熱爆BBQ

上晝畫完畫，返屋企沖完涼，我地又出發了！呢日約好朋友仔Ellie同康然去錦田俱樂部BBQ呀。爸B因為要提早一日去珠海為星期一開會準備無得去，媽me同妹妮二人行！大家約好去到先到先等，我地去到見大家都未出現就去玩下先，妹妮率先要跳彈床！佢最鐘意就係跳彈床，平時係屋企都差D將梳化當彈床咁跳。



＄20 十分鐘，但係妹妮跳兩跳就話唔想玩了，因為張彈床被太陽晒到好‘興’呀，熨親雙豬腳仔。



其他跳彈床既小朋友都有著襪，所以無咁‘興’，妹妮著涼鞋，我地都無諗起要帶襪，妹妮話佢都想著襪呀。。。但係邊度拉對襪出黎呀？妹妮最後都忍熱跳左幾分鐘先出黎。。。呢度都好熱呀！！



同妹妮去玩填色，因為舊年同EE黎時玩過，今次黎到佢即刻記得呀。揀好鐘意既圖樣，填好色比counter焗幾分鐘，就會變成玻璃貼架喇！你睇佢熱到滴汗呀



今年大個左，可以自己填色，唧顏料都可以控制到力度，唔會唧得太多



自己襯好色！



焗好之後變成膠貼，可以貼係門，牆，櫃！妹妮自己都好鐘意呀，有個細路仔見到妹妮件制成品都叫佢媽咪睇下，話好靚呀。最抵死係妹妮第二日講番比yayaGigi知時，話： donno the people, also say my drawing is beautiful  
係咪搲爆頭？？
dono the people擺明係﹣﹣＞‘唔識既人’ 直釋！！！點解D英文變得咁差架？？？？



康然佢地到了，我地去BBQ場搵佢地。經過見有芒果樹叫妹妮埋去影相，不過掂住好喇，唔好摘呀！點知妹妮話：已經甩左出黎喇 睇佢個樣幾驚訝



去到已經開始燒野食了。。。今日真係熱爆，熱到無咩心機燒呀



不過大家都好有体育精神繼續燒



Ellie雖然頭都濕晒，但仲燒得好認真潻



幾個細路熱到頭都濕晒呀！食下野飲下凍飲先啦



魚EE幫妹妮整左個紋身呀，係佢恨左好耐既 katoo。。。記得有一次妹妮猛話同學仔有katoo，佢都好想要，我同yaya聽到頭側都唔知咩叫katoo，直至佢玩芭比公仔，幫條裙貼貼紙時話果D叫katoo，我地先恍然大悟！原來講緊tatoo!!!!



個tatoo係防蚊潻架！



即時showoff比人睇



Ellie同Evan叔叔無你咁好氣，食左先講



康然同妹妮玩下吹波波



實在太熱，我地食物真係食好小，但係就猛買凍飲，食埋雪條降下溫！



呢幾張相妹妮揸機影既



呢張我最鐘意



雖然揸得唔夠水平，成日歪埋一邊，但係都好清楚吖



明顯係影緊人架



4點幾開始突然橫風橫雨，一落就落到黃色暴雨警告。不過我地有瓦遮頭唔駛驚，但係早知落雨就趁落雨前比妹妮跳多次彈床啦，佢同康然都話想跳架，但係我地叫佢食左野先。



我地唯有係燒烤場入面吹波波



場大雨急降溫，即時涼番晒，大家再有mood燒野食了



我地無無聊聊都玩到成6點，康然佢地返屋企先，我地收拾埋殘局都走了



bye bye康然



康然走左，妹妮走去同Ellie玩



又幫Ellie影相



大姐姐，Ellie叫妹妮做 ‘Aerin遮遮’



無幾耐我地都走了，妹妮上車一陣就倒頭大睡了，呢一日真係辛苦了你。

妹妮初試兒童繪畫比賽

5月20日，妹妮呢日第一次參加繪畫比賽呀。之前老師話妹妮畫畫有天份，叫我地比佢參加下繪畫比賽，但一直都唔見有比賽，終於今次見到有報名了。



比賽9點開始，但係畫室8：15分就集合，我地去食左早餐先！



今日個主題係畫動物，妹妮仲自己揀左條動物裙，襯番個主題！



食食下早餐無啦啦又走過黎玩cat cat同媽me捽鼻！

妹妮每次見到媽me個粉盒就要爭住幫我化𤕸，不過佢都係玩玩下幫手拍下粉咁



畫室話係呢對手對開條樓梯行上去集合，妹妮都未行過呢度架



上到去攞好畫具，就‘開擅’嘞。本來一早以為帶張蓆坐地下就得，但係畫室話最好帶櫈仔，坐得舒服D。先至醒起去買左幾張櫈仔，好彩呢D櫈仔好平。



在場所有人都係見位就坐低，其實都唔係寫生架，初初仲以為係寫生既潻。



未派畫紙時，後面個小朋友比左張畫紙妹妮起下稿. 
今次主題係'童'愛動物嘉年華, 妹妮參加初級組(4-6歲) , 其實任你畫有關動物既野都得既.



呢幾個星期都係逢週未就落雨，初初仲諗住今日唔駛黎，點知呢日又好天，有太陽晒都幾熱架。我地又移位去有瓦遮頭既地方坐下，畫住先。



但係實蕉又話果邊唔坐得，於是又搬番出黎坐，好彩一早帶定雨具，唔落雨都擋下太陽！呢個時候妹妮同我地已經流晒汗。。。爸b負責擔遮, 我就負責撥扇, 三個都大汗叠細汗!



好彩個太陽唔係成日都咁晒，都有時候呢埋左。



妹妮用鉛筆起晒稿，都係畫晒心目中想畫既動物咋



好快已經起好稿, 可以上色了. 全幅畫都係妹妮自己畫架, 係爸b有時見唔靚既位就叫佢擦左再畫.



我地比下意見d動物填咩色好咁



今日好多細路呀, d單張話以往都有成幾千人參加架. 未試過都應該黎試下既, 如果唔係咁熱應該幾好玩架!



上色其實都好快, 畫好就可以隨時交畫走人, 我希望快d走, 因為太熱了, 覺得自己一身汗味好臭好難頂呀.



終於上好色了, 我覺得妹妮畫得好靚呀, 隻長頸鹿條脷專登伸出黎lam隻白兔架! 不過當然見到有d其他人既作品都好靚啦



對於有無奬攞我地都無所謂, 今次纯綷比我地(係呀, 爸b同媽me都未試過吖嘛)感受下戶外畫畫咋. 仲要有咁多人一齊畫.



妹妮更加懶理, 當交完功課一樣, 開包餅已經不停咁食.


去個back drop影番張相留個紀念



離開時, 原來有好多人都坐到好遠畫架! 只要夠鐘前交畫就得架喇



途經公園入面, 但我已經無心情參觀了, 因為d汗up住真係好辛苦



要嗱嗱聲返屋企洗白白呀!



妹妮今日好叻, 媽me同爸b比十個叻你!