初六Ｂ聚

又是半年一度的Ｂ聚了，多數都是因為朱sir從英國回港才有原動力把大班人召集出來。今次趁新年又聚一聚，等小朋友們再見下面，不會忘記這班同是２００７年出世的５隻豬女朋友！

今次多了７個月大的思行同４歲哥哥力行，上次見面已是８月中在金鐘飲茶，思行仲係２個月大咋！

uncle同auntie 一早已預頂好食物同party room了。

妹妮要飲奶，各大小Ｂ見到奶樽即雙眼發光，就算已食飽的都湧埋黎！奶樽在Ｂ界果然有威力！

到大人開飯了！小Ｂ們又食過。

力行哥哥今次第一次出現於Ｂ聚，其他全部都係小妹妹，唔知有無悶親？

梓悅同爸爸朱sir

高妹Clara，經過幾個月無見，妹妮都開始發功，而家唔係矮Clara好多咋，個頭仲要大Ｄ潻。

在party room玩一陣後落樓下的play room玩，大家都走來走去。不過妹妮出牙仔心情煩燥，一反常態無心機玩，連滑梯去提不起興趣，經常扭抱。

Sophie想一齊入箱玩，妹妮就發掹。

Astor EE 同 Uncle David派利是，個個都識做去接利是，醒！

又返去party room，終於人齊了，開始交換利是！我買了小書仔送小朋友，梓悅媽咪都買了小禮物派比小朋友。

妹妮代咪me派利是比Clara

大合照，無見半年ＢＢ們都大個好多了！

指定動作要影的合照，除了２００７五條女外，今次多了兩個０８出世的小Ｂ，陣容更頂盛！

左起接年齡排：阿五妹妮，７個月大思行，阿四Sophie，阿三梓悅，阿二Clara，大家姐元元及元元的３個月大細佬。

妹妮大喊，yayaGigi唯有抱走佢，其他小Ｂ好乖呀，可惜妹妮moody得緊要錯過合照。

去年１月１日的Ｂ聚，大家還是ＢＢ呢，妹妮當時兩個多月大咋。

妹妮心情什差，一放低就喊，成日要抱抱，又tum又哄都無效。

連影張相都唔制，元元都無眼睇。

最後我們唯有先行撤退返歸去，原來妹妮牙肉腫漲，已見到有牙仔標緊出來，難怪心情煩燥，唯有體諒一下，下次再玩過啦！

更多Ｂ聚相片ＨＥＲＥ！！

很Ｑ的朱古力餅乾

以前都在報張雜誌見過Q-pot的報導，它的東西都好可愛，好像只在Dmop有得賣。不過就從未有專程朝拜，就算之前去東京旅行都掛住睇衫無去下探Q-pot。早幾個星期看到報導它們在海港城會開分店，於是有一份要買而又未買的朋友生日禮物就有著落了！今日終於有時間去朝拜了，於是買了一個手鍊Charm作為朋友的生日禮物（希望她不會看到這篇blog住）。自己則買了較‘舊款’的餅乾頸鍊...是２００７冬季作品。其實香港店得很少貨品，其中有香港限量的mango macaron。

不過自己鐘意餅乾collection 多Ｄ，看上去有Ｄ似Oreo，餅乾是木製的，彫刻都幾細緻，看上去也蠻矜貴呢。由於macaron那些是pvc製的，聽說很易會吸收衣服的顔色，所以都是其中一個不選的原因。

初四回歸平淡

初四回歸平淡，真係嫌假期太短放得不夠。

一早又去拜年，因carol姑姐仍在坐月不能出外，就趁爸Ｂ返工前去探探姑姐及新表弟。

今次妹妮見到表弟就大叫‘BB...BB’，見到ＢＢ飲奶的奶樽同自己的一樣，妹妮好似想把樽搶回來，最後要立即沖奶給她！　不過今次對表弟幾friendly，仲主動要touch，好似無上次的抗拒了。

妹妮例牌擋自己屋企周圍走，bb飲完奶返房休息，妹妮又跟入房要摸bb。

大個女喇，表姐嘛！坐在櫈仔成個老積妹咁。

探完表弟送完爸Ｂ返工，妹妮去第二站的咪me公司倒亂。其實妹妮好多時weekend都同爸Ｂ陪我在公司食早餐，所以環境一點都不陌生，不過weekday就多好多週未不會出現的同事了...所以有利是逗了。相片都在同事的相機，有相再登。

今日用上星期的搞笑相頂住先。話說妹妮一不小心‘逛’甩了一朶菊花，為整蠱她我同爸Ｂ就好大聲的‘哦！！！’，然後指住妹妮。最初她只aware到自己整爛朶花，無諗過會比人炳。

但冷血爸Ｂ同咪me繼續敦起個樣...妹妮開始個咀扁下扁下，而且走埋爸Ｂ腳下扮樹熊攬住榕樹腳。

之後仲谷出兩渦眼水在雙眼上瑯下瑯下

總括來說妹妮係個幾簿皮的女仔

初三赤口行街街

今日係婆婆生忌...默默的說聲happy birthday。

話咁快就初三了，又是最後一日假期，時間真係飛逝，又要返工了。

這張相本來是昨日登的，不過忘了　是妹妮第一次同桃花合照恭賀新禧啊！

尋晚妹妮瞓得好好，可能係因為瞓於爸Ｂ咪me中間特別夠安全感吧！由十點幾一覺瞓到今朝７點幾！面珠仲紅卜卜，好想咬啖呀！

今日無地方要去拜年，所以近近地去海港城食晏算數。天氣好似回暖了，不用穿羽絨，著邊件褸呢？試下親子裝吖！

不過最後都無著，留返妹妮大個點先啦，好似大件了一點呀。

由於病了幾天經常有人抱抱鍚鍚，搞到而家懶晒唔願行。一去到商場又扭抱，仲喊晒。

去到和花亭爸Ｂ已急不及待攞碟食住先，妹妮得個睇字無份食。

喂爸Ｂ，拿拿聲叫碟比我食啦！

終於有份參與了，叫了碟暖笠笠蛋壽司比妹妮，不過她只會食蛋。

同爸Ｂ鬼鬼馬馬的偷睇什麼？

又互相古惑地偷笑！

自製全家幅

同桃花影相，好難先捉得住妹妮，因為她喜歡周圍跑！又突然跟路人say hi。

連鋪頭入面的姐姐都唔放過

突然見到呢幅牆會叫mickey！都唔知妹妮幾時開始認得mickey仲要識叫個名？？

去蠃店買flash card，因為妹妮已熟讀半年前買的兩套了。睇呢張相妹妮成個少女喺圖書館一樣。

買完後又幫咪me手拎，真係乖

之後去探太婆，太婆對人都無什反應，可能連我都認不到了。不過只要眼光落在妹妮處，太婆便會講：你好靚女呀。可惜妹妮怕醜教極都無叫一聲婆婆，希望下次妹妮肯開金口啦！