溜冰

9月16日，呢日同妹妮去完模擬小一面試，我地去左食晏。其實參加呢D模擬面試，都係等妹妮有個idea到時面試係點，當玩一樣。不過聽講而家小一面試會問d好深既問題，問下時事咁，真係擔心，就算問我都未識答，不過聽天由命啦。



今日食habitu，其實好耐好耐無幫襯過，今次食又幾驚喜。個海鮮意粉好味呀！



burger都唔錯




妹妮自從去蘇梅晒黑左後，而家都白番好多了，反而我仲黑過佢，都仲未白番。。。慨歎年紀大新陳代謝無細路咁快



瞓醒後諗唔到去邊好，好耐無溜冰了，於是同妹妮去溜冰，對上一次好似係復活節都成有成半年了。度下腳仔先，好彩妹妮隻腳無好似身高咁標得咁快，D鞋仔好多都著到成年都未唔啱著



我地次次黎都係自己亂咁踩，不過妹妮都好似唔驚，企平地更加可以平衡到



而家除左企鵝，仲多左其他更高既動物，熊仔比130cm-150cm用，海豚可以比大人用潻呀

妹妮暫時仲用緊企鵝，但係發覺原來靜悄悄加左＄10租金呀



妹妮都係跣下跣下咁，但係有企鵝就一定唔駛驚跌低，唔駛媽me傍住自己都夠膽跣來跣去。

玩左大半個鐘就關場，不過其實都玩夠了，再溜都開始攰了。襯時間早我地去排隊食壽司，妹妮唔知點解好鐘意食壽司架，平時都係叫熟食比佢，但最近自從食buffet食過三文魚，佢無啦啦話自己最鐘意三文魚，更開始食三文魚壽司潻！



平時唔比佢玩電話，你估佢拎住個電話做緊咩？ 佢聽緊歌呀，最近首本名曲係陳芳語Kimberly既“愛你”呀



妹妮至愛：三文魚籽，蛋壽司同最近新加既三文魚壽司。海膽就係媽me爸B既飛佛！

長腿妹妮愛新地毯

媽me返香港，妹妮勁鐘意我係上海賣既衫呀，第朝一早去飲茶，而家自己揹番自己d飲食架生（筷子，水樽）

即刻急不及待要著。件T襯牛仔褲都幾好睇噃，不過妹妮著左牛仔褲好似好鬼大個咁呀。

髮夾，眼鏡通通戴晒上身！



不經不覺，妹妮已經差不多去到我手踭咁高了，但佢仲未夠5歲架， 點解佢會咁大隻架呢？？



而家入場已經要度高，希望唔好咁快高過120cm啦



入到去遊樂場，每個家長都有張收據，廿分鐘後去接返小朋友，我地諗住妹妮第一時間走去玩波波池，點知佢居然去左攞畫紙，然後坐左係地下畫畫。



仲好似有朋友仔潻，細路真係容易交朋友！



今次換左屋企張地毯，之前果張又簿，顏色又暗，其實一直都唔係好鐘意。今次換張淺色既，又長毛小小，唔只媽me鐘意，妹妮仲勁鐘意潻！



鋪好後即時瞓上去，最緊要係D毛毛好軟， 瞓上去好舒服



妹妮猛撥手撥腳，好似係度游水咁！呢個角度睇妹妮雙腳好長呀！其實佢都唔係瘦，不過雙腳又瘦又長，比左我就好了。



游水呀！

仲有幾張雜相，妹妮件4yr old tee仲啱著，襯埋佢最愛既長裙仔。

媽me去上海

8/29日陪妹妮返完學同食完晏，就到媽me去上學了，無飛成大半年，下半年既training又開始，黎緊差不多每個月要飛上海一次。其實公司個training center係上海既最外圍邊皮，已經屬於蘇州範圍了。所以無上海市咁多夜生活，通常都係放學去食餐飯就算。

下午5：00機，落到機去到酒店都成9點了！好彩今次有同事一齊去，無咁悶可以一齊出街食下飯。我地去左宵夜，食呢D小龍蝦都唔係好貴架咋 。



今個trip三日兩夜，尋晚返到酒店上床瞓都已經12點，點知妹妮晨早6：30就tango叫醒我！好眼瞓哦 不過今次training好在係酒店搞，落樓下上堂超方便！！而且有wifi，隨時可以同妹妮傾偈。



8點3先施施然落樓下食早餐，9點去上堂。其實自助早餐雖然有好多野食，但係又唔係樣樣都咁想食



9點開波，其實training 內容都係自己睇書都得，不過D公司梗係要搞D training先至安樂。上到黎基本上係全國既同學都有，所以traininig都係講國語架，媽me只係聽得懂，講就麻麻地，叫做溝通到囉。



好彩每個零鐘有 tea  break，有d snack食下用來止眼瞓！



上埋聽日堂，我地放學就即去機場，所以今晚係唯一可以出去食餐好小小既。我地去左附近新開商場既'豆撈坊‘，聽講差不多全中國都有分店呀，呢入面裝修都幾光鮮乾淨，係食一人一鍋打邊爐既。



一卷卷果D係羊肉，好彩唔’蘇‘， 碟肥牛好靚，但都要成＄170碟，本地人究竟係咪咁多咁有＄呢？ 



不過服務就好體貼了，除左手機有套外，人都每人派條圍裙架

呢個芋頭沙冰好重芋頭味，＄12/杯



手打麵都係十零蚊，埋單我地3個人都成四百幾蚊，真係唔知有幾多本地人會食？



個新商場入面有Gymboree呀！每次EE出trip去美國都會買d Gymboree比妹妮架，呢度有鋪梗係入去逛下啦！D衫件件都好靚呀！！



估唔到去到咁山卡隙都比我買到野！！



商場入面D boutique都唔差架，望落好似Juicy D display咁，唔係同男同事一齊我一早就入去逛喇！不過出左血比妹妮，自己唔買了 



之後我地去左德國啤酒吧飲野，呢度都有菲律賓人唱歌 佢地仲識講國語潻！ 最搞笑係個歌手叫埋廚師上台唱，而個廚師又唱得好enjoy，一D都無扭拎！



德團啤，幾好飲噃！



今朝醒喇，叫妹妮7：30先好打黎，當佢係wake up call!!

大懞媽me居然係最後一早，準備執行李先見到妹妮畫比我既畫呀！真係好sweet呀



last day再重覆食早餐，上堂，食lunch，tea break。四點鐘準時落堂去機場，成功standby 到6：30機，原來上海去香港D飛機好似澳門船一樣咁密，半個鐘一班架！未上機去飲杯野，點了特色奶茶，原來特色奶茶係兩個英早茶＋一個earl grey，飲落成杯好立克味一樣架。