今年我地又參加鋼琴比賽,呢個比賽舊年妹妮攞到優異獎,今年再參加,希望比妹妮多D鼓勵。10 月31日,因為lunch後比賽,但係呢日lunch後有默書,所以只好默埋書先湊妹妮飛的去會場。好彩有半個鐘時間可以趕得到,妹妮入場喇!
妹妮出場序係廿人中最後一個,開頭佢都好留心聽其他參賽者既歌,仲有話好聽同唔好聽。爸B趕黎時,媽me出左去聽電話,妹妮話次前個姐姐彈得好好聽呀! 舊年妹妮參加初級組,今年考左二級,所以參加二級組。因為大家都有番咁上下水準,都應該唔會好似上次咁有D又甩音咁呱,所以對攞獎都係隨緣啦。
去到最後5位standby時,妹妮開始緊張了,佢話唔想彈喇。但係練習左咁耐點可以唔彈呀?咪嘥晒心機,又tum下佢,妹妮就走左去standby了。
宣佈名次時,居然聽到妹妮個名呀!!好開心,雖然同上年一樣係優異獎,但對妹妮都係一個大鼓勵!!!希望妹妮下年可以加油取得更好成績啦!!
評判話呢一組好多朋友仔都彈3, 4級既歌,所以有一定難度。評判主要留心有無感情,大細聲,節奏等。。。點都好,好戥妹妮開心呀!!
之後我地同舊年一樣去食麥當勞tea 慶祝下
其實媽me連飯都未食架!不過食個tea算數
Mc Cafe D cheesecake 同薑餅咖啡又幾好味噃!
返到屋企比yaya見到個獎,yaya都好戥妹妮開心呀!!yaya仲發現今年呢個比上年個重潻呀!
halloween 晚,無party去,便跟EE去左學整halloween cookies。聽講呢個班好快滿,而且要學過至得,因為呢班係中班,D花己經比較難小小。媽me其實未真正學過,但畫花呢d唔難到我既。
呢晚就係畫呢幾塊喇,又真係好鬼靚噃
其他作品都好靚架,原來曲奇都可以變得咁精緻!
最鐘意呢幾款公主曲奇呀,妹妮實好開心!
準備開始喇,因為D圖畫好精緻呀,希望畫出來有9成似啦!!
首先要塗晒d大範圍既部份先,呢part一d 都唔難,但原來都有小小技巧既。要綑好邊再由外畫到內。
其他同學都有參加過初班,所以好快上手
最難就係呢part了,因為個女仔最精細,但係要小心outline得靚靚地
參加完呢個班,覺得其實做呢d曲奇唔難,最難係要有心思設計圖樣,仲要有咁好心機唧花!因為玩完一堂由7點至10點至放學,做左幾塊雙眼已經好攰了,真係 有D斗雞呀!所以好多謝EE幫妹妮生日會做左成60塊曲奇呀,真係成擔心機係入面呀。
呢個班做完後唔係拍拍pat pat走,仲有得飲下茶
食下餅,relax番一下
討論下剛剛既做後感,有咩技巧要特別留意等
呢盤就係我既曲奇了!好靚呀!!其實大家都做得差唔多,係畫細花時真係要小心同慢慢斗出來。叫我返屋企再搞真係無咁好心機了!!
點都要同自己出品影下合照,妹妮見到都好開心呀,我比佢帶左返學當零食,佢一d 都無唔捨得食,一啖啖將呢d靚曲奇吞落肚仔!
再來close up,真係好滿意呢!