26日Boxing day!
話說尋日同妹妮食晏前,佢先記得要同聖誕老人許願今年要咩禮物。點知佢居然許願話要個皮球,原來係平時用來練拍球個橡膠波爛左了,因為體育課考試成日都要考拍球,於是妹妮就想要番一個皮球了。。。但係當然我地有無時間去準備啦。其實年年都無話特別買聖誕禮物比佢架。舊年去美國就買左個Sofia公主。。。但係有隻聖誕襪就塞d禮物入去啦。
妹妮發現到掛係樹上隻襪真係有禮物噃!一拎出黎係一個兩邊夾,可以一邊夾衫一邊夾住頂帽,但係包裝好似BB用品,妹妮一拎出黎就話: 送錯左呀,比BB架!! 我話原來係佢之前都想要架,因為朋友仔有一個佢覺得好方便嘛
前一排去過姆明cafe,隻杯都係果度買。妹妮好似幾鐘意咁
點知呢個表情出賣左,好似既驚喜又失望咁。原來佢話點解唔係皮球既?我唯有話可能尋日已經係廿五號了,聖誕老人已經係芬蘭出發了,已經番唔到轉頭換禮物比你了。。。妹妮又真係信!其實佢有話過世上都無聖誕老人既,但係我同爸B都話有架,仲有聖誕老人村添,佢又信,哈哈
呢晚我地去左Evan叔叔屋企開party!
又係博命食既時候
呢晚連新婚既Paul同Binnie都有黎呀
而家幾個女仔大個d,開餐佢地可以自己顧自己了
食食下都係去左玩 -_-
ELLIE主場,搬晒玩具出來招呼朋友
仲入埋房玩
食完飯,仲有小朋友先有既交換禮物既節目。小朋友聖誕節真係開心呀
大家即刻拆埋黎玩!
ELLIE抽到個 ear muff都好得意呀!
反而係兩位EE好似更急不及待要拆禮物黎玩咁
d 爸爸就係後面睇電視玩手機
原來個遊戲要將木村穿過大樹,再倒入馬騮,之後輪住抽出木枝,馬騮就會跌落地,越跌得小馬騮為之勝利
Paul叔叔都黎幫下手教路抽邊支會跌小d馬騮
玩完遊戲我地又食雪糕火煱
28日,呢晚我地去又去飲呀!係老友William同Moon既婚宴,呢晚帶埋妹妮一齊去!
呢晚有好多同事都出席,妹妮本身都好熟媽me d 同事,所以去到都唔會悶
Winnie姐姐一齊出街好多次了!
仲有好耐無見既Irene!舊年妹妮都有去Irene婚禮,妹妮呢晚成日痴住Irene, 仲話如果Irene係佢媽咪就好了,因為Irene係老師,會教佢野咁話喎
新人出場了!!
食到尾聲我地分批同新人影相,恭喜你地!快d生番個B啦
其實29號晚,媽me都仲繼續有飯局,同左舊同事去打邊爐,由20號做冬起,差不多連續食左9日了!
當一切開始回愎正常,我地都返工時,yaya 居然成功幫幫妹妮剪髮!妹妮自從上小學見到個個同學仔都長蔭長髮後就唔肯剪返齊蔭了,呢次肯剪短已經好難得!
今次都算剪得多了
終於如願以償d蔭儲到長一長了
但係無剪d蔭個樣又好似好大個咁
但係原來每朝瞓醒d頭髮都好似個波咁鬆起晒,好得意架!