Art Jam

前幾日同爸b去飲早茶, 行過見到有間畫廊, 入面幾個細路仔係度畫畫, 好似我上次去art jam咁各有各畫. 於是攞張章程睇下, 原來有小朋友班, 3-4歲就玩得. 我同爸b諗妹妮實鐘意, 因為上次我畫個幅畫妹妮勁鐘意, 又話想自己畫, 而家有幾會喇, 我地即時sign up埋下晝個trial 班

下晝3點上堂, 平時妹妮食完晏就會nap番個零鐘, 但佢今日好晏先瞓得著, 瞓得45分鐘就要摷醒佢, 不過一聽到去畫畫, 好快彈起身喇

入到畫室, 妹妮有小小怯, 不過老師幫佢戴圍裙佢都無驚

坐埋位後, 老師叫妹妮串出佢個名, 妹妮就 A. E. R. I. N 咁串出黎, 我當時真係有d surprise架! 平時爸b個手提電話號碼, 妹妮都記得, 不過我見佢成日撈亂d字母, 而家記得到喇

今堂得三個小朋友, 其他都大個d而且應該學左一排了. 我地朝早經過時見到d小朋友係臨摹一d圖畫既, 有個3,4歲女仔畫緊一幅公主圖. 老師話任小朋友自由發揮, 無指定題材, 真係好似大人去art jam咁.

老師首先問妹妮最鐘意咩顏色, 先油左個底色先. 妹妮居然無揀佢飛佛既黃同綠而揀左橙色. 為左唔阻礙妹妮, 我都係離開好d, 於是係門外裝下佢. 見佢點下點下d顏料, 好得意呀.

初初見佢咁耐都未油晒個底色, 點知大概45分鐘已經晝得七七八八. 初初見到中間撻黃色都唔知係咩, 跟住見到老師捉住妹妮隻手用白色綑邊, 即時見到朵花形

佢差不多畫起時已經鬆毛鬆翼, 拎住袖畫周圍行, 又走埋去個鬼佬度唔知講咩. 見到我同yaya係外面就想走出黎showoff幅畫

真係搞掂幅畫了, 見妹妮攞住杯掃, 原來係跟老師同同學一齊去商場洗手間沖洗番d掃

好似幾隻鴨仔一樣, 不過可以比妹妮學下要清潔番d工具

好快又捧住d掃返黎

妹妮好似已經熟晒地頭, 行來行去

又走番埋位欣賞下自己幅畫

妹妮真係好proud of 自己幅畫呀, 猛叫我地 'le 太, le 太'

yayaGigi話平時妹妮返美勞班都從未有咁開心攞住自己既作品架. 今次妹妮唔止覺得自己幅畫好靚, 仲識話 I draw this beautiful flower, 又解畫話上面係pink sky, 下面係草, 可以walk on it, 仲話草下面又有mud 潻. 又話聽日(應該係下一堂)要畫animal, 我地問咩animal, 佢都諗定係老虎...我諗佢真係好鐘意呢班呀...於是咪速速磅水比錢報名囉!

學生相

今個星期要交留位表比學校了, 因為出年上k2了. 其實照計全部人都會直升架啦, 轉校既同學遞退學信咪得囉. 點都好, 今個星期要交表又要交相. 我地好耐無同妹妮影學生相了. 上k1時都係用緊未滿兩歲時專登去影既professional學生相咋

爸b仲話唔駛影過啦, 用番咪得囉...大佬, 個樣都唔同晒喇噃!! 於是懶懶地幫佢係屋企影黎試下.

星期一妹妮有咳又流晒鼻水, yayagigi話妹妮無覺好瞓, 半夜流鼻水. 所以比佢放日假, 順便去睇埋醫生. 沖完涼試影下先. 撇除燈光, 技術, 影學生相真係唔易架, 又要佢望鏡頭, 又要佢定定地

笑得多得滯又唔得

不過既然係digital, 影多幾張都唔怕

嗱, 呢張又老積得滯, 個笑容又奸奸地

呢張雙眼又望左上面

呢張又太木獨, 影左廿幾卅張, 都揀唔到張啱既

第二日再影過, 好似光度好d咁呀, 不過重要係妹妮個d表情配合先得

都係不斷影, 繼續試啦

順便影埋d得意表情啦

好似呢張似樣d喇, 算正正經經, 又四四正正. 不過梗係出街影個d pro 好多啦, 個身有小小側向一邊咁, 有小小八/二面咁靚好多, 不過自己影, 係咁上下了.

再執下個底色...其實我只係識好小editing 既野, 所以都唔敢搞咁多effect, 盡量唔覺眼就算了.

成品!

反而影個d生活相仲容易

表情有幾古怪都得, 你知妹妮幾多表情架啦

去睇醫生, 佢今次一d都唔驚, 以前一入醫生房就扁定咀. 今次叻到自己同醫生講 : 咳咳, 流鼻水. 醫生問喉嚨痛唔痛, 佢又識話小小痛...醫生都讚佢大個女, 唔駛再驚了.

爸b個日幫妹妮係醫務所磅重有成四十磅, 我以為個d要自己調校既磅好難睇. 返到屋企磅電子磅, 原來真係有成40磅呀...3歲半都未夠40.8磅係咪重得滯呢?!! 我記得自己妯個時偏細粒, 好似成小學幾年班先有40磅架.

sunday 玩玩玩

星期日放假, 今日節目好豐富呀. 我地又去飲早茶, 始終都係飲茶可以hea耐d, 唔似茶餐廳咁趕頭趕命嘛. 而且妹妮都鐘意食點心, 飲茶食食埋埋可以當一餐lunch架.

本來諗住同佢去溜冰, 點知佢猛話要去playtown唔肯溜冰, 我地無去playtown成半年都有, 唔知點解佢又會諗起playtown呢? 可能係上星期去完生日會又有波波池又有大滑梯, 念念不忘呀

無playtown去, 細細地play house都頂住當先啦.

都無黎玩好耐了, 今次妹妮主攻射波波, 呢排妹妮好鐘意槍, 見到圖書入面有槍竟然話想要一把. 有時又拎起d長型物件當槍, 然後'砰砰砰'咁當開槍

以前都無興趣玩呢個波波槍架, 今次見人玩又要玩

一有位即攝埋去, 原來好多細路都鐘意玩架. 不過其實係一味塞d波波入把槍, 然後禁一下制就射晒d波出黎...然後又塞過入去

走去跑步機, 居然跑唔郁架機!

都係再玩射搶啦

唔夠波波又要去執過

執滿兩桶慢慢入啦, 玩呢個都好, 我唔駛騰上騰落跟佢爬來爬去, 舒服好多呢!

又再落去想接波波, 但係又識話自己唔夠高接唔到!

攞完一桶波, 但係d槍比人霸晒了, 我話不如去玩其他野啦! 佢都ok, 不過要收埋桶波波囉 -____-" 搵d 磚遮住佢先

放好波波後就去踩單車, 好似減緊肥咁, 之後桶波波比個媽咪攞左, 不過妹妮好大方比人, 無搶番, 我地去玩第d野好過啦

玩下車仔

去波波池, 佢當正係度游水一樣. 玩完佢自己話攰要返屋企. 我話返屋企瞓覺豬啦, 佢以為係講緊佢係隻豬, 話自己係瞓覺白兔

晏晝瞓醒覺豬又有第二場, 去QQ club party. 一去到已塞滿人, 初初以為爸b會話走吧啦, 點知佢又願意同人迫. 妹妮去畫個花面貓先. 我發覺佢真係門口狗呀, 平時係屋企大大聲, 見到老師變鵪鶉!! 一坐低好似驚到頭都耷咁

一路畫佢都係耷低頭好似賴怕醜咁

晝完都仲鵪鶉緊!!

爸b比佢自己睇下個貓樣, 真係貓樣黎架! 本來我話佢瞓覺白兔不如畫白兔樣啦, 佢話要畫貓樣

因為有好多攤位遊戲, 每玩一次有一個印, 儲得愈多印又有獎品. 呢個遊戲係讀英文, 不過妹妮又怕起黎, 埋到位都想掉頭走! 後來見我地都陪住先肯坐低. 但係跟老師讀句句子真係蚊滋咁聲, 聽唔到囉...係咪扮緊野呀?? 想扮矜持???

跟住去砌積目

再去玩印畫

當佢見到平時教佢美勞個teacher Danny, 佢即時變番正常去嗌住人打招呼

再去普通話corner玩, 妹妮都聽得明老師指示, 又可以講到小小

玩左咁耐去break 一break 食個tea先. 因為之前撞親隻牙, 佢而家識用另一邊牙咬食物, 唔駛整親

tea完返去玩cooking class, 用d好似playdoh物體整野食, 都係每人一份搓搓下

妹妮揸住自己舊野都好專心聽老師教佢地點做

做好了!! 估下係咩? ...係熱狗黎架!!

仲真係食得架潻!! 好似d好粉既糖味. 我地就咁玩左成個下晝呀!

最近因為日本地震, 搞到輻射危機, 而家d日本食品都驚有輻射感染, 搞到日本奶粉荒. 之前報紙都有報導日本奶粉被炒到貴成倍!! 而我訂開間供應商都話而家日本人自己都唔夠食, 所以短期內都好難有貨返. 聽講卓悅有日本奶粉以正價發售, 每人可買一箱, 於是今日順便兜去睇下. 點知兩間都賣晒我地食緊隻bean stalk, 反而其他牌子如和光堂, 古力果, 明治都有大把貨, 大, 細b貨都仲有...唉, 唔知係bean stalk受歡迎定係佢地零舍小貨呢?? 長遠計都係時侯幫妹妮轉番歐美奶粉了, 同事介紹美贊臣A+, 有幾個同事d小朋友都飲緊, 於是又順便問埋藥房, 點知又係周圍無貨既, 去到一間得一千零一罐咋!!

呢幾日行開萬寧, 百佳都有望下奶粉, 美贊臣都係長期缺貨. 好彩原來可以去美贊臣訂貨, 一次訂3罐, 咁唔駛驚妹妮無得食喇!