雜記

妹妮最近畫畫進步左好多，有日一早自己畫左幅畫送比我地，有野我地幾個架。右邊兩個‘著裙’係我同yayaGigi，左邊兩個係妹妮同爸B， 爸B將幅畫攝入電腦case入面，妹妮見自己幅畫‘貼堂’不知幾開心！

某個weekend妹妮唔係好舒服，星期日都要去睇醫生。又度一度高，而家好近110cm了

不過可能因為胃口無咁好，同上個月一樣重，無增磅。。。而家大約40磅多D

妹妮已經唔再驚醫生呢個人物了，去到要吖大口就吖大口，要聽心口就比醫生聽

醫生幫佢㩒下肚仔都無有怕

 

返到屋企, 妹妮仲將d藥改晒名, 最大兩支梗係爸b同媽me啦, 其餘就係佢同朋友仔. 妹妮自己係橙色, 其他就係Gwyneth, Alvin, Ellie, Sana

 

聖誕節時同朋友仔gathering時，見大妹妮幾個月既朋友仔一見鏡頭就會V手，當時妹妮次次都愈叫愈發夢，而家佢都識見到鏡頭就舉個V手勢喇

去到海港城巧遇Alvin同Irene，好耐無見，妹妮都大左幾個碼了

去到city super，指住D糯米糍話要食，好餵食呀

自從農曆新年係電視上睇過一次大戲之後就鐘意左chinese opera，之後每次見到大戲D poster都會指住大叫！今次去左間酒樓有粵劇油畫，妹妮仲唔即時走埋去影相咩？！

今次有朋友仔Ellie，可惜康然唔得閒，妹妮成日想搵‘郡neth’（Gwyneth)玩呀

雖然Ellie未識同妹妮玩，不過佢就當Ellie係BB咁

好想幫auntie Kennis餵 Ellie食飯仔架

幾有愛心？攬住晒架

嘩，仲想帶Ellie去邊呀？睇下Ellie, 臉有難色喇！

Juicy girls

好耐無update，因為最近部PC壞左，d相都係晒部機度。。。而家catch up下5月既日誌先。

5月26日 Juicy Couture Elements store 開幕，Wendy EE約埋我地去，梗係第一時間帶埋妹妮啦。話晒我地都有幫襯下架！

話比妹妮知有party去，佢超開心呀，原來佢以為係生日party個d party呀。一去到見到鋪頭display個士兵，佢即時大叫hello soldier! 因為知道Sana同JJ都會去，仲係門口度大叫佢地個名。﹣＿＿﹣“

我地入去先，無幾耐Sana都黎左，其實佢地兩個見過一次咋，不過個次已經friend過打band，攬頭攬頸喇。今次見面，妹妮第一句話 ： 我3歲呀

Sana : 我4歲！

妹妮 ： 不過我好肥 （仲照一照鏡 -_-")

Sana 玩部新Iphone, 平時我地好小比Iphone妹妮玩，所以好多遊戲佢都唔識架，得個睇字

JJ都黎埋喇！不過原來成間鋪都無男仔野，好彩我地都係逗留一陣，JJ唯有玩D七彩波波啦

三個圍住Iphone，蘋果威力真係大！

兩個女仔就試下D fruit punch，飲番杯野先似去party架嘛！

合照

飲飲食食一輪，係時候埋單了，妹妮即買即著。。。因為呢晚有discount，而且佢呢件係 10 歲碼 但係著起又唔係好大件，可以著好多年呀！！

兩個好似名人咁走出鋪外, D人以為佢地係真姊妹潻

走過對面開餐先

妹妮同Sana好friend架，仲餵Sana食花生，不過自己就梅左兩下就𠼱番出黎

8點幾JJ 開始扭計了，Wendy EE同JJ 先返屋企，妹妮幾熱情，仲嘟晒嘴錫錫JJ bye bye.

兒童twins，兩個肉騰騰

行去停車場兩個都一直拖住手，又好hyper

下次要早D出黎玩先得喇！

去街街

幾個星期前了, 去左啱啱電視上小儀介紹間餐廳食早餐

再送妹妮去學小提琴, 間餐廳又真係幾懷舊既. 個早餐A都幾好味, 鮑魚火腿絲通粉妹妮食左大半碗

出到門口見到咁多麵包居然仲話想食!

平時食親早餐， 佢都最鐘意食火腿同香腸。前幾日yayaGigi叫妹妮問我火腿係咩，咁啱佢拎住本TOYSTORY書，我咪指住入面隻豬話ham 就係呢隻豬囉（咁蹺隻豬個名又叫ham）你就係食緊HAM 喇。妹妮聽完後即刻皺晒眉話NO。。。好似好驚自己食左叫HAM咁

有時又會無啦啦蹺埋手捌歪面扮嬲，真係唔知邊度學返黎！

有日去和民食滑蛋豬扒，比佢試下打蛋

搞勻佢

落蛋喇！咪睇妹妮咁大隻，其實佢好懶咬肉架，要好碎佢先肯𡁻，不過麥樂雞例外！所以呢D吉豬我話比佢知係nuggets，佢就好易咁食左3塊！

有時妹妮好sweet架，無啦啦會話 ‘媽咪我好鐘意你呀’ 咁，呢D情況尢其係當你帶佢去poo poo時會特別講得多！佢poo poo時會不停口講野架，真係好騎呢！

諗住買件潛水質地既泳衣外套比佢，等佢落水無咁凍

點知佢自己擸住件衫周圍揭，好似真係自己shopping咁

story telling

5月15日

平時妹妮勁鐘詫聽故事, 每個故事都百聽不厭架. 有日收到book store有個story telling既event, 比3-6歲細路, 即時打去留位! 去到書店門口對住間戲院, 妹妮竟然記得佢係度睇過戲! 不過問佢係邊套戲佢就唔記得了...係小矮人阿莉阿蒂呀

兩'仔'爺

夠鐘入場喇

我地第一次參加呢d活動, 早d到好d, 點知係第一個到

今次係由呢本'The sand turtle' 既作者親自講故事

開始作者叫小朋友們畫下心目中既龜, 開正妹妮個瓣

妹妮好努力畫隻龜, 先畫個圈先...

隻龜唔知點解個樣係正面望既呢? 仲有埋眼同鼻架

畫好之後作者擺晒所有畫出黎, 妹妮寫自己個名又要個個字母唔同色, 都未寫晒自己個名, 作者就收起幅畫. 妹妮即時望住我地, 我地叫佢自己同作者講幅畫未寫好個名架, 佢真係走埋去話 not yet finish my name. 作者就比返佢寫埋個N字. 平時妹妮係我地面前大大聲, 其實個人好怕醜, 對住外人即刻細細聲, 所以今次佢算係咁喇

開始講故事了, 個個都好專心聽架, 不過有d 細d既小朋友扭計, 妹妮就分心了, 成日望住喊緊個細路無聽書...我諗佢係學校都係咁. 大約一個鐘就玩完了

.

攞返自已幅畫先, 呢幅就係妹妮既龜了! 仲有貼紙派潻

聽完故仔去睇下書先, 其實係見個姐姐睇緊書自己又扮睇書, 都係揭下扮下咋.

之後去成日都book唔到位既大榮華食飯, 食下圍村菜, 其實都係同平時d小菜差唔多.

當然要叫個豬油撈飯啦! 豬仔食豬油, 不過只係落小小好喇

再加d鼓油

撈埋認真yummy呀, 仲食晒成大碗呀!!

 

妹妮平時返學對波鞋開始緊緊地了, 咁啱呢個星期playroom又關左, 於是帶妹妮去逛下街, 去到鞋部佢已經自己唔客氣攞住對水靴自己試

好難先穿得入去, 即刻開心到好似會買咁!

大腳八而家著18cm了!

呢對黑鞋仔係舊年暑假去北海道時買架, 仲一買買了兩對唔同size. 妹妮9月K1開學時著左第一對, 而家都未夠一年已經話緊要著第二對了! 本來仲諗住可以出年開學先著對新既, 而家唔得了, 連波鞋都要學期尾黎換對新既, 激死!