喇, 今次扮陶醉呀, 好難頂.

老闆都有黎露下面, 祝酒時你睇妹妮都有嗱住杯野飲扮聽講架.

媽me攞'獎', 妹妮硬係要幫手啦.

抽獎了! 每人一份禮物, 睇下抽到咩?

嘩妹妮你做咩咁高難度動作呀? 扮軟皮蛇?

妹妮有番咁上下份量, 所以不時要換人抱抱, 否則雙手會發麻. 而家輪到Moon姐姐.

其實抽獎途中妹妮已用乾電池要唞唞, 索性比佢當我地張大飯枱當床瞓. 成隻乳豬一樣大覺瞓!

Snoopy land + 冬至晚飯

聖誕又到了, 臨近聖誕通常都特別多野做, 而家先補返上星期的.

話去話去, 去了幾次都無去過, 今日終於黎了, 去snoopy公園呀! 因為自己都未黎過, 原來好細咋, 不過勝在算多卡通人物可以影下相. 入面仲有得坐船仔, 等我問妹妮想唔想row row a boat, 妹妮話想時先見到要在商場購物先可以坐船! 我地第一站就黎, 都未買過野, 好彩妹妮好易就被我地分散到注意無再扭坐 !

妹妮已經高過隻snoopy了.

不過矮過Lucy

上校巴, 一月開始, 妹妮就會搭真正的校巴返學了, bye bye!

花生漫畫的人物, 其實除左Charlie brown外, 我都唔知佢地叫咩名.

返入商場, 見到好多禮身裝飾, 已經雙眼發光, 走埋去big present到影相.

之後又去食壽司, 妹妮最鍾意的麻醬豆腐, 自己可以食晒成舊

 

冬至晚飯, 連續兩日冬至晚飯, 第一晚星期一爸b家人去食日本自助餐. 其實幾奇怪, 通常都食中菜嘛, 居然去食日本餐, 一d都唔似冬至飯, 不過係爸b提議的, 無計啦.

第二晚去公公家, 今次食盤菜, 當然公公一向都有拜神, 所以離唔開仲有湯, 鷄, 燒肉等. 妹妮當晚飲了成大碗湯, 飲完仲要潻飲, 但妹妮整晚玩怕醜, 叫極都唔肯同公公講soup soup yummy. 問佢soup soup係咪yummy呀? 佢又話係. 到EE,舅父走晒又熱情番晒, 臨走時又hug又錫公公幾次咁多.

未食完就想去睇電視, 叫佢坐上梳化睇, 又會乖乖自己爬上去, 乖豬!

Last day of playgroup

妹妮大個女了，返埋上星期五呢日就脫離playgroup行列向nursery邁進。一月起就無人陪上堂要自己返學，仲開始自己搭校車潻。

今次last day，學校搞個聖誕party，仲可以著自己衫唔駛著校服！

妹妮急不及待要戴帽，相信去遲Ｄ旅行唔駛驚佢唔肯戴帽冷親了。

見屋苑門口咁多聖誕花硬係被媽me拉去影相啦

今日送妹妮去學校，可惜又有工作只能送到門口留一陣就走，留比yayaGigi陪妹妮玩了。去到學校時間尚早，所以去平台公園仔打發下時間。妹妮見屋就走入去，仲吩咐我 mami sit over there -__-"

呢排興玩一個拍掌遊戲叫做 'clap clap clap'，相信係佢自己諗出來的，玩法係不斷重覆同妹妮high five，邊叫‘clap clap clap’，其實好無聊下。

入到學校了，平時嚴禁影相架，今次party例外咋。妹妮最鐘意玩車車

話自己：‘ride tricycle，not bicycle’

成堆大ＢＢ坐埋一排好得意，不過點解妹妮零舍大件咁既？

好鐘意皇冠潻，因為公主會戴皇冠嘛，希望妹妮的公主病無咁快發作啦。